嘉湖鑽石廳 - 有無朋友知道點安到 5.1.4 同投投....

阿風

發明鑽石廳果個真係應該拎去人道 XX.....

嘉湖咁多人應該都有唔少玩音響 / 家庭影院, 可唔可以分享下?

搵過網上同呢度的舊帖， 未見過有投投，又無鴨毛的玩法  

自從鴨毛之後,  後置唔可以吊太高, 嘉湖個鑽石廳唔係好大，真係諗唔到可以點做，麻煩大家不吝分享下。

前置一對座地， 中置勉強可以放電視底， 鴨毛四隻可吊高還好，環繞/後置用番正常 Size 頭痛， Sub 仔又唔細，投投幕又無理由太細。。。點放


好清楚明白 嘉湖鑽石廳係死症， 不過自己無本事， 買唔起第二度， 但買左玩唔到影院真係 so  sad

比一大舊錢焗買唔鍾意的野，唔買又無選擇，最少比番個影院黎啦。。。


至於唔係住嘉湖的朋友， 其實積同大細期期差唔多...可以此為例:
https://hkfloorplan.centanet.com ... SQFQCRJCFROUJ&org=Y

其他期數都係度
https://hk.centadata.com/FloorPl ... FARR&ref=CD2_Detail

dominickwok

我都係鑽石廳 ... 我就訂造個三角形（實際上係五角形）嘅地柜放電視和 AV equipment，咁剩返嘅位就會係一個長方形嘅廳，玩 5.1.4。投影幕就降落係電視機前面。

不過先決條件係個鑚石廳要比較大先得。太細就玩唔倒投影。

SonSon

鑽石廳原意係窗台望唔到隔離單位，視野較開揚，買樓前相信你已知鑽石廳有優缺點，但仍然購入即接受佢優點多過缺點。買樓相信對大部份人係重大決定，唔好講到好似焗買被迫上車，依家好後悔咁。就等如我養貓買樓一定唔會揀有露台一樣，間格幾鍾意都係咁話。

阿風

SonSon 發表於 2020-7-1 19:52
鑽石廳原意係窗台望唔到隔離單位，視野較開揚，買樓前相信你已知鑽石廳有優缺點，但仍然購入即接受佢優點多 ...

你問多我幾次都一樣係咁答， 我係好唔鍾意嘉湖鑽石廳，佢缺點絕對係非常多，所謂優點就只有一個 -- 我勉強買得起， 就係咁多， 講白 d 係焗買，高樓價的原因同責任我無興趣討論，但再問都係要買， 已經講得好清楚我認無本事， 買唔起第二度。


我唔知有咩引起你不滿/唔高興，  如果有我只能講句唔好意思。


馬死落地行， 我開帖只係希望有住嘉湖的朋友可以分享下， 死症都好睇下有咩辦法就到就就。

阿風

dominickwok 發表於 2020-7-1 15:06
我都係鑽石廳 ... 我就訂造個三角形（實際上係五角形）嘅地柜放電視和 AV equipment，咁剩返嘅位就會係一個 ...

如果鑽石廳夠大， 其實網上都有唔少方案拉番直， 可惜嘉湖鑽石廳唔大...

師兄應該唔係嘉湖人?

嘉湖如果放三角形地柜, 因為要就走廊位， 橫度比較窄，放 LCR  都比較勉強， 如果要放投影幕， 應該好細

avsuperman

玩超短距得嗎，喇叭可玩细隻或衛星

goldberg0083

嘉湖山莊梗係可以玩av啦， 我廿幾年前都係住嘉湖5期
問題係唔係走廊嗰邊擺電視，係走廊位置擺梳化 ， 雙人梳化 擺喺走廊前少少 造成個 長方廳 不過會晏少少走廊， 對面就可以擺投影幕或者電視
藍色係投影機位置
紅色可以做個三角櫃 放東西
黑色係喇叭
黃色喺2人梳化
咁樣擺法5.1.4都玩到， 如果咁樣擺太太都話可能反對，咁就唔係地方問題係你有冇盡力爭取
用手機畫圖 只供參考

goldberg0083

阿風 發表於 2020-7-1 20:35
如果鑽石廳夠大， 其實網上都有唔少方案拉番直， 可惜嘉湖鑽石廳唔大...

師兄應該唔係嘉湖人?

咁樣擺發應該可以最小放到80至90吋投影

sanlamsan

前嘉湖住客路過，同意上面ching格局，訂做三角架/儲物櫃/飾櫃頂住梳化，不過會同對面住户面對面！我以前就訂做三角形地櫃，(果陣用5.1迷你喇叭)無玩投投！

HD_2

JBL BAR 9.1 真無線環繞5.1.4