急事求救：對 KEF 維修手法質疑？

toys_hobby

本人七月上旬因屋企咸水箱漏咸水意外，並且屋企又無人關係，讓咸水浸足四日才發現，當時水深約3吋深度，屋企內家私及電器都無一幸免被浸過，當中放置在地下的KEF Subwoofer (Model：HTB2SE-W)也被咸水浸足四日，全屋水浸不論精神及金錢上都損失慘重，基於在意外後需要讓2間公證行來上間驗查，所以今個星期一(1/8)才能叫車把KEF Subwoofer 攞去香港代理維修，當時 KEF 維修人員話我部機雖然在保養期內，但他們話這case當作人為損壞要收$250驗查費，當時心諗最緊要維修翻好便得，今午(3/8) KEF 維修部師傅便致電給我，形容他們試過用約一日時間來播放試機，Subwoofer可以正常運作，當時我再多翻提醒他們這機被咸水浸過四日關係，可否打開內部驗查有無被咸水浸濕內部零件及電路底板，不料師傅話他們因為試過機是正常運作，所以他們是不會再進一步打開機件內部來驗查！
電話收線後，我便越想越有不妥的感覺，本人感覺他們驗查手法太兒戲，明知被咸水浸過多日都只係開著部機試吓就算，為何無需驗查內部機件被水滲入的情況，他們這種檢查方式是否有問題？各位師兄請指教我應該怎樣辦呢？
基於他們可能很快便會叫我取回這機，所以有請各師兄盡快提出保貴的見意給我參考！　
萬二份多謝你們的意見！

joelkw

oh~~ no~~~ 全屋浸咸水四日~~!!!!! jesus~~
$250驗查費只係開一開機???!! crazy~~

reedville

回復 1# toys_hobby


   原來kef sub仔係防水的....仲幾潛得下....................

gikifk

如果唔係有保養，相信師兄你會自己鬆開幾粒螺絲睇睇，坑番幾舊水

nakatajackson

u can do nothing, if testing is normal at that moment, c fu will not check more detail for u. May be u need to collect the sub first and try to test by yrself.

kan

其實試左冇壞C父真係唔會幫你開黎CHECK的

ilavbnm

雖然話人為...但保養期內唔係應該免檢查費真係要維修先收錢咩?
事先講明...我無用過kef維修服務
不過就試過相機入水...講掂數免檢查費........

joey.minihouse

都係要迫人......講粗口
始終得一招

toys_hobby

oh~~ no~~~ 全屋浸咸水四日~~!!!!! jesus~~
$250驗查費只係開一開機???!! crazy~~ ...
joelkw 發表於 2011-8-3 22:27

係呀! 我就係覺得他們的維修方式有d問題和太簡單!越諗越唔對路!

toys_hobby

其實試左冇壞C父真係唔會幫你開黎CHECK的
kan 發表於 2011-8-3 23:09

我的個案非一般壞機維修，而是機身經咸水浸過多日，莫非他們覺得機身不會入水？