今日一心撘車出去試機 點知而家的SALES質素真係.......

louis001

chuwing 發表於 2013-2-21 01:48
I-square間鋪不嬲都好招呼；可能果位人兄新來頂更都唔定；因為吳先生放大假下星期先番；
我可以同你講佢 ...

技安師兄 其實係我估唔到係咁姐 爛船都有三斤釘 我見到兩部旗艦係度
諗住試一試無坊 諗住佢代理應該SET 好的野黎毒客麻 咁我都相信係個別事件
我都係有感而發 況且我一路都冇話佢地服務態度差 佢都肯開機試俾我聽
我對佢地服務態度係收貨架喎 不過係個個SALES真係唔夠PRO 完全唔明白個件
產品 有少少亂咁吹捧 又問非所答 剩係成日係度強調 外國機好過日系機
咁你都要有的數據黎實卜你架 講力水 120W X7 好多日系機真係大過佢
咁你係咪應該解釋我知佢點解好過日系機先 咁可能我都係激進左少少
呢個應該係個別SALES問題   不過部機俾佢SET 到咁樣佢都話好聲
我替佢既專業感到難過

louis001

mingo 發表於 2013-2-21 10:46
我去sony store都唔知幾好招呼 我唔講蝗語講本地話都唔會歧視我
又有穿著sony制服職員服務真係正 最後買左 ...

師兄唔好誤會 個個SALES服務冇問題 我收貨
係SET 機同對件產品唔多了解呢部份我有的意見姐
買衫講外表 聽機聽內涵 就係咁簡單

patrick12345

我都 support 樓主。

講真你開舖頭又好, 做代理又好, 請個人番黎企o係舖頭就係代表你間舖喇,
你請個人但質素有問題既個客唔滿意好正常。  

到我去投訴你就話佢係替工？咁係咪即是話你舖頭無錯, 錯在我無 book 吳生試機？
我去你度買野都要夾埋你員工個更表？今日呢....上午就係垃圾服務, 下午就係優質服務咁？

插隻 8" woofer 又話正常無問題, 人人口味唔同但都有個 standard 掛,
只係講人人口味唔同的話唔插 woofer 都得喇, 你都無開聲叫我插番隻 13" 落去有人唔鐘意用 woofer 架嘛。

係咪咁做代理先？

louis001

patrick12345 發表於 2013-2-21 13:42
我都 support 樓主。

講真你開舖頭又好, 做代理又好, 請個人番黎企o係舖頭就係代表你間舖喇,

多謝師兄 我去個時係夜晚7點 唔存在著一早去既問題
點都好 袛係分享 唔需要太激動

patrick12345

louis001 發表於 2013-2-21 13:56
多謝師兄 我去個時係夜晚7點 唔存在著一早去既問題
點都好 袛係分享 唔需要太激動   ...

其實我無激動既, 嘻嘻。
只係我覺得件事唔對路, 比人講好正常。所以我好讚成大家出呢 D REPORT。

減少呢行 D 害群之馬絕對係一件好事。

!替天行道!

patrick12345 發表於 2013-2-21 14:08
其實我無激動既, 嘻嘻。
只係我覺得件事唔對路, 比人講好正常。所以我好讚成大家出呢 D REPORT。

我又唔明白點解尼單CASE可以用到“害群之馬”尼種字眼
正常情況AV AMP大部份都係SET好曬，絕有可能人地剛剛搞完另一單野，未SET返好部機
個SALES只可以講係唔PRO，尼樣我絕對認同
另外，陳列室慣性都係要開RRP架啦，你去大昌買金仔，人地都係QUOTE RRP，無一間陳列室會一開就比折頭你，除非人地真係做緊折頭，你地都唔明香港地D客有幾煩，個客唔問折頭，你走去打折，一樣會比D客鬧，你又知唔知？另外，人地又唔知你係咪零售商無間道，人地做批發同行家有協議，開陳列室係陳列，人地唔會主動打折頭，尼個係慣例，如果批發商一齊劈價，咁人地出面點生存？
樓主只係覺得尼次visit感覺不良好，其實SET機尼樣野下次可以同個店員一齊研究，基本上玩REMOTE玩SETTING係試機一大個步驟，有可能上手有客SET亂左，你又未必知，亦有可能CA真係衰聲呢，同你唔挾口味
如果再睇返樓主成篇野，結論係SALES無技巧，唔識SELL，即係賣ROLEX，你問佢ROLEX同精工比，佢就話歐洲錶揮低日本錶，即係唔識SELL，不過尼樣可以再溝通，你可以即場表示，要求換SALES，比個熟D既
如果講問題SALES，我諗同層5樓有其他名列前茅

