初入兩聲道選購的生路曆程

ericjoe

SimonHon@FB 發表於 2021-2-24 23:14
會大打折扣，因空間小

但可以為夢想瘋狂，也是一種幸福

岩,   有PERFECT 皇帝位,  2百尺廳玩固然好,    無位唔通唔比玩?      

我掛起左對SPEAKER 都比人寸到暈,   但有細路放櫃面對SPEAKER 又係死硬.   

where1472003

加里 發表於 2021-2-19 04:08
係2020年10月正式步入兩聲道開始經歷左兩個半月日煲夜煲的地獄時間，由一開始聲音差到係到懷疑人生直到而家 ...

師兄，請問一下加多一部後級如果？一部和兩部分別大嗎？

加里

ericjoe 發表於 2021-2-25 21:59
岩,   有PERFECT 皇帝位,  2百尺廳玩固然好,    無位唔通唔比玩?      

我掛起左對SPEAKER 都比人寸到暈 ...

同意，無地方位唔夠發揮唔到全部係可惜，但除左換大屋或租地方外可以做到的就係有限空間去努力改善，換機換線換釘腳後得到音色上正面提升果種滿足感係一樣的。

加里

where1472003 發表於 2021-2-25 23:57
師兄，請問一下加多一部後級如果？一部和兩部分別大嗎？

分別都好明顯，而且係好大的正面提升，不過唔好的野一樣雙陪提升，好似背景唔夠黑，大聲時的毛嘈感等等一一雙陪奉還，上網搵資料同問過D前輩之後係咁眾多方法之中我選擇左電處（平衡隔離牛）不過未決定到買邊隻（Plixir cube 8 bac 同 Keces BP2400選擇困難症）而家係到秘密打緊財政大神斧頭儲子彈

SimonHon@FB

加里 發表於 2021-2-26 12:33
分別都好明顯，而且係好大的正面提升，不過唔好的野一樣雙陪提升，好似背景唔夠黑，大聲時的毛嘈感等等一 ...

師兄，我推斷你的 後級推力很猛，按比例底噪也大了，

如果在200呎空間，拉遠距離聽不到底噪，近場聆聽就聽到了

電方面，工業都搬離香港了，影響較少

加里

SimonHon@FB 發表於 2021-2-26 13:22
師兄，我推斷你的 後級推力很猛，按比例底噪也大了，

如果在200呎空間，拉遠距離聽不到底噪，近場聆聽就 ...

請問師兄如果主要不是電的影響，除左地方空間外有咩方法可以改善底噪問題，請指點迷津，謝謝

SimonHon@FB

加里 發表於 2021-2-27 07:15
請問師兄如果主要不是電的影響，除左地方空間外有咩方法可以改善底噪問題，請指點迷津，謝謝 ...

加里兄，其實我也是入門玩家，專業的意見應該這裏有好多前輩可以給你，無奈沒有，又或者這forum 聊天為主，要技術討論或指點迷津，還是h i e n d y. c o m 的前輩比較熱心吧

其實以你書房的空間，BS403差不多6吋的低音單元, 加上125W AB類獨立後級，BS403的低音已經發揮淋灕盡致了.  那個音響老闆還推銷你行Bi-amp ... 隔離牛... 對音響業務真的很熱心....
說回低音，書架喇叭下潛深度有限，先天不足，用後級也改變不到，應該是要加隻Subwoofer 而不是Bi-amp , 你的空間 8吋 Sub仔就夠了，volume 只需扭少少約11點位，補一補個Bass .  測試低音，聽男低音趙鵬的 月亮代表我的心。
Good Luck

dplqb

加里 發表於 2021-2-27 07:15
請問師兄如果主要不是電的影響，除左地方空間外有咩方法可以改善底噪問題，請指點迷津，謝謝 ...

加里哥，SimonHon兄說得對.香港電源不是主要影響，你要知道前級dac是接收和處理音源，之後去後級放大出喇叭，我看見你依舊用原裝黑色電線去前級dac，這種電線又幼又沒有力和屏蔽不足，會混入不好的干擾和缐質不好的阻力，你最好先處理好接線的質素，你再加什麼上去只會將雜訊放大出來，再看有什麼不滿才加入吧！

frankpoon

真幸福, 一野就去到MONO AMP, 令人羨慕.
你喇叭同器材應該都冇買錯架喇, 慢慢玩下電源同接線來調音.
電又係好好玩架...

bbc701

加里 發表於 2021-2-26 12:33
分別都好明顯，而且係好大的正面提升，不過唔好的野一樣雙陪提升，好似背景唔夠黑，大聲時的毛嘈感等等一 ...

如果搵到有一日屋企完全係冇人，首先應該將你而家嘅器材搬去一個家中比較空曠嘅位置，喇叭相距大約七尺以上距離聽返兩三個鐘，感受下有什麼分別先，你要搵嘅聲未必係因為線材或者配件問題，可能擺其他位置已經有你需要嘅聲音

事後再還原去返你而家嘅擺法，你就會知道你而家嘅器材到底可以出到啲乜嘢聲，唔係普通換條線買電處就會有改變，亦唔好因為空間問題就覺得買呢樣買果樣可以幫到好多，兩對喇叭擺到咁近，你真係要試清楚放其他位置聽到乜嘢聲之後先好再決定買其他配件，而家你嘅擺法加幾多補品落去其實都未必有太大效果，喇叭擺得越近，其實兩邊單元發出嚟音頻有部份係會互相抵消咗，情況如有你只要試吓將兩隻喇叭放埋一齊面對面普通音壓播歌，就知道我講乜，自己試清楚，配件有無限咁多花款，但係你而家用緊嘅空間上邊未必發揮到實際功效，慢慢玩