咪玩啦，任何網或版主見到都當睇唔到，外人入嚟吹水無所謂，要網站 admin 蒲頭就一定唔會有人 on dog dog 走出嚟送頭，全部利益問題，又有商店你唔係以為冇利潤，而產品介紹你估免費唔收錢拍片咩，國仁都擺明係收錢拍片㗎啦，全部都係廣告，網站登記一個戶口入嚟玩冇所謂，admin 唔關咗個 post 已經係大人大義。重要個網是旦搵人搭嘴講代理什麼什麼一定無可能
基本上唔使搞咁多嘢，又幫咁多個唔同身份嘅人諗咗咁多藉口，搞成廿幾頁，其實都話咗只需要打電話俾 AV life 如果電話傾唔掂，就話落鋪嘈，只要堅嘈大分貝果隻 (一定要同你上一手一齊去)谷鬼氣嘅話玩半個鐘頭之內，保證 YCY 同 sound united 一定搵專人服侍你，去人哋門口度嘈係江湖大忌，呢兩間公司差不多全部人都係打工，冇人係出糧嘅老闆，必定會息事寧人玩大咗門口吊鬼返上寫字樓因為你，五月追唔到數你話大唔大鑊啊，門市吊寫字樓上面啲人，寫字樓上面啲人就一定吊返代理祭旗，因為你單嘢確實係太小事一個電話已經搞掂，全部都係已出之物又唔係洗緊自己錢公司錢嚟咋嘛，而門口為老細面子為份工亦都唔會報警，因為只要你攞住張買電器但係12個月都未過嘅單都重係一個客，門口都只可以係無可奈何，但呢種玩法係好極端，而就算樓主你表達或語言能力真係有問題，都千其唔好係鋪再話自己二手買入，其實係你自己 on dog dog 在先將保養同免費升級亂咁捆綁埋一齊，E家當你 99% 行錯路，單拖同代理隻揪都唔搵連鎖店幫拖，如果連鎖店幫你保証係一定成功達到你嘅目的。
反過來講我都講到好白㗎喇，可能樓主都有人已經私下PM咗佢，搞掂咗。
最後一句你張單上一手唔係原音李，唔係天下度買，而係連鎖店度買你已經贏在起跑線，如果豐澤有賣保証20頁都唔會發生，香港啲連鎖店惡過代理呀，但咁樣教你玩，我都驚俾人 ban acc 但阻住人地門口做生意，連鎖店寫字樓啲人同代理都係死罪，最後如果你張單係原音出就已經唔使再玩，李老闆請代理食飯都嚟唔切重點會同你撐。
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2021-5-12 23:21
發表於 2021-5-13 07:49
發表於 2021-5-13 08:41
