我的第一對座地喇叭triangle genese quartet入宮了

chanwt

回復 7# PP-HK


    睇完Ching篇report! 真係好開心! 事関我既聽環境同你都好相似! (speaker are 5 ft apart, speakers are ~~ 6 ft from 皇帝位),
好驚有blooming, 因為以前借過一對座地, 我就聽得好唔舒服. 現在用對spendor, 有時某的歌都有少少, 但大致都無問題!

你對speakers 好大噃! 好嚮往你說被音樂包圍個種感覺! 我聽"鼓舞飛揚" 都有少少這種感覺, 如果由你的speakers發聲, 一定正好多!

wifier

狗仔真識享受，坐正皇帝位

edlsang

恭喜師兄 2 ch 昇級，相信十分靚。

koo9726

真係唔錯

radhk

真係估唔到唔會boom.

恭喜晒. 呢排我都有d身痕相換speaker, 不過. 都係諗bookshelf.

PP-HK

師兄小心隻狗喺喇叭腳度疴尿呀!!!
avlam 發表於 2011-4-25 21:41

痾尿就唔會, 因為佢唔敢係廳痾尿既, 不過用口咬或者抓就有d驚嗱, 以前部ps2就係俾佢ko左。

PP-HK

回復  PP-HK


    睇完Ching篇report! 真係好開心! 事関我既聽環境同你都好相似! (speaker are 5 ft apar ...
chanwt 發表於 2011-4-25 21:57

香港地方真係最大問題, 係舖頭試佢既音牆可以去到10幾廿呎濶, 係屋企頂多8-9呎。而且, 因為佢氣孔係前面, 距離皇帝位又近, 難免d聲較為埋身。

leo25

好靚仔

PP-HK

講完stereo又想講下av...

不過, 想講兩句先, 頭先講既triangle同jmlab比較, 只係比較新舊喇叭的分別, 並不是牌子的對決, 事關兩者價錢差5倍, 就算完勝也沒有甚麼意思。

入番正題, 上集講到av的進步也甚為明顯, 但對quartet只是得一半的貢獻, 為甚麼呢?

av amp我用緊p記72, 以前玩yamaha都接近十年。72俾到我既高分析力同力度, 特別係punch的速度感真係冇得頂。不過, 習慣了y記聲底的我, 久而久之就感覺到包圍感不足的問題, 另外, 自己用緊既十仔又唔係皮幾兩皮咁勁, 前置既低頻又不能彌補這方面的問題。

806s的出路...

曾有衝動賣它出去, 因為屋企無法容納咁多喇叭, 但呢對野以咁價錢同表現, 真係買唔番, 叫我以3-4k放佢出去, 我好唔捨得。最近, 被一個post的啟發, 何不將佢轉做後置呢, 坐言起行, 將quartet安頓好就將806s放到後置架上, 雖然佢都幾大隻, 但還勉強放得下。



玩完一大輪stereo後當然係試av啦, 首先set MCACC, 不過由於我都好熟悉幾隻喇只的特性, 所以只係係EQ度稍為調整同收細前置的音量而已。註: 扮到咁專業咁, 實際上只係一個字----懶!

攞隻阿凡達黎做試音同fine tune, 一開機已覺得好唔同, 包圍感好豐富, 而低頻係充斥住成個空間但又冇boom喎, 反而以前用EQ夾硬谷對806s仲試過boom到玻璃窗都震哂。同時, 當d低頻出時, 唔再係一舊咁湧出黎, 而係一浸浸咁係前面打埋身, 就好似一幅牆咁壓埋黎, 感覺好過引。而後置的改變不單止包圍感提升, 各喇只的協調性也好了不少, 至少唔會後置一下聲就冇左, 個連貫性係實在左好多。係入手前置時我做了頗多功課, 特別係有關驅動力及damping factor的關係, 當amp的damping不足時, 喇叭的表現會有拖尾感, 低頻慢且亂, 所以容易有駐波的問題出現, 結果就係boom了。相反, 如果over damping又點呢, 喇叭會變得好快收, d聲出得快又收得快。由於而家市面上既av amp的力水已唔係幾年前咁簡單, 而我用緊既後置B&W LM1又細細隻, 每次佢出聲都係好快, 所以包圍感就唔夠了, 而p記又唔似y記咁利用delay去做番個音牆, 就好容易有單薄的感覺出現, 呢點無論個MCACC點先進, 都難以解決。當然,  我唔敢斷言以前係有over damping的情況, 但結果總比過程重要, 而家俾到我既係一次過解決了兩個問題, 心滿意足了。

edhuen

PP-HK, 有新野玩, 所以車都唔出, enjoy