換喇叭定係唔換？

koalaau · 發表於 2022-2-12 16:32

sam2004 發表於 2022-2-12 16:13
淨係講唔亂，即係話一件件樂器擺得出嚟，呢個已經真係唔簡單！
當年我就係去倫敦聽完歌聲魅影，淨係開場 ...

如果你標準係同現場比就算罷啦，幾百萬都唔得，係冇可能。😜

koalaau · 發表於 2022-2-12 16:42

講返樓主情形，如果要求有更好層次，又喜歡聽大型交響樂，即係較鐘意聽hifi效果，proac仔都係聽人聲小品，重音樂味，我諗你需要高效而低音強勁的喇叭，留意高效係緊要，唔係下下要買大瓦amp只會玩死自己。另要更好控制力需再升級更高級amp。

sam2004 · 發表於 2022-2-12 16:48

koalaau 發表於 2022-2-12 16:32
如果你標準係同現場比就算罷啦，幾百萬都唔得，係冇可能。😜

玩Hi-Fi嘅人投資落去就希望接近現場，其實我而家屋企同一套差唔多嘅嘢放係美國後花園的音響室裏
真的能做到接近現場起碼有九成，好嘅器材仲要有夠大嘅環境俾佢呼吸...

粉果人 · 發表於 2022-2-12 17:22

如果要易推靈敏度高，動態夠，可以介紹多對美國ess，ess個氣動高音都好出名，可以自己上網搵下資料，如果要播交響樂大爆棚，相信會比proac同kef出色

koalaau · 發表於 2022-2-12 18:20

sam2004 發表於 2022-2-12 16:48
玩Hi-Fi嘅人投資落去就希望接近現場，其實我而家屋企同一套差唔多嘅嘢放係美國後花園的音響室裏
真的能做 ...

師兄有好環境就贏在起跑線上啦。😄

不過講現場其實都冇絕對準則，坐不同位都不同聲，屋企坐前坐後點低音都唔同啦，仲有聽覺記憶其實唔係咁強，好多時只係主觀感覺補完。

kenfu@G · 發表於 2022-2-12 19:51

馬仔到model 30或以上級數先有高分析力,高速,馬味會少D,
8005重馬味,聲音厚暖,人聲中頻凸出,低音較柔,高音較暗,聽大棚野會炒埋一碟,
建議你換左擴音機先.

NM0101 · 發表於 2022-2-12 20:01

tablette 10會好d, 雖然meta唔算難推, 但如果Amp嘅分析力越好就越聽得多, 只可惜pm8005嘅分析力只夠聽下流行曲, 控制力在11點位前係冇問題, 一過就會開始亂, 播大棚野就更加明顯。

kl122002 · 發表於 2022-2-12 22:51

PeterPoon@FB 發表於 2022-2-12 15:07
多謝師兄，我想改善就係播放出來的層次，因為現時聽到大型交響樂演奏時，就有D亂。 ...

我都係古典同好, 大型sympphony 在香港的斗室中播得好是不易
比如說, 你的聽起來"有D亂", 可以話好多因素: amp唔夠力, 喇叭靈敏度低, 避震唔夠連共振令中低音矇, 擺位角度差少少又遇到牆反彈, 線材分析力唔夠....等等

如果是打算用proac 的話, 考慮一下貴少少的Response DB1
Tablette 10 的效果係有D被人捧大左. 當你實場一聽再一比較會好快聽得出.
由對Tablette 10播一次Saint-Saens Symphony 3 / Second movement 當中的管風琴一出會只係聽到好似只有吹風苗大小的感覺.

至於PM8005是不是適合播古典就要看曲目 , 大型的作品係有一定的難度 , 中-小型的室樂反而沒什麼問題.
加上此amp 是有自己的聲底, 偏暗柔, 有少少黃昏味, 我知有同好是用返靈敏度高的喇叭和線材去就返.

sam2004 · 發表於 2022-2-14 17:37

kl122002 發表於 2022-2-12 22:51
Tablette 10 的效果係有D被人捧大左. 當你實場一聽再一比較會好快聽得出. ...

其實呢個就好似有人講三五仔一樣，有冇咁神奇你用過咪知囉。
DB1同tablette比較真的冇差幾遠，呢對係比較尷尬㗎喇叭。
如果希望低音多啲嘅一定係買Response D20 or 1.5，所以呢對嘢就變咗唔上唔落...

kl122002 · 發表於 2022-2-14 18:25

sam2004 發表於 2022-2-14 17:37
其實呢個就好似有人講三五仔一樣，有冇咁神奇你用過咪知囉。
DB1同tablette比較真的冇差幾遠，呢對係比 ...

3/5A 就真係睇期數
舊的就...我覺得就是收音機喇叭, 沒特別。
至於新的Falcon 出的似普通裝樣少少。

小型喇叭天生有限，我都向來唔會太高要求。
DB1 就比 Tablette 個聲立體感多少少。但當然唔夠座地的好。
問題係樓主金錢有限，只可以提出略比多少少的model.

[討論] 換喇叭定係唔換？

評分