Ribbon RCA cable

Alman

邱邱 發表於 2021-5-8 13:42
個盒寫澳洲eti bullet plug但唔知係咪是同KLE？

未試helix 整法，近輸入一頭要接負極嗎？見師口拆coil… ...

ETI 新RCA頭出自澳洲， 舊產品名為 Bullet plug。 聽說 KLE 與 ETI的設計者有關聯， 詳情就不得而知了。 小弟覺得新ETI頭效果亦非常好。

Helix 整法可參考下此link：http://www.image99.net/blog/file ... e-interconnect.html

小弟也不時在此偷師

Alman

塘水滾塘魚， Duelund 兄弟內鬥一番

終於要的起心肝， 比較下這四對Duelund silver foil 線了。 同一首歌四線輪流播， 全用於DAC － GG前級。 GG前級去後級用 Mundorf 金銀單枝線helix ； 喇叭線以新整Solen漆皮helix走低； 去高就用 Neotech 雜錦 UPOCC 銅helix， 用它取代了Solen helix後， 線條有所改進。

介紹下四兄弟先：
（一）打孖Duelund 0.5 入 teflon管 twisted pair配以 AECO鍍銀頭；
（二）打孖Duelund 0.5 一齊入棉管helix， 配Cardas頭；
（三）單條Duelund 1.0 oil silk 繞以兩條 鍍銀OCC 20 awg copper， 再helix 配 KLE Pure Harmony 頭；
（四）單條Duelund 0.5 入棉管helix ， 用 KLE Absolute Harmony。

今次唔試咁多音樂， 只揀了三首平日試音耳熟能詳的音樂， 一試便知龍與鳳：


麥田之歌第四首： 好考空間感及定位； 男女聲合唱， 以結他三角鈴等伴奏， 右邊結他明顯； 當中有幾下樂器雜聲， 則考驗分析力

結果是： 一號仔 背景伴奏出得較弱，音場較平板， 嗰幾下雜聲無其他咁出。二號仔音色最濃， 空間感較一號仔強d，  能量感及密度比一號仔大。  

三號仔及四號仔表現相若， 前者較開放， 後者質感強dd， 雜聲 二， 三，四 都非常清楚


蕭斯達高維契第十第二movement： 複雜演奏， 考驗分析層次定位加埋低音大提琴嘅彈下彈下。

結果是： 一號仔後排唔夠其餘嘅清， 二號仔最有份量感， 低音大提琴全殺； 三號仔的低音又比四號仔強d。覺得換上 Neotech 雜錦 UPOCC 銅helix 後有助分析力， 所以今次這些線出多了訊息。

The Beatles Let It Be ： 左邊鋼琴彈奏， 中間偏右有和唱， 右邊有敲擊鼓。 考分隔度及定位唔在講， 鋼琴一齊演奏混埋其他樂器會聽唔清， 分析力少d亦難過關。

先講鋼琴， 一號仔的size較細，二號仔最有份量， 三號仔有暗勁， 四號仔有力度。 人聲以二號仔最厚，音場也以它最大。 今次如要講分析力， 就係三號仔最正， 佢最能播出中後段的混合了演奏的鋼琴聲； 三及四號仔係前後定位分隔度都好好， 和音一路聽到。

可以根據今次混戰結果下些結論： 三對helix 結構全較twisted pair一對好聽； 棉管效果比teflon好？打孖duelund做signal沒有絕對優勢；單條Duelund 0.5 入棉管helix
加KLE Absolute Harmony 頭已經非常夠了；  ACEO 頭的表現有待再求證。

Alman

整咗對油淋淋Duelund silver foil 0.5 helix

前兩日Duelund 內訌， 結果入teflon twisted pair 那對唔多掂， 被其餘helix圍堵， 未能突圍。 今日把佢拆除， 最其AECO頭， 整對新線。

條0.5 入棉管後用個bump入 mineral oil 滴透線條線， 再入heatshrink（保濕也） ， 用兩條 漆皮線做helix。聲音？ 未有時間聽， 稍後定必向各位分享。

Alman

油而不膩。

聽了Duelund 油淋淋線兩日， 可以講佢係油而不利： 前身聲音偏利及硬， 變身後偏暖及潤，開聲的一感覺就係音場好後， 細節豐富。  同對 Duelund 1.0 油絲helix 比較， 聽唔到分別乜濟 。 好 。 Duelund這獨門秘方有料到，Duelund 稱用油去靜電。  小弟覺得棉管濕了油後有一定的damping作用（應該愈濕愈好）， 好似塊濕布撻係塊薄片上， 對震動有抑制一樣。今趟亦證明 AECO頭的質素。

即時諗到那兩對 Mundorf silver／gold foil可以加油了， 真係好唔得閒

油淋淋可以同佢平起平坐了
  

Alman

多勞多得， 又整多四條電線

聽完對油淋淋Duelund線， 又聽下其他線先， 到聽對 Neotech 棉漆UPOCC helix／Cardas 頭， 咦， 好有肉同氣氛， 效果同油淋淋Duelund線非常接近， 於是留低不停再聽。 突然想起仲有好多棉漆線係度， 有長有短。 以前用過棉漆線做電源線，好似唔係好夠力同focus鬆散d， 但用佢夾埋其他Neotech 做喇叭線又OK。。。。咁就整咗條 Neotech 單枝 14 awg UPOCC X3 加四條 20 awg 棉漆嘅helix 線配Monosaudio 鍍銠頭， 接係 cd player， 感覺音色醇厚之餘， 線條更滑和音像更富空間感 。 唔得啦， 跟住照辦煮糊， 用兩條Neotech 單枝 14 awg UPOCC 加三條20 awg 棉漆線搭 Sonarquest 鍍銠頭， 接於GG前級， 音色有些改變： 高音比前柔和， 音場變深， 唔通就係UPOCC的威力？

