Apple TV 電視app vs 新apple tv 4K vs blu-ray 4K

sirob

最近發現apple tv很多片也很平或會特價，而且有啲片會有追加4K、atmos及vision，作為儲舊片不失為一個平靚正嘅選擇，想問問如果比較TV apps、一部新apple TV 4K或實體4K碟，在聲及畫上分別大嗎？望各位能給予意見。

rach

睇慣碟睇串流就知聲畫有一定距離, 好多時都係因為方便(有得租), 或者大特價才入, 如果正價的話, 100%會買實碟😙
我建議如果一開始就睇串流, 就以後都唔好睇番實碟, 因無比較就唔存在高低😉

老五

我覺得睇串流同碟的分別主要係聲音，同一套戲大家都係atmos 影碟真係勁好多，至於畫面就分別不大

小瑟

數據上一定有唔同, 雖然佢地都用左新既理縮技術, 但我睇同4K UHD碟起碼差30-40%的原整性(音質上)!!!

小瑟

老五 發表於 2021-5-8 11:34
我覺得睇串流同碟的分別主要係聲音，同一套戲大家都係atmos 影碟真係勁好多，至於畫面就分別不大 ...

同意, 如果 55", 唔係睇全黑野, 都可以KEEP到的!!

WilsonWong4@G

其實好視乎樓主需要嘅係乜嘢…… 如果以質量行先嘅，當然係影碟好。但如果好似小弟咁，唔想搵咁多位擺放啲碟而又享受一㩒出嚟就可以睇嘅方便的話，iTunes 會係一個唔錯嘅選擇。個人要求唔算高，所以覺得iTunes係好嘅選擇。

sirob

WilsonWong4@G 發表於 2021-5-17 14:11
其實好視乎樓主需要嘅係乜嘢…… 如果以質量行先嘅，當然係影碟好。但如果好似小弟咁，唔想搵咁多位擺放啲 ...

其實我現在只是見到有些影片在apple tv會追加4K，仲要有字幕，而且價錢又平一些，反觀實體碟在香港版沒有出番4K，美版碟4K很多時也沒有字幕，而我部實體碟機又不能追加字幕（UBP-x700），因此我才考慮考慮部分用apple tv

另外，我看apple tv也只是用Sony電視內的apps看，不知道用Apple TV 4K 部機與apps分別有幾大

因為有看Netflix 關係，所以也知道串流與實體碟在聲音上也有分別，不過在Netflix 及apple tv上的聲畫分別卻不太清楚

WilsonWong4@G

sirob 發表於 2021-5-17 18:12
其實我現在只是見到有些影片在apple tv會追加4K，仲要有字幕，而且價錢又平一些，反觀實體碟在香港版沒有 ...

我睇Apple TV係用LG TV內建APP同APPLE TV 4K睇，對我嚟講其中一個重要嘅分別反而係在於字幕嘅位置... 內建APP嘅字幕啱啱喺黑BAR嘅下面，我比較鍾意

蜜汁叉燒

WilsonWong4@G 發表於 2021-5-17 14:11
其實好視乎樓主需要嘅係乜嘢…… 如果以質量行先嘅，當然係影碟好。但如果好似小弟咁，唔想搵咁多位擺放啲 ...

我好同意師意講法, 屋企細放唔晒啲碟, 仲有有時iTunes特價真係好抵, 不過有師兄話過可能有啲戲就算叫做買咗, 都有可能因為同發行商關係而下架睇唔返, 最怕係遇到咁嘅情況.

另外仲有一啲戲, 唔知點解iTunes 上咗, 最初以為實體碟遲啲, 等咗一輪都未見外面未有碟賣, 就照係iTunes買.

WilsonWong4@G

蜜汁叉燒 發表於 2021-5-18 14:02
我好同意師意講法, 屋企細放唔晒啲碟, 仲有有時iTunes特價真係好抵, 不過有師兄話過可能有啲戲就算叫做買 ...

我就未遇過咁嘅情況…… 反而有時喺iTunes買咗嘅戲，原本只有HD版本，但後來出咗有4K甚或Dolby Atmos版本嘅話，iTunes會自己幫我升級，例如之前嘅兩套福爾摩斯同V煞都係咁