|
|
樓主 |
發表於 2011-10-31 12:52
|
顯示全部樓層
本帖最後由 Raphael 於 2011-10-31 13:08 編輯
個案七
又係電訊公司
今次見工, 事前對方已經表明, 面試之餘仲有一個 TEST, 要我寫 PROMOTIONAL ARTICLE
(註: 呢一次我就覺得比較 MAKE SENSE; 因為 MARKETING MANAGER 的確有時要負責寫 PRESS RELEASE 之類)
面試部份, 無乜特別, 大致上順利, 有時大家都有少少笑位, 整體而言算得輕鬆; 兩位 INTERVIEWER 離開房間商議之後, 其中一位返嚟, 帶咗我去另一房間, 俾我一部電腦同一份資料, 叫我寫一份 PROMOTIONAL ARTICLE FOR 雜誌 (ADVERTORIAL)
(註: 呢啲就係明白事理囉~~ 而家邊有公司仲用紙筆寫 ARTICLE 架?? 大家都習慣用電腦~~ 好明顯, 佢地有依據現實情況嚟作出要求~ 所以, 我對呢間公司頗有好感)
TEST 部份, 我好俾心機做, 誇張少少咁講, 幾乎盡生平所識去寫呢篇野; 一個半鐘頭時間, 我一分鐘都無浪費, 完成之後再加潤飾~~
INTERVIEWER 返嚟搵我, 我就俾佢睇我既 ARTICLE; 佢話會 SAVE 起先, OK 的話, 過幾日會再安排見面
就喺呢個時候, "噼啪" 一聲................. 部電腦自動熄機!!! (我覺得似係拖板燒 FUSE) 天呀, 係唔係要玩到咁盡呀????!!!!!!
一陣間之後, 我地重新開機..... 個 FILE 仲喺喥 (過程中, 我有不時 SAVE 起), 但唔係最 FINAL 個 VERSION, 只係半完成品
佢問我: "或者, 我俾多九個字你, 你將佢修改好??"
我睇睇手錶........ 仆街........ 我只得大約十五分鐘時間, 因為我仲有下一個 INTERVIEW, 喺對面海!!!
我於是以極速, 將嗰份半完成品做完........ 但完全無時間修飾, 而且肯定比我原本嗰份差一截
之後一個星期...... 我都無再收到對方通知 |
|
[複製鏈接]
發表於 2011-10-31 13:52
