|
|
樓主 |
發表於 2011-10-31 10:31
|
顯示全部樓層
本帖最後由 Raphael 於 2011-10-31 10:50 編輯
個案六
另一間電訊公司; 以前用過呢間公司服務, 被佢屈過錢, 所以非常乞我憎....... 但為咗生活, 馬死落地行, 去咗見工
去到, HR 小姐帶我入去一間 CONFERENCE ROOM, 內裡已經有唔少人坐咗喺喥, DUP 低頭唔知寫乜野..... 睇得出好努力地寫梗野
之後, HR 小姐叫我做 TRANSLATION TEST
(我心諗: "無野吓嘩....?? MANAGER POST 要 TRANSLATION TEST?? 如果酒樓請部長的話, 駛唔駛 TEST 洗碗 / 推車賣點心???")
ANYWAY, 既來之, 則安之..... 反正都係自己認識既野, 就當返學讀書罷~
小姐話, TEST 歷時兩個鐘 (註: 我心裡立即 *&*^&&# 佢); 佢話兩個鐘後會返嚟搵我
我於是開工....... 期間, 八掛地望吓其他 CANDIDATES; 有啲人, 對住份卷, 一副非常厭惡既表情....... 有啲人, 垂頭喪氣....... 有啲人, 直情拎埋 IPAD 出嚟查字典 (我心諗: "出貓都得? 仲要出貓出到咁揚????")
OK~ 人地出貓係人地既事, 我淨係做好自己野就得~~ 於是無理其他人, 努力做......
如是者, 過咗一陣, HR 小姐返入嚟, 向其中一個 CANDIDATE 講: "夠鐘嘞, X 小姐~ 麻煩你交俾我, 之後跟我嚟吖~"
接下來, 不時有新 CANDIDATE 加入我地, 又不時有 CANDIDATE 被傳召出去 INTERVIEW....
約兩小時, 我 JUST MADE 做完份 TEST; 但 HR 小姐遲遲未見嚟搵我
良久, HR 小姐再次出現, 講: "唔好意思, 由於今日 INTERVIEWER 好忙, 唔夠時間見晒咁多 CANDIDATE, 所以, 你地完成後, 先交份卷俾我, 我地睇過之後覺得OK, 就會再約你上嚟 INTERVIEW~"
(註: 當時其他 CANDIDATE 聽到, 有人未做完TEST 都立即扔筆, 二話不說, 起身走咗去...... 有人就碌葛咁坐喺喥, 唔知發生乜事.......有人就話: "搞錯呀!!! 約我上嚟又唔係見我, 玩咩?? 嘥我時間!")
我於是問 HR 小姐: "請問, 原本今日既 PLAN, 是否只做 TEST?"
HR 小姐: "唔係..... 原本係 TEST 加 INTERVIEW; 但 INTERVIEWER 今日見唔晒咁多人, 所以唯有更改安排"
(我心諗: "既然見唔晒咁多人, 又約咁多人上嚟?? 呢啲公司, 根本無尊重 CANDIDATE, 呼之則來, 揮之則去...... 份工不做也罷")
於是, 我將份 TEST 遞俾HR小姐, 之後就離開咗
幾日後, 收到電話, 叫我 INTERVIEW; 我於是向對方講: "貴公司對我有興趣, 但好對唔住, 我對貴公司已經無興趣~"
以後, 就算點難搵工, 我都唔會再 APPLY 呢間公司! |
|
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2011-10-29 23:09
發表於 2011-10-31 08:25
