新世代 Zappiti Signature Media Player

leroy76

純粹吹水及分享，搞下氣氛，大家開心互毒！這是我第一次接觸，這類型的media player，希望各位師兄不要介意我分享一些好皮毛事情，因為對於我來講係第一次接觸！

Zappiti Signature

得知香港代理公司返貨，馬上登門拜訪，期望代理demo這部新世代zappiti給我體驗！但我忘了代理主力係賣投影設備，所以我要求代理在他們公司細房用TV做demo給我體驗係自己捉蟲！我明白試聲音還可以，但要是試畫質，困難了，因為房間裏部TV係N年前小米！我本身係OLED用家，小米的畫質不能滿足我！但不要緊，有些時候要有冒險精神，要輸得起，立即買1部返屋自己試清楚佢！在此感謝代理，第一時間返貨(快過法國總公司呢)，讓香港玩家早一點買貨回家玩，可以渡過一個愉快的聖誕節假期！



我有興趣購買新世代zappiti的原因：

Support Dolby Vision 10



用上latest chipsets 做畫聲解碼:

Realtek RTD1619DR
ESS 9038 Pro
Xmos XU216 (我諗呢個我用唔着，因為我唔聽歌)

Zappiti MagicPixel V3 video processing



Zappiti Video Center 等等…… 其實都係搵啲藉口買玩具玩啫！



關於新世代zappiti 的專業介紹，詳情可以去 AV Buxx 看(唔好意思我費事在此重複，其實係懶得寫)！綱主也是signature自購用家！唔知 who is av buxx?  請去找google 大神輸入 avbuxx zappiti signature 便可！再花點時間去找，他有齊新世代zappiti 3 個model neo reference 及 signature 的講解，非常專業及詳細！

至於我，只是一般用家，但對於畫質嘅追求絕不妥協，扭盡六壬，不斷嘗試做到今天要比昨天好，所以特別挑剔，其實都係睇下自己銀包有幾厚，有自知之明！自己從死硬派實體碟玩家到file玩家，從 pionner lx500 lx800，oppo底國內高質機摩改，到現在的zappiti，我期望能更上一層樓，讓自己興奮一下，生活冇咁奄悶！

Double box，簡單的包裝，跟機配件，基本上都用唔着，除咗個遙控器(wifi/bluetooth基本上唔會著，長期turn off，減少器材內部，訊號干擾同污染)



部機沒有bluray唱盤，只有2個插harddish的slot! Front panel的display screen不能turn off的，這個好困擾！它的散熱風扇在底部！





風扇係noctua出品，有誠意，要HKD百幾百一把！



遙控器，不要有期望！只是一般膠殼 with 軟林林button，反應鈍鈍地! (但當了解它的操作，又幾好用。另外遙控器有IOS 和 android 版，收埋個實體遙控是可以的)！



法國組盒一家親，先來一張合照！



聲音是有質素的(我唔係講音效)，這個是不用懷疑！中低頻，一浸一浸有層次及輪廓，其它各樣也很好，我唔多講了，其實都係果啲嘢！如配合高分析力前級，真是如虎添翼！

來到我最關心嘅畫質！今次沒掉了錢去鹹水海！畫質the best i hv ever seen!  畫面的color tune，光喑位contrast，好balance，跑出一個非常harmonic嘅畫面，睇得好舒服，畫面很清晰，實淨，立體，看得很賞心悅目！我很貪心，此機如果拿去摩改，畫面一定會更嚇人！

此機畫面取向有別於我過住所見的，之前喜歡嘅畫面多是高光玻璃面，image 閃令令的，邊位界眼！從pionner lx500 lx800 以至往後的國內高質摩改播放器也是如此！再配上aq diamond 或 dragon 銀線 HDMI 可唯非常吸晴，3秒內令人着迷！

但係當我用aq dragon HDMI 接上zappiti signature 之後，那一浸高光玻璃面竟然消失了！條aq dragon HDMI銀的特性竟然影響唔到zappiti?  反而被zappiti帶住走，這個我不能理解！我第一次開機，第一次看zappiti的畫面(我的reference 影片係Bajirao Mastani)，說真，曾經感到很失望！沒有3秒吸晴！我懷疑今次錢已經掉去鹹水海！但當看了3分鐘以上，咪住先，看真D，畫面立體，顏色豐富，細節滿滿有質感，睇得好舒服，好靚，另一個新世界，當自己了解zappiti的畫面取向後，頭已經回不了看！

另外zappiti 夾 nordost valhalla 2 HDMI cable (V2 HDMI)，大家取向都係平衡，放埋一齊真係絕配！再加埋signal ground 接去 zappiti，可以把效果再放大，畫質真的好嚇人，這個我感到非常之意外！V2 HDMI 已經係2015年嘅產物，6年了，能播4K，8K，還能媲美現今最新推出嘅HDMI線(甚至超越)，確實利害！在此感謝勁人，讓我體驗V2 HDMI!  (其實自己好鬼嬲，知名公司係咪食咗屎，你走去買條V2 HDMI返公司研究，日日對住佢，用6年時間都冇辦法超越佢，有冇搞錯！)

Dolby vision 10 engine!  效果確實唔係流！如果你唔介意，SDR，HDR 都用 V10 嘅話，跑出來嘅畫面，超真實！我確實感到匪夷所思！



有冇嘢要彈？software 還有很多地方可以/需要改善，希望zappiti能夠一步步滿足不同階層用戶嘅要求！不經不覺已經說了很長很長，要休息一下！

Zappiti Signature 刺殺小說家 4K！幾好睇！聲靚話正!

SONY OLED A8F ｜ iPhone X

marco

多謝樓主分享詳盡介紹

Ricky1703

想問幾錢入手？

DragonI

在這里有少人講Zappiti。

kingyan

耀哥叫我帶架炸 , 我只是執行
呢句我鐘意 ( 知名公司係咪食咗屎，你走去買條V2 HDMI返公司研究，
日日對住佢，用6年時間都冇辦法超越佢，有冇搞錯！)
不過部機真係好正

yiuhei13

我試食過部機都覺係超正，等儲夠彈藥就入部玩下。

根本英俊

見到HI END玩家都係用呢部, 興趣大增.

自己用開HTPC, 唔係好明FILE機. 呢部播唔播到所謂雙層DV(Dolby Vision FEL).
Zappiti攞正牌, 我估應該播到先啱.
不過想確認下, 唔該晒!

kingyan

DragonI 發表於 2021-12-17 10:15
在這里有少人講Zappiti。

聽講上一代真係麻麻地, 十個用家九個小, 但今次呢代我又覺得幾好,
為一決㸃...貴....堅貴....呢個代理出名貴 要玩就冇計

根本英俊

kingyan 發表於 2021-12-17 13:19
聽講上一代真係麻麻地, 十個用家九個小, 但今次呢代我又覺得幾好,
為一決㸃...貴....堅貴....呢個代理出 ...

上一代唔support DV, 真接skip~

快活人

海報牆都做得唔錯👍