想請教各位師兄屋企有冇人用緊卡拉ok

蘇忽鯨@FB

RaymondFok@FB 發表於 2022-6-23 10:57
我是業餘同人做表演光碟的，所有4台不同牌子点歌机，

音王 在我擁有/用过的牌子，只排行第三名。

我唔睇tbb=.=
果d聲夢歌就好快
但都用緊音王
mirror error 歌唔夠快唔齊
同問 第一 二
本地歌mv多 高清
3q

強強2@FB

我都係揀咗平玩,點歌機加唱Ksoundbar

AlanA@G

「TLDR：唔怕貴啲跟連鎖K房揀Isee就會有齊K房啲歌，Mirror、Error、Serrini、MC張天賦同埋林家謙嗰啲歌都好準時更新，Music Panda啲歌都有。揀Mixer/擴音機嘅話Mic音效有Reverb+Echo好過純Echo。」

我用咗Isee點歌機一年有多，之前用過大陸雜牌一體式點歌機成年但係唔太滿意粵語歌更新唔齊而且舊歌音質/畫質差，咁啱部大陸一體式點歌機壞咗所以決定再搵其他牌子，最終決定價錢貴都好都照跟香港兩大連鎖K房揀Isee呢個本地牌子(如果要保養維修可以帶機去佢哋Office)。

Isee點歌機嘅唱K功能方面先講不足之處就係唔似大陸啲點歌機咁有一堆花巧嘅功能(好似評分、歌詞搵歌同埋電影點播呢啲花巧功能係冇嘅)。
但係相反優點就係有自己嘅雲端曲庫特別係粵語歌同埋台灣國語歌更新快又齊，就連「動漫歌、JPOP歌、KPOP歌、英文歌同埋Vocaloid歌」都多過K房，仲有如果發現未有收錄嘅歌同佢哋反映咗之後好快就製作好加落曲庫。
驚喜嘅係佢哋仲會用AI技術修復舊歌嘅卡拉OK版MV甚至自己剪輯MV配落經典舊歌，新歌MV多數係4K畫質，舊少少啲歌MV多數係HD畫質，好舊啲歌就陸續由DVD或者LD畫質修復做HD畫質。

另外Isee有網頁點歌功能，智能電話/平板電腦可以唔使裝App就咁Scan QR Code開網頁點歌同埋 控制音量/播放暫停快進倒帶/Cut歌插歌/切換原伴唱聲軌 等，唔用Touch Panel都做到大部份操作。


講到部機本身，可以輸出4K畫面，因為用Android 7.0除咗可以用HDMI/光纖輸出數碼聲音亦可以駁USB音訊裝置(DAC或者音效卡)去做輸出，我試咗駁Creative Sound Blaster K3+係可以喺Android設定度揀用佢做輸出聲音。想裝一啲Android App用亦得。

另外Sound Blaster K3+平身平過啲卡拉OK混音器，但係都有即時Reverb Mic音效又有24Bit 96kHz DAC係幾適用作為平玩家用卡拉OK嘅選擇。


講返Isee(即係天皇卡拉OK)佢哋同大陸啲牌子行嘅方向唔同，佢哋唔玩太多花巧野專注返歌曲供應同埋卡拉OK版MV嘅音畫質，始終都係本地牌子最了解本地人唱K想唱邊啲歌，簡單講Isee嘅雲端曲庫係最貼地。不過要留意雲端曲庫係收費更新嘅，新機送一年新歌下載權，聽過可以買永久新歌下載權。
相反大陸啲點歌機牌子除咗陽光視翰、視易同埋雷客(雷石)係好早發展雲端下載嘅牌子有自己嘅雲端曲庫之外，其他大陸牌子都幾乎係共用同一個雲端曲庫除咗好Hit嘅粵語歌曲會盡快更新其他粵語歌曲要等好耐先更新或者唔會收錄。
歌曲唔齊就算功能再多都冇意思，我買點歌機就係想解決去K房一定搵唔齊想唱啲歌嘅問題，歌齊又服務好嘅話就物有所值。


我搵Mixer係要有Reverb音效先會考慮，殘響(Reverb)同迴音(Echo)適當咁加埋先係好聽嘅，只有迴音係唔好聽，舊時啲唱片錄音多數都有比較明顯嘅Reverb。而家用緊JBL KX200，K3+留返畀電腦用。

