我的組合: 終極品聽 經典試聽大計!

ghhf

WA22第十三曰試聴

話説小弟終於揾到第一個疑似WA22上既"一體臨場"组合，正在品聽確定，系統其實仍在變化中，小弟唔想比聽感品評咁快下定論

今日先講d啊媽係女人既嘢，跟據小弟呢兩星期既體驗，首先，玩WA22必定要玩平衡同換膽升级，其次，WA22比WA6 SE對換膽管敏感度要高得多，的確更適合玩組合效果玩家，小弟可以預期係WA22上會揾到更多"一體臨場"组合

小弟自己亦有一個有趣問題，而家亦可以得到解答，WA22與WA6 SE既關係，WA22可唔可以完全取代WA6 SE? 答案係可以亦唔可以，WA6 SE係音效有佢獨特既地方，再加上性價比及其他設計考慮，小弟係小結再作比較交待。但係如果兩者之間只可選一台，小弟呢種玩家既答案就會係好明顯，各位C兄一定知道小弟既選擇

齋吹水唔過癮，小弟又出圖醒一醒神。無錯，係兩對四粒Tung-Sol 5998(同様作備用及精選)，係小弟WA22系统功率放大基本組合。跟住再玩下開箱遊戲, 再堤下神. 除咗Tung-Sol 5998, 小弟仲有幸執到對GEC 6AS7G, 雖然係舊d, 但係難得配對仲係NOS水平. 今日係咁多先，小弟保證好戲仲係後頭，而且絶無冷場

ghhf

WA22 終極組合

雖然小弟一路遂步漸進尋找WA22上既"一體臨場", 但同時亦開始體驗WA22上既"終極組合"(所謂"最貴組合"). 以小弟咁貪玩性格, 係抗拒唔到偷步心癮. 無錯, 小弟之前唔係吹水, 出動珍藏一心要體驗呢套真材實料WA22"終極組合"會係咩效果

整流膽   : Globe WE 274A
功率膽   : WE 421A
訊號膽   : TS JAN VT-231/ 6NS7

WA22平衡輸入, 配LCD-3, 電池補完, 當然仲有老鼠, 發燒保險絲再封RCA保護蓋 ...... 偷聽過一節"終極組合"之後 ......  比出八個字 - "迅如霹靂, 輕若毫毛"...... 各位C兄可以想像LCD-3被推到咁既效果   小弟覺得應該另開一帖專寫組合品評, 係跟住幾星期, 小弟會逐步分享品聽效果. 先出d非常有霸氣圖, 極毒下各位C兄先, 越識睇越要小心噴血 .....



























再遇 終極組合

帖不驚人誓不休，小弟做咩又出幅咁激超重量級圖? 因為Wonder耳機巳取代咗LCD-3, 成為新既"終極組合"

小弟而家凖備再次出動珍藏燈膽頭Globe WE 274A，用呢套膽會一會Wonder耳機偷聽一節, 究竟最貴部件再一次集合一齊, 效果係咪就最正呢? 同配LCD-3時既效果又有幾大分別呢



小弟平時其實少用Globe WE 274A係驚有閃失，有$都買唔返，不過Wonder耳機絶對值得出動Globe招呼佢

小弟呢兩日一口氣聽咗"終極組合"2節，效果係暫時所有組合最好者，先唔好講係咪"一體臨場"效果，單以純綷既技術性音質，應該係無咩對手，多得西電Globe"均凈致密，鬆容柔穩"，盡顯王者氣度，配上同係西電既421A比出高動態大音場，獨有濃艷音色交織穿透豐富層次，加上Tung Sol JAN版VT-231/ 6SN7既平衡高清，的確係不同凡響，尾齒散音絶跡，真係最後一個bit都清清楚楚，唔知咁係咪就係C兄所指，推得盡既標準?

真係唔比唔知自己勁，同時再番聽LCD-3配"終極組合"，效果已經比初聽大有進步，而且幾近"一體臨場"效果，大概呢幾個月WA22一路有行顺，小弟又加咗調音晶石，木粒及木架得到既結果。LCD-3既效果奔放自如，若行雲流水，連綿不絶，完全係無沉重，只有質既體驗。Wonder耳機係呢個階段，係個別技術性能可能有優勢，但同LCD-3既高度統一"享受"級效果相比，明顯仲有一段距離

小弟會用"終極組合"再推T1及HD800，體驗一下效果異同，"終極組合"會唔會同時係一個百搭既"典範"組合?!


利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!

moliu

GEC 6AS7G 好彩你呢對唔係花盤底~~~~否則更

ghhf

moliu 發表於 2015-12-14 11:25
GEC 6AS7G 好彩你呢對唔係花盤底~~~~否則更

好耐先見到有配對出現，小弟都偷聽咗一節，效果同5998好唔同，比較經典純淨温柔，無5998咁大開大合同空間感。

小弟下一步就想揾一個GEC 6AS7G既"一體臨場"組合

ghhf

moliu 發表於 2015-12-14 11:25
GEC 6AS7G 好彩你呢對唔係花盤底~~~~否則更

C兄有無玩過6336A代替6080? 有說6336A燈絲要求5A係6080兩倍，WOO系統會支持唔到燒牛?

moliu

ghhf 發表於 2015-12-14 13:56
C兄有無玩過6336A代替6080? 有說6336A燈絲要求5A係6080兩倍，WOO系統會支持唔到燒牛?   ...

無呀~~~6080 在woo出左後不段咁升，我當年買4支5998，都係US$120 左右，家陣......

ghhf

moliu 發表於 2015-12-14 14:40
無呀~~~6080 在woo出左後不段咁升，我當年買4支5998，都係US$120 左右，家陣......  ...

咁計埋10年8年既通脹，都要加些少，不過$120而家真係一對都買唔到

ghhf

moliu 發表於 2015-12-14 14:40
無呀~~~6080 在woo出左後不段咁升，我當年買4支5998，都係US$120 左右，家陣......  ...

好嘢唔係成日有，小弟見到就當機立斷，先下手為强，上埋呢幾件正嘢，咁WA22上既家檔就差唔多了，好過入一對300B

ghhf

無錯, 小弟之前唔係吹水, 出動珍藏一心要體驗呢套真材實料WA22"終極組合"會係咩效果.

整流膽   : Globe WE 274A
功率膽   : WE 421A
訊號膽   : TS CTL 6NS7GT

WA22平衡輸入, 配LCD-3, 電池補完, 當然仲有老鼠, 發燒保險絲再封RCA保護蓋, 偷聽過一節"終極組合"之後 ......

WA22 終極組合 全文
http://post76.hk/forum.php?mod=r ... 0&fromuid=87952

ghhf

WA22開箱小結 , 中集 - 音質及一般效果
http://post76.hk/forum.php?mod=r ... 4&fromuid=87952