用緊Sunfire十仔的師兄們留意(7-May更新)

timka

alzard兄...支持你做既野
我都好想知最後既結果~

maner394

下面係Roksan代表李先生的回覆(原文節錄)﹐先參考下(正要求正式信件通知)
1. As a distributor, we never recommend the users / clients to change any parts of our products.

2. If the user / client change a ...
ikkjr 發表於 2009-5-1 02:25

算吧喇，任佢講者，佢有心唔保講咩都得，一陣話你唔用跟機電源線都得！
跟本呢個代理係有問題！
alzard 兄隻SVS夠燒功放，點解SVS要即刻換隻新比 alzard，佢夠可以話你使用不當而不負責，呢樣咪叫做售後服務叫做生意，人地唔會因小失大，人地明白口碑係好重要，一傳＋十傳佰，記碼我對呢間公司好有好感，下次買同類產品會優先考慮，呢件事另樓上qq1122yq 兄也都想買SVS，咁己經賺番晒，好似有Ｄ師兄買新玩具，跟住放上嚟介紹，好多其他師兄會問响邊到買，果到Ｄ服務好唔好，果Ｄ咪生意攞，我都係做服務性行業深明始道，係呢個時勢，唔係賣得平就係皇道(緊向况 近期 sunfire大幅加價 )，你要比客人信心同安心，生意至會長久，失一個客好容易，找一個客就好難！
alzard 兄 爆AMP事件簿:
爆AMP事件簿

四月三日
代理check到有一個PC12Plus(後來問到呢件係全臺灣同香港第一個PC12Plus)係倉﹐二話不說立即落order。(興奮度50%   )

四月六日
收到電話話可以送貨﹐可惜當晚要睇演唱會唔得閑  ﹐所以星期二線送貨。心情持續興奮 (興奮度75%     )

四月七日
晚上七時subwoofer送到門口﹐好辛苦先從個箱拎佢出黎。只怪體能差六十幾磅都搞到身水身汗﹐set好晒就插返D線試下先﹐此時八時左右。 (興奮度100%    )

食埋飯就開始試﹐試返晒之前SB12Plus有cut off情況的片段﹐全部通過無問題。最後試功夫熊貓﹐效果非常滿意﹐D聲炸到飛起同之前睇差得遠。最後爆個一下好鬼勁﹐聽到好似拍一聲﹐此時為十時十五分。(興奮度120%       )

之後收檔播返隻Yuno Ito CD等佢可以run-in下﹐發覺無晒低頻   。再check check個subwoofer無燈﹐以為燒fuse所以開始check下connection﹐check晒所有野(他fuse﹐換power cord等都無問題)   。

心想"搞X錯  ﹐唔係咁X好彩呀嘛?  "﹐email俾SVS的回覆係個AMP壞左要換。0個一刻真係嬲到爆晒粗﹐興奮度負1000%  。

本來plan好晒放假煲碟玩新野﹐而家連subwoofer都壞埋﹐煲條毛就有  。嬲嬲地send email去代理睇下可以點做(甚至退錢    )﹐但肯定既就係唔會有貨換  。

四月八日
返工無心機做野﹐等代理回覆。一早就Troy(SVS代理)聯絡我﹐傾左幾耐下看看可以點安排(全程都好有禮貌)。佢話手頭上一個spare AMP在臺灣可以寄俾我﹐我要求放假前要送上我太太辦公室﹐而他好爽快話明天(四月九日)一定收到﹐或者立即退錢給我。和太太商量後決定先換AMP﹐唔得就要退貨。(興奮度負100% ﹐過左道氣同埋Troy都好配合我的要求)

當晚自己解剖個subwoofer看看有無野鬆左﹐過程相當簡單﹐鬆開十口螺絲之後可以小心拎個AMP出黎。參觀完內部結構就安返好等明天AMP到來。

四月九日
太太十時話俾我聽個AMP已經到手﹐當時真係想請假返屋企搞。幾經辛苦挨到放工就立即回家換AMP。半小時後就換好可以試啦﹐一開見到有燈先稍為放心。(興奮度50%   )

期間Troy都有問下我搞唔搞得掂﹐重申唔得可以退錢。可惜的是呢個價位買唔到一個咁樣表現的subwoofer  。當日都有試subwoofer但無開咁大聲﹐有點保留地試等過埋個假期先算。