我目前嘅唱K器材配搭：
「Isee 2019點歌機(配埋打直嘅大Touch Panel，最高4K30影像輸出，只有分體設計無出一體式嘅型號)
JBL KX200 混音器(Reverb/Echo/Delay三種Mic音效都有，亦可以透過USB駁電腦調校，可以另外加3.5mm插紅外線接收器/延長器做埋K房嗰種Remote)
Edifier S2000MKIII (客廳用主動式2.0喇叭 8w+8w高音 50w+50w中低音，有藍牙5.0接收能力有aptX HD解碼，出到HiRes音質)
Pro-Classic UWM-03 (UHF無線咪一對)
Yamaha DM-305 (動圈有線咪)」
咁樣配搭平得嚟仲有合理質素至少出嚟嘅效果喺400呎空間聽落好過Noway啲房先。日後升級器材可以將原有器材Pass畀電腦或者其他野用。


我喺唱K音響器材配搭同埋點歌機方面都可能唔及各位專業，請大家多多指教。

FungKeith@FB

AlanA@G 發表於 2022-8-11 11:31
「TLDR：唔怕貴啲跟連鎖K房揀Isee就會有齊K房啲歌，Mirror、Error、Serrini、MC張天賦同埋林家謙嗰啲歌都好 ...

你好師兄我剛剛買左部kx200,
想請教你set 左幾多 echo同reverb?
有無咩tips set 得靚聲d?

我咪用jbl vm300, 喇叭因為地方唔夠只能用infinity 書枱喇叭
另外想問下isee 點歌機咩價錢?
好多問題希望無煩到你

andyhiro

RaymondFok@FB 發表於 2022-6-23 10:57
我是業餘同人做表演光碟的，所有4台不同牌子点歌机，

音王 在我擁有/用过的牌子，只排行第三名。

我都想知,但師兄已很久沒登入

andyhiro

我自己用KKH,之前睇冇mirror(唔知現在有冇更新到)其他歌都多,介面,速度都OK
下載歌原本好快,早幾個月下載慢,問客服,佢話我高速下載已用完,要高速要收費
但之前冇講有計,我問怎計法,如時間?計GB數?機又沒有講,總知佢就只係叫你比錢,我先後買左兩部差不多時間都係咁


我覺得1T已夠用,返黎DEL啲你唔要既歌手,驚唔夠就2T

我家冇位都係用返原本套機,加一個大陸MIXER

咪我最初都用平咪,之後換左SHURE  BETA58 自己如果有要求,可能就買好少少

蘇忽鯨@FB

FungKeith@FB 發表於 2022-8-23 07:02
你好師兄我剛剛買左部kx200,
想請教你set 左幾多 echo同reverb?
有無咩tips set 得靚聲d?

isee 要成1皮野以上

永久更新歌要比多3千

fbsimon1

Versa 發表於 2021-7-28 02:27
Karaoke 硬件易搞，都係睇budget 睇餸食飯，係軟件麻煩。

我公司老板有個會所，本身已有mixer / 無線咪 /  ...

請問最後有沒有買isee 和效果如何.

fbsimon1

AlanA@G 發表於 2022-8-11 11:31
「TLDR：唔怕貴啲跟連鎖K房揀Isee就會有齊K房啲歌，Mirror、Error、Serrini、MC張天賦同埋林家謙嗰啲歌都好 ...

請問isee D舊歌多不多,我主要是要70,80,90年代的粵語歌,另外漫步者要不要加上避震...線有沒有特別要求.

AlanA@G

fbsimon1 發表於 2022-8-27 13:39
請問isee D舊歌多不多,我主要是要70,80,90年代的粵語歌,另外漫步者要不要加上避震...線有沒有特別要求.
...

ISEE舊歌超多，基本上佢哋啲舊歌大部份都係LD質素(有啲甚至係DVD質素)遠遠好過大陸牌子嗰啲VCD質素，當年有啲舊歌連LD都未出過就可能會係VCD質素，出過落卡拉OK LD或者有拍電視台版MV嘅舊歌正路佢哋都有收錄。

漫步者可以唔加避震，線冇特別要求唔係雜牌用料Cheap嘅紅白聲音線就無問題，正常價錢嘅紅白聲音線就可以喇。(咁當然可以照加避震嘅，耳仔夠敏感多少都聽得出嗰分別)
其實平民級有源喇叭基本上簡單接駁就可以，如果喇叭校大咗音量聽到訊號源嘅雜訊(/噪聲)覺得唔順耳都可以考慮加地盒做過濾，不過地盒價錢唔平 如果識得又夠材料自製嘅話可以慳唔少。


雖然ISEE有唔少舊歌嘅修復版MV，但係真係好想環球推出寶麗金碟聖系列卡拉OK碟修復版Blu-ray、華納推出天碟系列卡拉OK碟修復版Blu-ray 同埋英皇推出飛圖啲卡拉OK MV修復版Blu-ray，以前啲卡拉OK MV好有收藏價值，唱片公司親自出修復版Blu-ray咁就可以好好收藏亦可以透過更高嘅畫質同音質仔細欣賞當年拍落嚟舊時嘅影像同埋比較接近日本流行音樂Feel嘅BGM。