patrick12345

!替天行道! 發表於 2013-2-21 14:44
我又唔明白點解尼單CASE可以用到“害群之馬”尼種字眼
正常情況AV AMP大部份都係SET好曬，絕有 ...

我都讚同你既講法, 咁我收番 害群之馬 呢 4 個字。

不過都係果個道理, 如果間代理放個咁既 sales 在舖, 客人去完對佢個品牌失望好正常。
其實佢唔 pro 又好, 唔識又好, 如果個客問一 d 佢唔識既問題, 佢可以話去 check 完留埋個客電話去覆番個客。呢 d 先係代理既服務。
絕對唔應該亂答, 求其答囉...
咁樣可能樓主收完佢電話已經番o左去搵番佢比錢添。

如果我去買車, 入到車行見到成班 sales 用個 display tv 睇緊同事三分親，問佢想話試車佢先話架車未入油又未搵番條車匙叫我行陣街番黎,
之後問佢歐洲車同日本車 2000 cc 比 1800cc 只差 200cc , 咁歐洲車邊方法優勝, 佢就一味話力水好日本車無料到。
到埋牙試車點解上斜無料到既, 佢先話有 d 客唔鐘意咁大馬力所以個引擎 lock o左 speed........
咁個客人番到去媽媽聲係好正常吧。

其實爭取到個代理權番黎, 再比咁貴租放個 showroom o係度, , 但之後是但請個唔 pro 既人放在舖面同自己倒米？
完全唔明件事點解會咁樣 handle........

yuppi

patrick12345 發表於 2013-2-21 15:31
我都讚同你既講法, 咁我收番 害群之馬 呢 4 個字。

不過都係果個道理, 如果間代理放個咁既 sales 在舖, ...

從呢件事反影到影音行列服務倒退。

仲記得廿年前我仲係仔，T恤波鞋牛仔褲，擺明攪攪陣冇幫襯走去旺角麗斯大廈樂聲陳列室，同個 sale 講想睇下部 amp, 佢即刻開咗成五六百呎既房陪住我試，期間一有空檔就介紹部amp 既特點，佢明知我齋玩都陪咗我呢一條友成粒鐘，仲派野俾我飲，呢d真係服務！

講番呢單野，代理係代表品牌，並吾係街舖。Shownroom 原意就係推廣產品，開得門就要預咗俾人試，咩未準備好，sale 吾pro 呢d全部都係藉口，要夾岩員工返工時間先有好服務更加係本末倒置。

本人只針對呢件事，並吾係呢間代理，希望呢間代理關注一下員工培訓。

keith688

其實尖沙咀果間過年前先去過，係房度玩咗成2個鐘個亞叔好有耐性態度幾好，不過套機set得唔夠好亞叔解釋喇叭大問房食唔晒，始終sales質素有參差，整體嚟講上次試音經歷OK！

沙煞比

讚同SALES 企得出黎就係代表間SHOP 同為公司推銷產品比客人

轉個方法講

係呢件事上面, 損失既係商戶 (因為無左一個客買機同埋令客人有個不愉快經歷)

佢地員工對產品方面唔熟識, 亦用不洽當既言行去嘗試掩飾
好既商譽同給予客人賓至如歸既感覺唔係容易, 亦好客易因為少少錯失令客人失信心

個人黎講, 好多時唔介意比多少少以換取優質既服務, 而亦最怕係去買野變左成肚氣

希望各行業既前線員工明白應該有咩既服務態度啦