我的組合: 終極品聽 經典試聽大計!

ghhf

驚天地 泣鬼神

年尾收爐前小弟都仲要唔斷氣, 繼續剌激下各位C兄眼球. 話說小弟自成功體驗過DIY既一條粗身銅質平衡線之後, 非常振奮, 意識裏面一直想打造另一條高檔平衡線

無心插柳, 果日係老地方某店同老細吹水, 佢攞咗條最粗身4芯舊線出來, 小弟見珍品心喜, 馬上cut咗佢一半14尺準備打造2m x 2 XLR. 有正線就要有靚頭, 再執埋銀白色網襯埋一套, 實價唔講啦, 總之淨料都比最正廠線有過之無不及, C兄一定知道係筍嘢, 唔好噴血住, 等完工之後, 小弟再加多兩錢肉緊分享聽感, C兄再嘔電都未遲

ghhf

WA22 一體臨場

一體臨場 腦震蕩

先來番個背景回顧，話説小弟係"Globe WE 274A開箱試聽與品評"，初嘗WA6 SE上"一體臨場"效果甜頭，直接舒發咗非常感性既描述:

不在外, 不在內;
不在前, 不在後;
不在左, 不在右;
沒有多, 沒有少;
抓不到一點, 卻有了全部; 身歷聲中, 現場一樣.

對於呢種形而上既表達方式，未必人人能接受體會，小弟就襯今次WA22開箱及感受到既效果，對"一體臨場"作進一步既展述

小弟之前既感性舒發其實隱示咗下面幾個"一體臨場"特性。首先係"均衡"(前四節)，各部份表現洽如其份，没有強調個别特性，系統表現係一個整體協調下既效果(第五節)，而實際上，係形成咗一個包括聆聽者在內既"超系统"所展述既神韻音律(第六節)


相對均衡

由此可見，要達到所謂"一體臨場"要求一d都唔簡單，先決條件係"均衡"，小弟用引號括住，係想强調其相對性，所謂"均衡"者係要配合每位聽者獨一無二既耳感曲線，係聽者最終"感受所在"(今次用括號係强調其絶對性)，而非純粹技術性均衡，正如小弟之前有提過，小弟唔認同有絶對既標準效果，只有絶對既技術性效果。不過話又要講番轉頭，要達到"感受所在"既"均衡"，技術性既支持係必要的，同時亦要達到一定既技術性質量，即係暗示必不可少銀両投入(硬實力)，滿足聽者基本對"音"與"形"要求。係呢個狀態，小弟既品評標準係"舒服"


統一協調

有咗基本既"均衡"效果，進一步就係統一既協調性，除咗各部份洽如其份，要達到最終協調效果係點既呢? 如果1+1+1+1=1+1+1+1係表示各自精彩既效果，咁1+1+1+1=1就係小弟追求既目標。呢個等式唔難理解，想像由左至右聽者既品聽經歷，由各自精彩轉換成整體協調效果，暗示各部份各自特性既隱沒，而建構出全新另一個層次既一體效果(一即全)。正如小弟所指，係"一體臨場"狀態，小弟係分唔到WA6 SE或WA22，平衡非平衡，各類膽管，甚至係耳機個别特性，因為佢地已經通過時間及技巧手段(軟實力)被"熔融"成一個擁有全新特性個體，好似煲湯咁，掌握好時間同火候，各材料精華溶融於湯水之中，先至係最正既靚湯。係呢個狀態，小弟既品評標準係"享受"


音韻形神

雖然巳達到協調既一體效果，但仍然脱離唔到"音"與"形"。再進一步就係形成一個真正既"超系统"，"音"與"形"只不過係載體，轉發出"神"同"韻"，即係感受"音形"，而為"神韻"所動，事實上，係"一體臨場"所展現既就係"神韻"。咁由"音"轉化為"韻"，"形"轉化為"神"又係咩一回事呢? 係呢個階段，小弟只可以依靠撞彩運氣，因為係"超系統"中引入咗一個最大變數(神者幻也，韻者妙也，腦放感性善變)，就係聽者本身，由被客觀市場標凖所牽引，變為完全主觀主導效果要求，咁就真係要睇缘份。係呢個狀態，小弟既品評標準係"感動"

C兄如果一路跟帖來到呢個位，唔係無聊得閒過頭，就係同小弟一樣有番咁上下深度。其實小弟講咗咁大篇嘢，完全係無內容的，只不過係將小弟自己既世界用一個方式展述出來，C兄睇完就算，唔駛咁認真提出質疑

