黑膠的魅力

Jadis

師兄,
雖然你覺得你的發帖好少人回覆, 但其實很多人人追看呢 (好似睇緊一身用家及音響雜誌的混合文章), 可能你講那些器材很多人也玩不起包括小弟, 但視為另一種音響學習也不錯, 期待你繼續講多些音響經 (平貴都講下就最好), 當然身體要緊啦~!!:)
另有件事想請教, 小弟近排想試黑膠, 因聽人講d聲點好點真實, set得好win過cd多多聲云云, 及後上星期去某師兄聽下黑膠, 真的很舒服自然, 並立體得很, 很有感染力, 不過知道那位師兄set個黑膠set得好有心機, 並謂如真是玩黑膠, 時間金錢耐性缺一不可...
但你知男人, 特別是喜歡聽音樂的, 當然想盡量以有限budget去尋找/追求自己喜歡的聲音...
想問, 如我真是想玩些入門盤, 但budget唔多, 10k以下有冇, 我見有些平起千幾又有, 2,3千又有, 問過部分師兄, 他們推介Rega作為入門/新手之選, 其實有邊隻性價比較高的可以試下呢~!?
定抑或預算咁少, 玩番cd算呢 (我絕對沒有反對cd不好聲, 因自己儲開, 聽開cd呢)~!! 最後我的2ch器材有舊老麥C20, 後級則是老麥MC240, 配Tannoy Berkeley 15", 謝謝賜教先~!!
siukit小傑
***************************************************************************************
小傑行文間得體有禮, 相信是位有資識之仕, 懂得用 C20 + MC240推 Berkeley絕對是一位有內涵的人, 有時, 從使用中的器材, 亦可反映出該人的一些點滴。
你的朋友說得一點無錯, 玩 turntable 是絕對是 "時間金錢耐性缺一不可", 但它給予你的音色鮮明度, 和自然氣息, 濃可達天的音樂感, 今天的CD科技仍未能達至的, 我幾處地方開聲的CD都過十萬, 但論述度自然活生感, 仍未及得上一台 Basis Debut Sig.+ Graham2.2, 我的比喻, 玩淡水金魚, 一放下就靚, 你死佢都未死, 但養喊水魚, 要花盡心思才會靚, 偶一不是, 喊水魚就好易死, 但欣賞角度, 不可受同日而言...
小傑兄想用甚麼唱盤和唱擘, 唱頭是另一件事, 先詳細考慮有無足夠時間精力去"養"好一個唱盤, 有無足夠的經驗去調校唱盤的各樣參數, 軟件上貨源、取向、保存之考慮, 日後會否後悔和漸覺麻煩等事宜再說, 如果仍想挑戰, 我可全力考協助你玩好唱盤 !
# 不知小傑兄現用甚麼CD唱盤開聲 ?
Jadis ~

HOHOHO

我都是最近開始養喊水魚, 花了很多心思, 亦死了唔少魚

snoopy88

其實唱盤入門級都已經好聽過CD非入門級了. 當年用Micro盤, Excel MM頭, 比起現在CD + DAC(雖然都係入門級), 但始終都聽唔到那種韻味.

winter4

回復 1# Jadis

yes, agree, but the problem is you can't find the phono disc easily nowaday...

siukit_siuhan

Jadis大師兄！首先要向你說聲多謝！起初以為pm太多，又是一小眾玩意，心想此詢問必定石沉大海呢！另不要誇獎我，大家也只是向你偷下師罷了！：）
而師兄對欲玩黑膠的論調，我想正正就是令自己裹足不前的原因，預算及經驗也未足夠，但有心試是真的，所以近日也留意下二手入門盤如technics, rega等玩下，當交下學費，假使真的不合也未至太傷，未知師兄又有何意見？謝謝！
最後小弟現用的cd機是馬仔sa11s2, 候教：）

pls check pm, ching~!!:)

Jadis

technics, rega 可放心去馬, 另 music hall LP mmf 2.2都可以考慮

siukit_siuhan

Jadis大師兄, 多謝你先~!!:)
另有其他新手黑膠問題想問師兄及同好們,
1)何謂mc升壓牛, 知道是比mc用的, 亦初步知mc與mm的分別及所長,
2)如我將來入的盤是用mc cart., 那需否另加mc升壓牛, 抑或只是純用我的老麥c20 preamp內置的膽phono放大, 如加埋一起用, 那是否師兄們所講的"前前級"~!?
3)其實兩耆的分別是: 另加mc升壓牛 / 純用前級秈phono放大?

不知以上理解有否錯誤~!? 萬分感謝~!!
小傑:)

Jadis

唱頭升壓器即是RIAA放大(有發燒友稱為前前級), 由於唱頭輸出的訊號電壓很低, 不足以放大到足夠音壓至前級(或擴音機, 如果前級(式或擴音機)內有 RIAA 放大電話, 是可以不外家唱頭升壓器, 情況就等如, 所有CD Player都內置 DAC, 但用家亦可外置 DAC以獲取更佳的音色。C20內置兩組RIAA放大電話, 亦是Mclntosh第一部立體聲前級, 如果外加唱頭升壓器, 就要評估外加的唱頭升壓器是否靚聲我過 C20的內置部份了,如果只是初玩, 當然是用內置先, 當玩到有一定水平和知識, 再外加不遲。
MM頭和MC頭, 是為動磁頭和動圈頭( MM = Moving Magnet , MC = Moving Coil ), 動圈頭輸出電壓比動磁頭更低, 就連針壓和樣參數規格都不同, 因為唱針拾音圈所具有低阻抗特性, 另音色還完能力較高, 如果做到和一般訊源差不多電壓, 會有很大lost, 所以諸一般唱頭為低的信號電平較為正經。 較大部份典型動圈唱頭在10cm/sec 灌錄速度下, 輸出電壓僅為150μV, 此數據仍不足以驅動前級額定輸出。一般而言, MC頭較高級, MM頭較初階。
Jadis ~

ozrayyau

老麥 C20 只可以用 High Output MC (2mV-up), 或 MM or MI 唱頭 (2mV-5mV) output。 如果要低輸出 MC(0.8mV 以下) 則要加 Head amp 或 MC 用昇壓牛。

昇壓牛有好多選擇, 不過有小小須知, 1: 牛有牛聲, 要夾唱頭, 就算抗阻同放大糸數適合, 都可以唔好聽。 2: 接地同擺位, 一個唔好彩, Hum 到七彩

Head amp or Pre Preamp, 新出品冇乜, 唯有二手舊貨。剛剛入咗架 1981 年出產 MC Head amp, 當年(30年前) 賣 230000 yen。比較過手上三款 MC 牛, D 牛完全唔係果班

ozrayyau

一般 MM 唱頭放大有兩 part,
1: 唱片均衡線路, 常見有 RIAA, 較少有 Decca 及 Columbia, 後兩者已經冇乜廠用, 只有舊碟 (約六零年代) 較多, 只玩新碟或八十年代碟就可以不理
2: 放大線路, 將唱片訊號經均衡線路放大到最高 2V, 然後輸入到前級。