四大比併！Zidoo UHD3000有無機會留

avsuperman · 發表於 2022-1-24 23:02

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

  本來一直用開Oppo203玩碟同file，後期入部先鋒800玩碟及CD，畢業兩部機已成歷史，想揾部後繼機分擔責任，見杰科筍價又有足料，仲可以直入HDD，心水之選，去年11月入屋，都有報道過杰科5800的画質掂，夠立體細緻，聲音也聽多了細節，就係嫌佢稍為收斂，Oppo聲底的確夠厚，聽慣了無法回頭，漸漸對杰科的聲音表現有了偏見(無比較絕對收貨)，而用XLR聽CD，更明顯比先鋒音場，立體感收窄。不過在無選擇下，杰科依然具備一定吸引力。

  日前有機會接觸Zappiti  Signature，還是喜歡平價機口味(相對外國貨)，加上無即時比較，所以今次大比併不作介紹。玩完Z對多媒體機念念不忘，本身也有一部Zidoo Z9X，試過接上Oppo升頻，画質放投影Ok，音色唔合格，好薄，於是揾下有無二手高階機，驚唔掂也不會輸入肉。點知真係遇上，天意弄人，發覺二手張單有問題，另文有講到中招過程，幸而部機無事，既然四部市埸大熱機係面前，何不來次简單的大比併，始終地方有限，睇下邊部說再見。

  曾經想過放走先鋒，但自己有唔少碟，聽CD幾好，玩兩声道比較易滿足。Oppo係至愛，希望唔好咁短命，宜家用HDMl IN嚟駁chromecast，靚声靚画。杰科新機入手，份量十足，好機。Zidoo玩方便，玩海佈牆，最擔心表現，比Oppo重少少，勝在可玩兩隻內藏HDD，開機再決定。

  今晚試左先鋒800(用碟)，Oppo同Zidoo(HDD)，唔夠時間試杰科，但相處兩個月都知佢脾性，心中有數。用007開頭一段飛車追逐到火車站，特別留意男女主角上車關門，入波起動，掟灣，炸彈落地，爆炸力水，敲鐘，係車箱內感受子彈射擊的質感，唔想有太多主觀，揾埋友人一齊試，画面P贏夠实夠立体，Z同O好接近，三机一样用fibbr光纖出，應該夠中肯，Zidoo表現稱職，但相信會比杰科少左d細節。声音，今次竟然係O→Z→P，先鋒點會咁弱，後來發覺同條線有關，因為O同Z我都用AQ龍，而P用AQ diamond的分別，最後再用龍駁P，立即生猛番，空間感，力水，密度等再一次證明先鋒賣點同4K碟赢file的事實。講番Zidoo，音效上给我帶來一點驚喜，好接近Oppo，也不乏弱音，尤其喜歡回弹的氣壓声，及埋身感，如不開估也未必猜到是Z的表現，不過聽音樂比較惡，見機內DAC的dB推到盡，要減番低，但同ROSE150比，反而声大吵耳，有時間要試埋同杰科比併，究竟點樣抉擇，比你又會如何取捨？圖無字係P，有字係Z