|
|
本帖最後由 anguslee2012 於 2022-1-15 14:44 編輯
又大家一齊研究吓吖, 首先我同意每個人都有自己鐘意口味, 冇得直接比較的
我自己有過或仲用緊oppo 203, zidoo z1000pro, zidoo uhd3000, dune(用zappiti介面), shield tv pro的kodi
曾經擁有或仲用緊以上o既野, 最後入左zappiti二佬...
係,部機係我賣比果位師兄o既...但呢個唔係重點
我自問唔係擁有乜野高級器材, 只係一堆不起眼的低級野,所以可能冇乜參巧價值
但以上咁多部機, 都係經過我堆唔起眼的器材, 播出來試過頗長一段時間的(除左二佬)
就畫方面, 我會咁排: zappiti-->kodi-->oppo 203-->zidoo果兩部機-->Dune
因為很好個人o既, 我偏向喜歡自然的畫面, zidoo色彩對我來講太濃, 唔係我杯茶, 但唔代表佢唔好, 係唔o岩我o者
喜歡色彩鮮艷的師兄應該會好鍾意
聲方面, 我一開機, 老實講, 玩左咁耐機, 係zappiti部二佬可以第一時間畀到一種唔同o既感覺畀我
令到我以為我換左套av系統, 分析力清楚, 低音有力, 效果聲明顯, 空間感增大
我係第一次有呢種感覺...
(拿拿拿,都係個人感覺咋吓)
所以聲音我會咁排 : zappiti-->oppo 203及zidoo兩部-->dune-->shield tv pro
但係作為media player, 點可能唔比較操作系統呢? 我係一個對操作系統有極其麻煩的要求o既人
直接會咁排 : zidoo 同 zappiti-->oppo 203-->kodi-->dune
點解oppo會咁低? 好簡單, 佢個系統有嚴重的bugs, 用左samba入去後幾層folder後出返來,
佢又會要求你入過login同password, 仲要係入極都唔o岩的, 仲有, 冇我喜歡的海報牆...
所以呢d又係好個人的
呀, 我唔係淨係睇電影的, 我仲會睇好多日劇, 韓劇的廣播源檔, 所以可能同其他師兄幾乎只睇電影有d唔同
其實評親機, 一定係好個人取向的, 冇話好同唔好,
(除左zappiti在聲音的改變方面真係嚇我一跳外)
畫面,聲音, 操作系統呢d都係好個人取向, 有人完全唔同意都唔出奇
所以大家都係自己去試吓每部機, 睇清楚試清楚先買睇吓係咪適合自己係最好的
但最後真係要講句 :
avsuperman師兄, 我問過部一哥同3皮有頗大距離啊, 如果近3皮我都真係覺得有D貴 可能因為我對影音的愛還不夠
不過我覺得幾錢都好, 只要係自己覺得值咪得囉...又何需理會其他人呢?
所有影音器材, 在我老虎面前, 都只係一堆一百幾十都唔值的大舊鐵
|
評分
-
查看全部評分
|
[複製鏈接]
發表於 2022-1-15 13:54