最後經過四日假期反覆test過都無問題﹐表現十分出色  ﹐亦都爆過好幾次燒AMP的功夫熊貓。而代理的表現令我滿意﹐不論態度和效率都很好。雖然呢個經歷不太愉快﹐但可以咁快搞得好其實都好難得﹐所以對SVS同代理投下信心一票(才有呢篇報告出現)。呢幾日都有傾計看看點可以加強售後服務﹐希望他們能做得更好!

ikkjr

>算吧喇，任佢講者，佢有心唔保講咩都得........
maner兄所言極是
小弟就是原本有意買Sunfire, 但看了代理的處事手法便要再三考慮

孤身走我路

嘩..Sunfire..D十仔咁多嘢架.重想換番只玩吓添..依家真係要諗吓第二只la..
粟米湯 發表於 2009-4-30 21:20

我相信任何一隻牌子的SUBWOOFER都係一樣 , 只要客戶自行更改內部任何零件, 都唔會有保養...
所以冇事冇幹都係唔好搞佢......

maner394

我相信任何一隻牌子的SUBWOOFER都係一樣 , 只要客戶自行更改內部任何零件, 都唔會有保養...
所以冇事冇幹都係唔好搞佢......
孤身走我路 發表於 2009-5-1 17:53

其實唔只 SUBWOOFER 呢樣嘢，任向受保養的產品都係(只要客戶自行更改內部任何零件, 都唔會有保養)，不過我地而家唔係針對是否自行更改內部任何零件而有無保養問題，而係針對代理處理事件同維修技術問題，好似阿定記所講(try of eorr)係好低層次維修技術，假如你部tv發現燒咗fuse，當保養免費你比代理維修，第一次話你聽壞呢樣，隔一排又話你聽壞個樣，再隔一排又話你聽壞...........你會感覺如向？你對呢間公司重有信心嗎？

polong

我相信任何一隻牌子的SUBWOOFER都係一樣 , 只要客戶自行更改內部任何零件, 都唔會有保養...
所以冇事冇幹都係唔好搞佢......
孤身走我路 發表於 2009-5-1 17:53

應該話所有未過保養嘅電器都一樣!費事出左事就煩，過左保養我都吾會特別搞佢地，買得個品牌就因為鍾意佢地班designer嘅成果，改機換嘢不如試下其他牌子。Touch wood,成屋電器用到換都無消過一粒fuse,除左d燈膽,消fuse一定有佢作用同原因!
今次又吾知會比人扣幾多呢???

[quote]個Case令我想起早前發生嘅"美心叉燒師父"果段片!
polong 發表於 2009-5-1 01:48

我出完個post即減閱讀權限: 20
星級會員轉為高級會員
polong 發表於 2009-5-1 02:22 [/quote]

maner394

應該話所有未過保養嘅電器都一樣!費事出左事就煩，過左保養我都吾會特別搞佢地，買得個品牌就因為鍾意佢地班designer嘅成果，改機換嘢不如試下其他牌子。Touch wood,成屋電器用到換都無消過一粒fuse,除左d燈膽,消f ...
polong 發表於 2009-5-1 18:52

師兄減權限唔關出 post 事，有時搞清楚件事先，唔係人地唔知呢到好黑暗
http://www.post76.com/discuss/vi ... &extra=page%3D1
重有只要"互相尊重"同"以禮待人" 原則下講咩都得  
作者: 小瑟
近日發現有很多朋友在討論交流時, 對話態度另他人不悅, 欠缺君子間既尊重同禮貌, 需要知道本論壇除了一般版規之外, "互相尊重"同"以禮待人" 係本論壇的終極宗旨, 如果有發現任何不當之言論, 一律刪帖或屏蔽處理. 如情況嚴重者會刪除會籍而不作事先通知!!

※大家可以唔黎POST76傾計, 但黎我就煩請一定要接受呢個基本條件.※

希望大家多多合作!!!

timka

希望我隻HRS-8乖乖地...見到代理既處理手法如此..
我諗如果不幸死SUB仔...我都唔會整..換過隻算...可以都會投入威記懷抱

yuppi

SUBWOOFER 在影音器材中算係幾耐用同埋吾駛成日換款, 如果吾攪佢分分鐘可以用十幾年....

ikkjr

SUBWOOFER 在影音器材中算係幾耐用同埋吾駛成日換款, 如果吾攪佢分分鐘可以用十幾年....
yuppi 發表於 2009-5-2 08:45

同意C兄講法. 比較其它器材, woofer 相對是耐用.

但多數用户買行貨的主要原因是售後服務,
如代理連最基本的保養服務也做得不好,
實難叫人放心購買!