最後小弟想再次用一個簡單等式總結成個展述:  終極境界 = 一體臨場 = 硬實力 + 軟實力 + 緣份


"一體臨場"組合列表

組合	耳筒	訊號管	功率管	整流管	備註
1	HD-800	Tung Sol 6SN7(圓黑屏)	Tung Sol 6080WB(JAN碳屏)	National Union 5U4G(長片集)	基準參考
2	T1	Sylvana VT-231	Tung Sol 6080WB(JAN碳屏)	Mullard GZ34(金屬底座)
3	LCD-3	Sylvana VT-231	Tung Sol 5998/ WE 421A	USAF 596	Ref-16

第一組合:

小弟而家正式宣報, 第一個WA22(完全體裝備, 並以"電池補完"供電)上既"一體臨場"組合, 係HD800(配以原廠線)，National Union 5U4G (長片集)整流管，Tung Sol 6SN7訊號管及Tung Sol 6080WB功率管

小弟覺得自己犯咗個錯誤，但對結果又唔感到意外。有留意呢個帖既C兄就知，小弟之前發現既都係LCD-3既"疑似"組合，只能算得上享受，並未真正達到感動級別。所錯誤者，一開始小弟就應該以HD800既"冷傲"去調配WA22既"開陽"，LCD-3既"暖厚"底配WA22只會增加難度。所不意外者，係WA22上既"一體臨場"效果係一如以往，與小弟係WA6 SE感受到既效果係"等價"

事實上，小弟所講既"一體臨場"對其他C兄來講係一個相對概念，因為C兄會有自己既標準，對小弟就係一個"絶對"標準，因為呢個"一體臨場"純粹係屬於小弟自己個人的。係"一體臨場"狀態時，小弟係分唔出係WA22或WA6 SE，係平衡或非平衡輸入，因為根本已經係無意義

估唔到過年前，終於遇到第一個WA22上既"一體臨場"組合，又完成一個心願。隨住小弟更了解WA22性能，應該陸續有新發現新驚喜




第二組合:

WA22既開箱巳完成, 小弟會集中番力量係Tube Rolling方面, 全面展開搜尋"一體臨場"組合行動. 其實又有好消息, 第二個"一體臨場"組合巳經被發現, 今次係T1耳機，GZ34整流管，Sylvana VT-231訊號管及Tung Sol 6080WB功率管呢個組合. 有趣既係, 兩個巳經被發現既組合, 都係以Tung-Sol 6080WB作為功率膽, 識貨C兄知道佢唔係普通貨色, 係JAN碳屏版本, 非常重手有質感, 實在值得小弟用時間品評一下. 不過小弟未有時間, 又去圖先刺激下C兄眼球, 遲些少再放毒腦震盪



一如小弟所料，抽象概念性既探討似乎相對於軟硬體技術性效果品評係無咁吸引，腦震蕩之後，小弟回歸返膽管同组合品評，俱體介紹下一個有趣組合現象，可能更易了解"一體臨場"

相對於第一個組合(四平八穩，淨完俱足)作為一個基準比較，第二個"一體臨場"組合極具貫穿滲透力，延綿伸展於豐富既層次空間，極速微動態響應，而且感覺浄靜無染。如果第一個組合效果可以使人陶醉及打冷震，咁第二個組合既獨特韻味就可以催人動容落淚，绝對係一等一效果

呢個組合效果小弟認為首先係有賴於Sylvana VT-231既層次分析力，有主導作用，不過相對於Tung-Sol 6NS7既穩密均淨就顯得明脆鋒鋭，成像亦比較傾前。配合Tung-Sol 6080WB，雖然不及5998既大動態及泛音場感效果，但有一種内歛既均稱特性(係小弟現有各功率管中獨有者)，再加上GZ34既開闊內勁動量，就成為一個極具層次感微動能量組合

呢個組合小弟本來只係評到"享受"，並未算可以去到"感動"級别。當小弟無意中將其中一隻減震鼠由WA22搬到壓住逆流器，雖然整體輸出效果平衡並未改變，但强大滲透感連貫各層次，神韻就展現來，逹到能夠感動小弟"一體臨場"效果。只係調動一下減震鼠位置，就有將音轉化成韻，形化為神既效果，讓小弟更了解，有時技術上只係一線之差，但效果可能係一個層次之隔(出乎意料之外)，特别係呢種臨界狀態，用層次可能巳經唔夠貼切，其實應該係一種畫龍點晴，"頓時昇華"既演化，從有限走入無限世界

ghhf

Tube Rolling

小弟品聽過WA22效果之後，大概已知係偏重中低頻，WA22本身係"開陽"底子，小弟係玩Tube Rolling時已有一定心理準備，就係向偏冷方向探索，當然不可一概而論，亦要配合不同耳機作不同程度調整

