搵工搵足三個月..... 灰~ （2 / 33 / 36 / 51樓新增個案）

Raphael

喺舊公司做咗七年, 期間無搵過工
(真係幾乎 7 年無睇過 JOBSDB / CAREERTIMES 之類....... 除非自己部門請人時, 循例上去望一望, 睇吓個 JOB AD 有無寫錯)

七年後既今日, 搵咗三個幾月工, 見咗大約二十份工, 處處碰壁
如果係因為小弟個人能力不足, 我唔會怨天怨地; 然而卻發現, 搵唔到工既原因, 係因為好多好多奇怪事
有啲人, 可能一世都未遇過呢啲事, 卻偏偏我喺呢三個之內連續咁遇到:


個案一
係一間 IT 公司~ FIRST INTERVIEW, 非常順利, 同 INTERVIEWER 有講有笑
行出公司門口唔夠半個鐘, 已經立即收到電話, 約我過兩日 SECOND INTERVIEW~
SECOND INTERVIEW 當日, 約我12點; 我11點45分已經去到佢公司
RECEPTION 小姐叫我入房等....... 點知一等就等咗超過1小時! (期間, 水都無杯!) 等到呆咗.........
終於, 見到公司老闆, 同另外兩個高層
佢地完全無任何歉意 (我都預咗......); 但佢地只問我幾個問題 (全部都係 RESUME 已有既資料), 就立即打發我走, 仲要連握手都無
我後來等咗兩日, 打電話俾 FIRST INTERVIEW 嗰位 INTERVIEWER, 問問情況;
對方好老實咁講:
"其實嗰日, 我知道你等咁耐, 都已經估到今次多數唔好彩; 喺你之前, 老闆 IN 另一個人, 花咗太耐時間...... 之後肚餓想食 LUNCH, 本來話唔見你...... 但我勸佢見埋你先........."
唔駛講落去, 大家都知問題出喺邊


個案二
係一間網上購物公司, 細公司~ 又係 FIRST INTERVIEW 非常順利, 唔止有講有笑, 仲同兩個 INTERVIWERS (都係公司老闆) 一齊去食 TEA!
期間, 我彈咗兩條橋俾佢地; 佢地聽到之後, 四隻眼幾乎一齊放光........ INTERVIEW 未完, 佢地兩人之間已經急不及待談論細節! 幾乎忘記正在同我面試~
後來, 我地傾到薪金問題; 佢地問我, 因何要求呢個人工, 而且佢地面有難色, 問我會否考慮其他安排 (換言之, 嫌貴.......)
(註: 頂佢地個肺!! 我 RESUME 一早已經寫咗要求待遇! 嫌貴的話, 就咪叫我嚟見工啦!)
我於是答佢地, 只要唔係相差太遠, 我份人無乜所謂; 最緊要係合作愉快~ 人工只係第二要緊既事~
一個星期後, 收到對方公司一位小姐通知, 約我 SECOND INTERVIEW (奇怪...... 老闆都已經見完; 仲要見乜水? 唔通要見埋佢地老婆仔女呀????)
隨即, 嗰位小姐講:
"不過, 今次面試有少少不同; 希望你準備一份為期半年既 MARKETING PLAN, FOR 今年十一月至出年年中, 包括埋 ENVIRONMENT ANALYSIS, ACTION ITEMS, BUDGET, 同埋 SCHEDULE....... 面試當日拎埋上嚟, 向老板講解~"
(你地係我的話, 點睇???? 我就唔會咁笨做俾佢地囉......)
大約一個鐘頭之後, 我打返電話俾嗰位小姐: "唔好意思, 啱啱我收到通知, 有間公司有 OFFER 俾我~ 所以, 請你幫我 CANCEL 個 INTERVIEW 吖, 唔該~"
小姐: "ER....... 你意思係........ 你當日唔得閑, 想約另一個時間??"
(一間小型公司,  ADMIN 居然連 "OFFER" 呢個字都唔識....... 請人卻居然咁 SYSTEMATIC, 要 CANDIDATE 做埋 PROPOSAL 咁大陣仗??? 如果話佢地唔係別有用心, 請問邊位師兄相信??)


