有冇人好 enjoy 去德"8" ?

小瑟

呢個POST小瑟都睇左好幾日, 其實香港影音行業店舖有其獨突既生意手法, 呢點小瑟一早就知架勒, 旺角來講, 友蛇, 德八, 添置, 來來去去, 大家睇影音野其實都係果幾間鋪, 而好多熟手既師兄弟亦都會買野前去週圍夾價先出手, 其實佢地有時都有其難處的, 個個走去問價, 問完之後再去另一間問, 之後見你貴就下一間, 問到最平為止, 之後入手, 呢點其實小瑟覺得係好正路既, 在我地用家玩家既立場, 呢點真係必然既事, 亦都一定要做, 所以在用家立場, 我係支持呢個動作的!!!

好勒, 咁我地又轉一轉角色, 站係鋪家既角度, 詆下睇一睇, 佢地見D客, 個個問我部ONKYO 828咩價, 問完二話不說就轉頭走, 咁怪既, 久而久之, 佢就了解到原來大家係度夾價, 咁如果再有人問我價, 我不如問佢依家出面睇到最平既價先, 如果我真係做到, 我咪做比佢囉, 咁就唔洗講完個價出黎比人夾, 又可以真真正正做到生意, (雖知香港影音行好怪, 有時有D鋪會有機會出現一D叫"自殺價"既行為, 一D鋪會係迫不得意既情況下, 將唔係自己鋪賣開既野, 迫於無耐地以呢個自殺價出左街的), 但如果個價講出黎個價係其他鋪既自殺價, 就就唔洗再傾下去, 由得去佢買果部好野算啦.

就係咁, 好多我地呢D玩家就會認為, 間鋪點解咁串架, 冇價錢出會唔會老點人呢??? 其實呢個都係因為香港真係好細, 旺角影音行頭更細, 要生存大家都有其方法, 有D就以價行先, 有D就以SERVICE行先, 有D就以 PRODUCT行先, 但最終目的, 大家都係希望自己鋪頭可以 KEEP到舊客, 有熟客先有下次, 有下次佢地先可以 KEEP住交租出糧, 所以其實小瑟個人認為, 買機同行鋪都講緣份, 真係人夾人緣, 咁岩果間鋪既生意方式, 夾到自己既, 自然會買得好開心, 但如果係鐘意好似百老匯咁, 標哂價出黎再比錢既, 去果D就會開心, 呢下真係各式其式的.

最終我見呢個POST大家開始有火藥味, 其實都真係一個小小既誤會, 小瑟講出呢個香港影音小現象, 係希望大家可以由多角度去了解香港影音情況, 唔好只睇一面, 香港其實影音生態都好細, 呢個POST當然有真正版友去作討論分享, 但亦有可能有其他店鋪既打手係度順手借POST去攻擊其他對手, 所以大家睇 POST時, 最好就睇埋出POST既師兄究竟係76玩左幾耐, 平時又分享D咩多, 咁先可以真正了解佢係打手定係真玩家, 有時, 打手就唔一定係為錢的, 好多時都可能係為面, 或同某鋪更FRIEND, 呢D係INTERNET上, 其實都非常常見, 不過點都好, 大家都係成年人, 睇完既野都要自動去想一想究竟幾多成真, 幾多成假!!!

最終希望大家呢個POST都以和為貴, 因為小瑟都唔知呢個POST講既野會唔會已經講得太多, 最頭來又得罪人都唔知呢~~~~

komiya

komiya 發表於 2013-6-20 09:22
亞婆你都

，

ice_man

小瑟 發表於 2013-6-20 09:23
呢個POST小瑟都睇左好幾日, 其實香港影音行業店舖有其獨突既生意手法, 呢點小瑟一早就知架勒, 旺角來講, 友 ...

正解！絕對認同小瑟大王嘅論點...

小瑟

AV可樂 發表於 2013-6-20 01:07
**** 該帖被屏蔽 ****

對不起AV可樂兄, 係POST76, 唔好話收X係唔可以, 只係叫佢 "收啦你" 都可能會比我地處理的, 因為我地POST76係只準許以尊重同理性方式去討論, 帶有文字攻擊的文字係唔容許的, 當然我明白其他師兄誤會你係打手係非常不快既事, 不過一來你就以新手上路的姿態出來以咁粗壯既方式回應, 大家會誤會都係好正常既反應呢, 希望你可以明白!!!!

小瑟

yuppi 發表於 2013-6-19 14:38
我身邊既朋友買咩都比我平十幾個%, 一件貨平二三千蚊一d都吾出奇，我已經見慣哂。。。  ...

其實買平野唔難, 不過唔會攪亂人地個生態呢點先最難攪呢~~~

komiya

小瑟 發表於 2013-6-20 09:34
對不起AV可樂兄, 係POST76, 唔好話收X係唔可以, 只係叫佢 "收啦你" 都可能會比我地處理的, 因為我地POST7 ...

小瑟

komiya 發表於 2013-6-20 09:40

KOMIYA兄, 你都係呀, 文字泠兵兵, 好無情架, 係未有真憑實據前, 唔可以咁易下定論話人地係鋪主架, 咁樣好易引起罵戰, 係76都係唔容許架!!!!

keekee

絕對認同小瑟大王嘅論點 x 2

pac

小瑟 發表於 2013-6-20 09:23
呢個POST小瑟都睇左好幾日, 其實香港影音行業店舖有其獨突既生意手法, 呢點小瑟一早就知架勒, 旺角來講, 友 ...

絶對認同 ，以和為貴，將來得到的會更多

manKi

小瑟 發表於 2013-6-20 09:34
對不起AV可樂兄, 係POST76, 唔好話收X係唔可以, 只係叫佢 "收啦你" 都可能會比我地處理的, 因為我地POST7 ...

'以新手上路的姿態出來以咁粗壯既方式回應"...無得頂,小瑟兄好文筆