WA22輸入及耳機組合效果粗略列表如下(請注意，列表中數值並非科學數據，仍便於展述小弟主觀聽感既表達方式):

	LCD-3		HD800		T1	D7100
	*0	+1	*-2	-1	-1	+1
RCA = +1	+1	+2	-1	0	0	+2
XLR = +2	+2	+3	0	+1	+1	+3
冷 ~ 熱 = -3 ~ +3， * = 原廠線

訊號管及功率管列表如下(有待更新):

	Western Electric 421A	Tung-Sol 5998	Tung-Sol 7236	GEC 6AS7G	Telefunken 6AS7G	Svetlana 6N5S	Tung-Sol 6080WB	Mullard/ Phillips 6080
	-1	-1	-1	+1	-1	-1	0	-1
Tung-Sol  6SN7   = 0	-1	-1	-1	+1	-1	-1	0	-1
Ken-Rad VT-231    = -1	-2	-2	-2	0	-2	-2	-1	-2
Sylvana VT-231    = +1	0	0	0	+2	0	0	+1	0
冷 ~ 熱 = -3 ~ +3

tubeamy

ghhf 發表於 2015-12-27 16:23
驚天地 泣鬼神

年尾收爐前小弟都仲要唔斷氣, 繼續剌激下各位C兄眼球. 話說小弟自成功體驗過DIY既一條粗身 ...

Ching:
         呢條線是否數年前好流行的Cello線？

ghhf

tubeamy 發表於 2016-1-4 14:29
Ching:
         呢條線是否數年前好流行的Cello線？

據店主描述報稱，呢條係Cello線外層包Teflon皮。小弟無從查實，只有講個信字同耳聽為實。

不過肯定唔係String 1，有機會小弟都想執番條玩下，睇下咩料。

tubeamy

ghhf 發表於 2016-1-4 19:51
據店主描述報稱，呢條係Cello線外層包Teflon皮。小弟無從查實，只有講個信字同耳聽為實。

不過肯定唔係S ...

小弟數年前已玩過此線，如果做訊號線殘不入耳又硬，只有改用做電源線。

ghhf

tubeamy 發表於 2016-1-4 21:12
小弟數年前已玩過此線，如果做訊號線殘不入耳又硬，只有改用做電源線。 ...

當真?! 小弟要接一接煲煲佢，睇下咩料，遲d比聽感。

ghhf

tubeamy 發表於 2016-1-4 21:12
小弟數年前已玩過此線，如果做訊號線殘不入耳又硬，只有改用做電源線。 ...

如果做訊號線真係唔正，咁小弟會學C兄，改佢做電源線，再一次升級電池補完。

ghhf

kkc 發表於 2015-10-30 12:26
Oh，係我嘅床頭組合：240 optical 出 Hugo，Hugo RAC 出 WA22。 其實 Hugo 直推大部份耳機已經足夠。有D ...

踏入新年，小弟第一撃又係先剌激下各位C兄眼球。話説小弟收到玩WA22 前輩kkc兄報料，跟風入咗USAF 596整流膽，發覺 596係粒好膽，而家入埋Sylvana VT-231訊號膽，配埋5998功率膽，同C兄用同一樣膽管組合。

呢個組合效果中頻同人聲非常吸引，可以講係頂級果隻效果，分析力層次感，空間場感一流，係一個明麗高清組合(596既靜淨均衡，231既層次分析，5998既動態空間)，技術上完全無話可說。

係小弟既環境，呢個組合係去到享受級别，因為佢既成象效果真係太吸引，有一個好明確目標一直吸引住小弟去"享受"，所以小弟並未完全投入，被感動達到"一體臨場"，不過WA22最少要行返大半年先夠官方既break-in指標，繼續品聽系統變化

ghhf

WA22開箱 - 後後記 - 精華章節, 小弟入咗WA22都有成個月啦，d精華好嘢緊係最後先出, 特別係應用操作及效果細節想係呢個"後後記"再同各位C兄分享, 包括: 再論平衡耳機線, 永遠不足的電源, 爐火純青, Tube Rolling, 真正的升級.

WA22開箱小結 全文:
http://post76.hk/forum.php?mod=r ... 4&fromuid=87952