坐飛機去行山... 沙巴神山之旅

radhk

d路難行嗎?

av2005

哦... 咁我就全自由行, 不過就 join 過 local tour 囉, 除左上山一定局 join 之外, 我仲join 過去過睇長 ...
kennethtcp 發表於 2011-12-8 11:34

我都有睇猴同蟲, 重包一餐食, 不過, Ｄ食物就超麻麻

kennethtcp

d路難行嗎?
radhk 發表於 2011-12-8 11:35

    初段, 即3200米旅館前唔算難, 似香港行山咁囉, 不過就大級 d, 唔駛手腳並用, 攻頂就難好多, 有d 地方要手腳並用, 要 grip 住條繩行, 係有小小危險, 但一般人應該 manage 得到既

radhk

初段, 即3200米旅館前唔算難, 似香港行山咁囉, 不過就大級 d, 唔駛手腳並用, 攻頂就難好多, 有d 地 ...
kennethtcp 發表於 2011-12-8 11:40

咁短時間上落山, 去到4千米, 覺唔覺有高山反應?

kennethtcp

咁短時間上落山, 去到4千米, 覺唔覺有高山反應?
radhk 發表於 2011-12-8 11:55

    會有機會有輕微高山反應, 即頭痛, 作嘔等等, 但4 千米未算真係好高, 一般人唔會有生命危險, 我就食左d 抗高山反應藥先上去, 完全無事

是嗎

    基本上你買本沙巴旅遊書都會講, 都幾多野準備, 第一就係操 fit 自已先, 個人唔 fit 咩道具都幫你唔到, 係香港行下山, 唔駛特登去爬 d 超難既, 一般中等難度夠哂, 我覺得行番十次真係點都要, 唔行無話唔得, 到時好辛苦想放棄或趕唔切日出前攻到頂囉 (我果日登山應該都成百幾人, 但日出前攻到頂得廿幾三十人)

道具就好個人, 我有個朋友都無乜買野去, 結果佢無攻到最頂, 我又有個朋友乜都買齊去, 結果佢都趕唔切日出前攻頂, 其實佢兩個都係體能唔夠...... 我自已都 full gear 去既, 必備可以話係行山竹, 防滑勞工手套, 頭燈, 保暖衫, 防水/跣水風褸, 雨螻, 行山鞋, Energy bar, 呢幾樣都好重要, 半夜攻頂都幾凍, 得幾度, 但一日出就曬到 pk, 可以升番去十幾廿度, 所以都要知著咩衫
落山就因為一級級差落好大, 個波羅蓋好受力, 而且差不多一口氣由山頂落番山腰, 無得點停, 呢個先金, 行山竹真係必必必備

真係唔該哂，都開始操左三個月架啦。
我地一隊八個人book左兩日一夜，希望全部都攻到頂啦


- 發送自我的 iPhone 大板凳應用

kennethtcp

真係唔該哂，都開始操左三個月架啦。
我地一隊八個人book左兩日一夜，希望全部都攻到頂啦


- 發送自我的  ...
是嗎 發表於 2011-12-8 13:58

    努力, 有操過無問題啦, 最趕都係攻頂果段o者, 同埋各人體力有異, 量力而為, 最緊要係適當時候拆隊, 除非你好似消防員咁 fit, 如果唔係被隊友拖一拖都幾難追得番, 山上空氣稀薄, 盡量唔好跑...

有d 人講好多歪理, 話練得多, 體能好反而易有高山証, 問佢點解佢會話體能好, 肺容積大, 要吸大啖 d 氣, 山上氧氣少, 所以運動員特別易 hi 野, 總之就唔好練.... 之前都聽唔少人咁講... 我問過醫生, 實際係, 山上氧氣少, 你肺容量積大, 你吸一啖氣, 點都大啖過容量細既人, 心跳率亦係同一道理, 你心臟強點計都係有 so, 點解話體能好特別易 hi 野, 其實係因為體能好既人會一口氣行高好多, 唔駛停, 但因為人要時間適應唔同高度, 空氣層既變化, 所以一口氣上得高既人會出事... 事實上, 唔練既人真係唔會有高山反應, 因為佢未到去會引發高山反應既高度都未到已經打道回府, 又或者行兩步, 停十步, 已經適應哂個高度, 但天光都未上到頂

googleli

頭幾張一睇以為飛機影落黎, 真係好靚

kennethtcp

頭幾張一睇以為飛機影落黎, 真係好靚
googleli 發表於 2011-12-8 14:57

   
其實都係, 回程坐三點幾鐘機, 途中睇到日落, 同d 相真係幾似, 又驚又喜, 驚係原來唔駛咁辛苦坐飛機都睇到, 喜係好彩用自已實力, 行去睇一次 :P

是嗎

   
其實都係, 回程坐三點幾鐘機, 途中睇到日落, 同d 相真係幾似, 又驚又喜, 驚係原來唔駛咁辛苦坐飛機都睇到, 喜係好彩用自已實力, 行去睇一次 :P

有塊玻璃隔住同你親力親為去睇d個景一定好唔同，點會驚呢


- 發送自我的 iPhone 大板凳應用