M&K Sound 打爆你心口 x TRINNOV 影院級體驗會 (會員討論帖)

小瑟

【全部確認】M&K Sound 打爆你心口 x TRINNOV 影院級體驗會
今晚既活動非常精彩, 個半小時的活動, 最終玩左2小時, 多謝今晚出席既版友們, 希望今晚大家都玩得開心啦!!

r323334

感謝小瑟同埋Edmond等工作人員為我哋安排咗一場好精彩嘅示範🙏，M&K真係拳拳到肉，今晚嘅器材setting好正👍

mcdull

感謝小瑟同埋Edmond及工作人員為我哋安排咗一場堅精彩嘅示範🙏
我終於感受到乜嘢叫打心口😂😂感覺好沉….離開好似俾人打咗一身🥴
D聲效正過戲院👍👍👍👍
如果未買喇叭真係想買MK😌
其實我得百零尺視聽空間唔計飯廳其實邊隻sub適合？

recycle

好多謝Post76同米樂安排咗今晚一個咁正嘅體驗會，除咗領校到MK嘅快、狠、勁之餘，仲認識到Trinnov對多聲道嘅駕馭能力，係咁震撼嘅低音環境之下，依然好清楚交代戲裡面surround嘅效果，特別嗰三隻分別座落唔同位置、唔同型號嘅十仔好似合咗體咁，成為一體發聲。

qq1122yq

首先要多謝poat76及米樂今次攪嘅活動，依兩年幾嚟相信大家真係餓咗好耐，難得嘅係一聽就已經聽到示範級數，加上自己特別喜歡品牌之一……MK！
以往大多數人對MK印象都只係快、狠、準，但亦有人話潛得唔夠深、能量不足等問題，而今次去之前亦係我最想聽到MK首次推出嘅雙15吋單元表現……"MK X15+"
先講講超低音佈局，埸地目測大約有300尺，接上3隻分别係X15+、X12+及X10+，而擺位上X15+放在Showroom左後角(Backfire)，X12+放在皇帝位的左面(Sidefire)，X10+放在皇帝位的右面(Sidefire)
試聽了幾段影片及音樂片，感覺能量上爆發輸出段段有唔腳軟，下潛感亦做到十分滿意效果，puch感亦係MK金漆招牌之最……"非常強横"！
個人看法今代MK質量上提升咗好多，尤其以上提到嘅深潛及能量問題，都巳經不需擔心，另外箱體上以X12+為例，亦比上一代大隻咗好多，重量加多成10kg，對於玩開有資歷嘅人都應該知道，箱體越大越重都會對質量上有提升及幫助！
感激今次活動令小弟再次眼界大開，非常開心的一晚，飽飽！

karate205

多謝76、米樂及所有工作人員在疫情的安排令今次高水平的示範得到成功。
使用的器材均為超高品質。Edmund的調教功力亦非常深厚。
本人也是M&K用家（第二代S150、Sur95T、M50、VX1250、X12)但對調教一竅不通。係時候多參加活動向各位請教。
聽後感想是新款M&K喇叭速度快、細節清晰而現場3隻超低的下潛及力度也非凡。
期待76下次的活動。

Kin導

下次會唔會考慮星期六或星期日呢？
因為好多同我一樣平日要返工
所以好多時都無緣參加
如果可以希望星期六下午時段呀
感謝

NETDSL0100

想參加不過抽唔中

marco

如果有機會再攪多次活動都好想同一眾76網友feel下

rach

有無片睇？😋