Netflix 非主流戲劇主觀亂評 ~~ Cross：跨界任務 (#136)

SonSon

香港有新聞女王, 日本有新聞主播, 阿部寬做主播有強大氣場壓陣, 近期新聞多多既永野芽郁做新鮮人. 通常日劇話題涉及新聞都會沾上政治黑幕復仇等, 當然主角都有過去不為人知事. 劇集以單元個案形式+揭露政壇黑暗為主. 每集都有唔同嘉賓參戰, 難得係嘉賓唔係熟口熟面但係日本又略有名氣, 所以對海外觀眾有一定新鮮感.

SonSon

一個中年podcaster, 一個失意記者, 一個新手調查員, 為網絡流量組隊去愛爾蘭小鎮報導一宗幾十年前發生既失蹤事件. 睇trailer幾吸引架, 但係劇情真係東拼西湊咁, 所有線索都係單靠鄉民口述了解拼湊結局, 主線含糊, 過程感覺為自己光環多過為鄉民解決懸案, 加上三位主角性格絕不討好, 好唔容易先煲晒...........

SonSon

全面失控算係一個紀錄片形式系列, 呢次睇係trailer已好吸引............2013年一艘豪華遊輪失去電力然後海上漂流, 最後導致船上每個地方都充滿便便, 真係隔住個mon都聞到陣味. 劇組搵返當時船上遊客員工等描述親身經歷, 加上影片, 點樣失控導致船公司公關災難等都有講. 事後睇佢哋輕鬆講返其實幾好笑.

SonSon

荒山野嶺弱女遇上殺人狂魔如何逃生? 拍得好可以緊張刺激, 拍得差可以預知劇情. 呢套就係後者, 劇情有Bug所有套路可以預計, 殺人狂魔心路冇描寫, 弱女求生完全可預見, 中段救人警察及老翁聰明點已可提早完場, 加上成套戲成本甚低, 場景變化唔大, 好彩係個半鐘唔算浪費人生, 唔睇真係無損失.

rach

頭幾集動作場面有睇頭,
中後段集數劇情有轉折, 有Joker影子,
值得一煲😎

Kowloonman

rach 發表於 2025-8-10 08:54
頭幾集動作場面有睇頭,
中後段集數劇情有轉折, 有Joker影子,
值得一煲😎

睇得好矛盾,個個有槍係會好危險,但睇到啲人渣被槍決又好大快人心.

SonSon

睇完毒梟聖徒, 搵返套影帝輕鬆片平衡吓心理. 事前已有心理準備類似 Mr. & Mrs Smith, 當然珠玉在前, 依家睇返當年畢佬兩公婆仍然無得比, 故意其實無乜新意但勝在輕輕鬆鬆, , 影帝即係影帝, 住家男人同毒梟比較反差極端, 尋找老公有無出軌笑料頗多但又唔會過火無厘頭. 總結新意係無但睇得過癮.

rach

一套熱血音樂主題嘅日劇令我林起藍色巨星😎

睇左頭兩集, 攝影/音樂都好正, 用大電視靚音響播效果更上一層樓😋