其實這一兩星期已經整咗另外兩條電線， 一條係將紫銅helix加碼變打孖火線，比原身更有力， 增加些少分析力。 另一條就用了12條 Duelund 0.5 silver foil 分為兩組電線helix而成， 嗰樣怪怪地， 諗住咁大awg 對氣勢等有幫助， 但係用係cd player 感覺有分析不過無激情（impact）， 或者要煲之故？

等佢哋操練完成， 互相比較先再分享。

第四幅由上至下：Duelund 0.5helix , Neotech 四條單枝／棉漆線helix，Neotech 兩條單枝／棉漆線helix， 紫銅加碼線helix

Alman

現在用緊兩條新整嘅 Neotech UPOCC helix電線， 一條用係 cd player， 另一條係喺GG前級， 再加埋 amp嘅 Neotech 3200， 似乎 UPOCC的魅力更加發揮： 有種醇厚但通透感覺。剛好閱畢  Audiogon的貼文， 原來有人將 helix嗰條電線由 mil spec鍍銀銅改為 Neotech 12 awg UPOCC 後有明顯改善效果，並隨之用了 二三百蚊美金更換了mil spec helix 線為 Neotech。Helix 版主自己跟住試用 Neotech 12 awg UPOCC 做 helix也得出significant improvement。。。。咁仲得了？ 一直認為 helix線可以睇餸食飯， 正負也用Neotech 做helix，diy已不經濟了。但係發燒友就是犯賤， 係要追 想去網站睇下價錢， 12 awg UPOCC成 加幣 11－ 12 蚊呎， 有咁多條電線要改，真係好溶 。 依家未有去馬準備， 但已著手搵出不同嘅剩餘物資， 例如 long grain copper，銀線， dead soft copper等試下代替用開嘅helix  primary wires先。

行動後再分享

Alman

上圖由上數下的第三條電線（兩條 Neotech UPOCC 14 awg 單枝銅 加  三條棉漆銅 helix primary wires／Sonarquest plugs） 比小弟重新打造成：

4 條 14 awg UPOCC 單枝銅 helix 一條 粗身 dead soft copper ／ Neotech plugs

照用係 GG前級， 一開聲  整體音色更從容， 分隔度更正， 音音更清脆， 低頻無boom但柔d。 無改錯 現正繼續努力改緊第二條。。。。
  

Alman

又嚟Neotech helix。。

中左毒咁， 今日將一條N 年前用Neotech UPOCC幼芯單枝銅（24 awg 加四條 20 awg）織成嘅電線拆除， 這條電線精細有餘但欠低頻力度（估計awg 唔夠大）， 係時候變身為helix。 15條 24 awg 及 4 條20 awg 單枝線（共10 awg）繞著地線， 用teflon tape 紮實；再用兩條拆皮DH Power Plus （12 awg each）做 helix 線。 今次要轉用for audio嘅helix 線試下。頭尾用 Sonarquest 鍍銠 。

講開這Power Plus, 如不要求太高可以一用. 小弟貪其有減價, 所以添置代替 primary wires 做helix. 佢都好硬身同粗下, 不過睇番d insulation 非常厚, 所以先至咁大條

Alman

求證一下。。。

最近在Audiogon 得知有人用 Neotech UPOCC 線做helix 有突破效果。 假如用上Neotech， diy花費會多好多。 但係心心不息要求證一下。 於是今日將對 Duelund 0.5 helix
紫銅／KLE Absolute Harmony 拆除， 用 Neotech UPOCC 銅代替 紫銅， 同時做了些小 mod， 睇下會點？

所做嘅 mod係 將入了棉管的 0.5 浸濕mineral oil， 再入heat shrink， 應用 Duelund 絕技也 。 helix 嘅 Neotech 為 24 awg 單枝銅， 用了 四支（共18 awg）。 整完已經夜深， 唯有聽日先至試音。 如果效果值得， 咁就會荷包大出血了

拆線



Hi油

Alman

經過測試後， 小弟認為RCA 線唔值得將helix 轉為 Neotech

這對變身為 Neotech UPOCC 單枝銅 （共18 awg）helix 嘅Duelund 0.5 棉油線／KLE Absolute Harmony
最好係同佢兄弟 一樣係 Duelund 0.5  棉油線但helix 漆皮線 （共15 awg）／AECO鍍銀頭比較一下




                                                                                    VS




AB比較過平時聽開嘅音樂， 包括交響樂，oldies， 人聲等， 兩者真係冇乜 分別咁滯！考慮到兩者 RCA頭： KLE Absolute Harmony pure silver Vs AECO 鍍銀的價錢及級別， 應該有影響， 但試聽完後， 答案是否 若果真係要找骨頭的話， 就係在播古典時UPOCC helix那對的音場較後dd和空間感明顯ddd咁多 。 反而今次最大的發現是 AECO頭的質素有番咁上下

所以小弟經已打消RCA線轉換 Neotech 的念頭， 覺得照用紫銅和漆皮線等已經夠了。 不過， 電源線方面可能會有突破， 買番幾呎嚟試也無妨