添置2/F專X影院咁ga服務態度.................

howin

真係唔明點解今時今日咁ga服務態度都仲可以生存到咁耐...今日小弟同女朋友去添置2/F專X影院買projector for新居...target應該係Sanyo Z800..我上星期四上去問過價錢(av show前幾日)...當時有個sales就報價!$@))...咁我一心諗住睇埋av show先決定所以無買到...咁今日上到去就叫個sales開嚟試下啦(唔係上星期個sales)...佢個面口已經唔係好like ...但都死死氣搬俾我試...我女朋友跟住問我點解唔買Sony...我就話Sony我喺av show睇過我唔係好鍾意...av show當日呢間野擺左個影院就係用Sony projector仲話加左個十幾萬鏡頭..d色係好靚..但睇到我同我朋友都頭暈暈...唔知點解..可能set得唔好...個sales聽完我咁講之後即刻好大反應話:[ 如果Sony你都話唔得ga話...咁呢部你更加唔洗試啦]... 我當時唔知俾咩反應好就拉開話題再問下個價錢啦..佢竟然話!%*))...跟住我就問佢仲有無得折因為早幾日我問過唔洗呢個價...佢就一句質埋嚟:[ 無得折架喇..咁上個禮拜你又唔買...而家係咁貴喇..咁你仲洗唔洗試呀?].. 我真係火都嚟埋即刻話更係試啦...咁佢死死氣繼續插俾我試...仲要試高清翡翠台 ...要我叫佢先插隻鐵金剛俾我試..如是者試左幾分鐘正想走個時上次個sales返左嚟..佢都認得我...我即刻問佢:[ 早幾日你唔係報Sanyo Z800!$@))咩?]...佢無講乜就拉左另外個寸sales入房問佢報左咩價俾我...跟住就走出嚟同我講話上次個promote做完而家個價係!%*))...咁我算啦正想掉頭走佢又嗌返住我問我係咪真係而家買...係就幫我再問問...頂佢 又俾佢撩起我道火我一句質埋去:[ 你個價啱咪買囉...買萬零蚊野唔係好難o者下話]...講到我好似運吉咁...頂佢 ...跟住打完個電話又同另外個寸sales細細聲講完之後話都要!%%))...咁我咪走囉...最終走左落去SSP新成x到買左!$%))...人地老闆咁啱喺度親自招呼我..有傾有講真係洗錢都洗得開心d...我自問喺添置都洗過唔少錢...都未遇一個咁狗眼看人低ga sales...樓上個d賣幾十萬器材個d都無佢態度咁衰(雖然都唔係好架喇)....

ryuichi

算啦......

jack331

買野最緊要買得開心, 買得唔開心廢鬼事同佢買, ching無謂激親自己

ilavbnm

咁咪好o羅,以後買野可以行少間,慳返d時間同腳骨力

wales06

師兄請問用什麼牌子幕

hatori

專X影院我都有買過projector，3年半之前得佢有InFocus IN76賣所以上去試，
當時試過Sharp，Epson(因有display機)，但我一心係試InFocus，佢地得新機所以二話不說就同我講.....{今日你真係買架話(是旦一部)就開部新架InFocus比你試}......我心想你真係有少少當我運吉，但係我唔係架嘛所以就同佢講好呀！
試完0k比錢囉機走人！

shing517

差果少少真係要買得開心又放心, 最憎買野仲要頂住條氣...
另外, 借問聲呢個價係咪水貨呢? 咁平既?

kefana

c hing 你預著個sales  m 到, 冇法喇.

Netmans

個 d 唔係叫服務行業, 叫等運到好個啦 !!!

其實有時 d 人未見過有錢佬, 人不可以貌相架 !

幫襯十蚊都係幫襯, 或者會好多返單都未定 !

算啦 ! 佢地都祗顧今個月佣金有多少, 算把啦 !! 佢地咁又一世人, 日日開工戇下戇下咪又佢 !!!

Product 资料又無, 同客又欠互動溝通,溝通時大家都學到嘢,又可增加互信!

佢地永無諗下, 人人做生意, 倾十次都唔會十次都成功架 !

真係要佢唔駛做咩, d 客入嚟直刻比錢直刻走 ....佢地都傻傻地 !!

鬼叫 d 行無標準認証入職要求 !!

kefana

你估有$佬 D $ 易賺呀,

玩賤你呀,

我地D 星斗市民D 單密食當三番MA.

D 白痴SALES 以為  日 日 有幾十萬單等佢開,
食檬你呀.