個案三
係一間專做 VIDEO CONFERENCING 器材既公司; FIRST INTERVIEW, 公司既 OWNER 已經親自 IN 我; 係一個非常快人快語, 豪氣萬千既中年人
一坐低, 我都未講野, 佢已經講:
"點呀?? 喺 XXX 公司做咗咁多年, 又直接 REPORT 俾老闆, 又有下屬, 應該唔錯吖~~ 做乜轉工呀??"
"我識得你老闆喎~~ 十幾年前, 我地同你公司不時有來往~ 一見你封 APPLICATION LETTER, 已經知道你一向做乜~ 你做咗咁多年..... 唔問你咁多野嘞! 想要幾錢人工? 講!"
(結果...... 一個鐘頭之內, 佢講野佔咗40分鐘有多!!) 最後, 佢講:
"好嘞~ 其他野, 等你下星期返工之後, 我地再慢慢傾! 一陣, 我就叫人同你安排聽日見一見 SALES 個阿頭~ 循例, 你都要同佢見一見, 因為你將來要經常同佢合作~"
"佢今日唔喺公司, 所以要你聽日嚟多一趟嘞~"
之後, 第二日........
我: "X 先生嘛? 你好~ 我係......"
X (面黑地): "我知你係邊個, 唔駛自我介紹嘞!"
我: "明白~ NICE TO MEET YOU!"
X (依然面黑地): "請你用英文介紹一下自己"
(註: 頂你個肺!! 你啱啱先叫我唔駛介紹自己!!)
"As my resume stated, I previously worked for XXX company for 7 years, as the person-in-charge of marketing department. During my service in XXX company, my duties comprised........"
(註: 我未開始講我既 DUTIES, 佢已經打斷我!)
X (繼續面黑地): 得嘞! 唔駛講嘞! 咁你喺舊公司, 有乜野由你負責架??
(註: 我門小你老母呀?? 你啱啱先至叫我唔駛講自己 DUTIES 喎!!!)
我: "喺舊公司, 所有 MARKETING CAMPAIGN, 都係由我 PLAN 同埋 IMPLEMENT, 例如..."
X (堅持面黑地): 得嘞! 唔駛講嘞!
(註: 接下來既十幾分鐘, 我每次答佢, 佢幾乎每次都喺入正題之前就打斷我! 而佢最常講既就係: "得嘞! 唔駛講嘞!")
如是者, 佢最後講咗句: "返去等啦! 有消息就通知你!"
我懷疑, 曾幾何時..... 我可能唔覺意之間殺咗佢老豆.........
最後, 當然無消息啦!


仲有另外六七個 CASE.......
不過, 今日好攰, 寫住咁多先!

Raphael

個案四
小弟曾經喺本港某電訊集團任職；咁啱最近，該集團旗下某一分公司請人，於是經head hunter介紹之下，去咗見工。
當年，集團內有兩位上司頗滿意小弟工作表現，所以兩人都親自寫咗頗＂靚仔＂既介紹信俾小弟；呢次見工，當然帶埋去！
去到，三個 interviewers 見我；原本佢地個個都敦起個款，擺出一副老闆樣咁睇我資料....... 但當佢地睇到兩封介紹信之後，立即笑臉浮現，仲向我詢問兩位大姐（我既兩位前上司）近況，叫我如果再同兩位大姐見面時，記得代佢地三個問候一下。
我心諗：＂呢次應該無甩拖啦！＂
大家客套一輪之後，開始入正題....... 點知一開頭嗰句已經出事！
問：其實，睇你喺舊公司做咗咁多年marketing manager, 點解突然會希望嚟我地公司做 assistant customer service manager 呢？
我：吓？？！！！Agency 話俾我知，你地而家請梗 marketing manager 喎！何以變咗 customer service??
大約三分鐘後，interview 完結........

hugofkc

依家係咁架喇,我都身同感受,有時真係全願打份牛工好過......你再講就有人話: 又係80後啦你.......

ykluk

Raphael兄, 如果以你個人經驗, 應該要喺大公司搵個marketing post唔難(當然睇你想去到咩post, manager呢啲位大公司通常都請返同行做過類似既), 你有無搵過head hunter公司? 如果你本身做嗰field(我估係it類啦)既marketing咁難搵, 不如你轉field(當然都係做marketing), 可能開頭會me或者am, 但如果你有料又唔驚升唔到既, 況且做一陣再跳槽升職都易啲.
好多細公司(蚊型嗰啲)其實真係做唔到marketing嘢, 最多只係叫你比條橋佢搵水, 但係講真邊度真係有資金去做marketing...
再唔係試吓去做agent, 小弟都識一啲人係自僱形式幫公司做marketing plan, 做完一個project或者promotion就收工, 不過當然要有啲人際關係先開始到啦!!

jt24

Ching遇到嘅案例真係令人氣結，不過呢D辦公室嘅人事問題真係非常麻煩，間間公司都總有好多有問題嘅人存在，冇乜好講，希望你可以快D搵到一個真真正正好老闆同一間好公司啦！

akira11092

唉~ Rapheal 師兄
唔好灰心細佬都係失業好幾年, 陰天總會過去既..要俾心機

245141525

加油~
祝你快啲揾到份好工！

Benjamin38

Ching, 非常同情你的感受，支持你！

4pk

搵工真糸講運氣,最重要系唔好比D契弟打沉,保持返你1向既專業水準,始終有日有人賞識<----睇落似費話,但糸堅架,我試過搵7個几月工,行内差唔多大小公C都去過,D怪異經癧真糸拍戲咁搞笑

KING

Raphael兄!唔好灰心明天會更好!入全力支持你,努力加油!
佢地唔請你,係佢地唔識貨啫!