本帖最後由 ghhf 於 2014-6-24 11:07 編輯
講開DAC，其實小弟有考慮配番WOO自已既WDS-1，聽講配番WOO膽AMP，效果好正，但無得玩DSD ..... 小弟會細心試聽多幾款DAC，耳聽為實先決定。
本帖最後由 ghhf 於 2014-6-24 21:53 編輯
小弟亦有留意到另一款好簡約的DAC, M2Tech Young, 勝在有DC入電頭, 小弟之前巳經用外置電池供電, 將音源干擾降到最低, 又唔使用貴價電路減噪, 小弟覺得係平靚正之選 ..... {:6_142:}
小弟新玩具, 直接跳落火坑, 永不番身 ..... {:6_126:}
ghhf 發表於 2014-6-26 20:47 static/image/common/back.gif
小弟新玩具, 直接跳落火坑, 永不番身 .....
嘩!!架古董有無試真?您有膽腳和膽管定義??
黑翼菜鳥 發表於 2014-6-26 23:54 static/image/common/back.gif
嘩!!架古董有無試真?您有膽腳和膽管定義??
AC電源頭都未有 ..... {:6_138:} ..... 小弟爛玩, 都係搏一搏 ..... C兄千祈唔好, 好似之前果位C兄咁激動住 ..... {:6_136:}
本帖最後由 ghhf 於 2014-6-27 22:02 編輯
HD800係WA6 SE力推下的確巳經大有進步, 出聲越來越豐富, 不過無論係音場, 動態, 感情, 亮麗開揚程度, 始終都差咗D7100一大截. 小弟今晚剛剛收到HD800升級金銀耳機線 ..... 而家HD800得到同D7100一樣既金銀加持, 可以比較公平咁同D7100一較高下, 其實各有千秋, 跟本唔應該直接比較 ..... {:6_127:}
換完即時感覺係清甜咗, 深遠立體咗(之前係平闊無際), 但係哨齒尾音又嚴重番 ..... 操練HD800正式走入大直路, 小弟keep住報告進展 ..... {:6_128:}
本帖最後由 ghhf 於 2014-6-28 10:19 編輯
一如小弟所料, 換咗升級線(出廠前已煲好)之後行咗幾個鐘, HD800既表現巳經係全面提昇, 獨有全開放式設計既"鬆", "透"同"清" ..... 無咗之前既空冷感, 而家HD800好似開咗聲, 清晰度提升之外, 人聲到位(第一次用HD800聽女聲打冷震), 表現開揚富感情, 亦有氣勢同力量, 咁當然同D7100木質封閉式設計既"厚", "淨", "柔", 充滿深厚張力既效果, 完全又係兩種玩味 ..... {:6_127:}
本帖最後由 ghhf 於 2014-6-28 10:48 編輯
HD800開咗聲之後, 鈕同一位置, 音量同D7100基本上好接近 .... 小弟又試WA6 SE歧途同時推兩隻耳機, 結果好夢幻滅 ..... {:6_125:}
小弟做咗個實驗, 先將D7100接上, 調到最合適音量, 然後暫停放音, 再接上HD800; 同樣又試一次先接上HD800, 再接上D7100 ..... 效果係, D7100係HD800接上之後, 音量同音質變化細微. 但係同樣試驗, HD800係D7100接上之後, 音量減少咗最少30%, 動態音場收窄, 出聲啞暗咗成截(第一次WA6 SE試同時推, 覺得分別唔大, 係因為HD800當時新開箱, 又未換線 ..... 可見HD800短時間內表現進步幾咁利害) ..... 好明顯, HD800對推力係敏感苛索得多 ..... {:6_121:}
本帖最後由 ghhf 於 2014-6-28 16:19 編輯
小弟新既HD800升级缐係出3.5頭，而唔係直接出6.3頭，因為小弟又有陰謀，想試AMP HP/ 手提耳擴推HD800睇下點，HD800出街又可唔可行?! 有無咁既需要?! 小弟雖然知道結果好明顯，但始終要試一次驗證 {:6_121:}
小弟今日放假, 做返兩年前既動作, 帶住條3米金銀耳機蛇餅, 不過今次戴係頭既係HD800配AK100+AMP-HP, 一路聽歌一路坐港鐵去某商店, 跟住再試AK100做音源用SR-71A同HP-V1推HD800 ..... 究竟HD800用AMP-HP, SR-71A同HP-V1既效果有咩異同?! HD800帶出街既體驗又係點?!{:6_134:}
本帖最後由 ghhf 於 2014-6-28 19:24 編輯
好啦, 小弟又吹下水講帶HD800出街先, 除咗係想扮型仔之外(小弟唔使扮都巳經夠型啦), 香港人多車多, 其實係室外用全開放設計HD800, 係幾乎完全欣賞唔到音樂 ..... 所以就算HD800戴係頭好舒服好型, 如果各位C兄今曰見到有個型仔戴HD800行街, 就一笑置之啦.
手提耳擴推HD800亦大有錯配之嫌, 因為佢地本身既設計唔係以對方做匹配目標, 所以搵有潛力手提耳擴推HD800, 小弟今次係純粹玩嘢, 試聽名機SR-71A同HP-V1消磨時間, 最緊要開心 ..... 咁結果係, AMP-HP配HD800, 出聲清甜, 平凡單薄; SR-71A配HD800, 聲暖豐厚, 但有一層暗啞, 深度亦不足(可能未煲夠);唯一個驚喜係, HP-V1配HD800, 竟然真係感受到係WA6 SE上面既"淨"同"柔"氣場, 人聲自然到位清晰, 響應均衡(注意: 效果係指配上小弟既私家過機銀線同金銀耳機線, 動態氣勢就當然同WA6 SE無得比) ..... {:6_158:} ...... 咁有驚喜, 小弟又咁鍾意玩嘢, 會唔會真係入番一部HP-V1配HD800?!{:6_136:}
