買水貨大陸版65寸三星q70分享

amdwii

內容可能長左少少：
先要多謝呢度幾位Ching (名就唔講，唔知ching 鍾唔鍾意開名）。未買電視前！睇左佢地的分享，自己都有做功課。
     未買呢部機q70前，我係全球天猫買左部小米5 Pro 55寸，送來的時候，發現有漏光的問題，所以聯絡天猫退機退款（如果唔想有風險，天猫真係唔錯，最少平過香港水貨店，有問題，真係影相就可以退機，值得一讚）。退左機後，睇過幾部機的資料，包括sony x9500G,東芝U6900C (TCL造）和三星 Q60和Q70。最後睇好多人講，Q70同X9500G性能差好少,以65寸價錢 q70就$6170,Q60$5000,Sony X9500G 就$8900,因為用過部小米Qled,我相信三星自家做Qled 應該唔會差得去邊，加上Sony 太貴，所以就Q60同Q70作選擇，最後買左Q70,因為Rting TV有做比較，Q70黑位做得比較好，價錢都係差$1200人仔，部機預用3年，都係一年比多$400.
跟住都係淘寶和京東比較下，試過有一個叫併多多，賣電視好平，不過唔知係咪唔賣給香港人，試過落幾次單，都係被取消，我估同個地址有關，淘寶有D鋪頭都唔送集運。
最後找到間賣$6170（依家已升了價$6250,好多鋪賣$6599,唔知點解，都尾水，新款就出，可能冇乜貨），落左單後，同好多Ching 一樣，擔心部機會破屏，特別是送到集運，唔知會唔會有損破，如彩有師兄教路，有集運會幫手check 機會打木架，呢度要提提，一般集運以體積計算，所以打左木架後，運費會差如多，我個間打左木架，差30kg,不過呢間野平，木架$110,運費$280,以65寸我覺得算好平。而且呢間集運的客服好好，回覆好快，我最擔心成部機給左集運，冇人覆我。佢覆我幾時送到，就算漏單都準時即日送給我。
部機送到，拆箱，好好彩冇破屏，亦冇漏光和死點問題，即時改地區，就同香港行貨一樣，有Netflix,YouTube,收香港台冇問題，基本上就係冇保養，但平左差唔多$6000,如果用到3年已賺左，希望呢個分享幫到大家。多謝大家花時間去睇我的分享

coffee430coffee

好抵玩呀

amdwii

coffee430coffee 發表於 2020-4-4 01:27
好抵玩呀

題外話，點樣改水貨機做行貨，最重要有部紅外線的手機，我家中有6部手機，竟然冇一部有紅外線，最後問朋友借左部舊小米手機。
老實講，自己上網找左好多資料，三星65 q70性價比和差價最大，所以我覺得買大陸版比較抵買，不過冇netflix 和YouTube。上網問過好多人，好多人都有改機，但唔講教學，我花好多時間去找，好彩找到，我唔介意分享，曾問過人，改機收 幾錢，覆收$1000,我覺得$100-$200就冇所謂，$1000唔知係咪傻，所以分享比大家，希望大家都可以同人分享，講真互聯網世代，最重要分享。
https://sspai.com/post/59549

SatanTheDevil

我都正想買65” Q70R
依家心大心細 喺hk買水定淘寶買
send咗PM比樓主 可否解答我少少問題 感謝你

amdwii

SatanTheDevil 發表於 2020-4-4 01:44
我都正想買65” Q70R
依家心大心細 喺hk買水定淘寶買
send咗PM比樓主 可否解答我少少問題 感謝你 ...

已覆了你，
題外話，運落來香港係有風險，所以最好請集運幫手Check 機，加打木架作保護，我買個間鋪會再加一塊約1寸厚紙板保護個Mon。另外自己要同集運講係電視，小心，我見我個間集運有寫易碎物品。老實講，如果你做運輸，見到部電視，除非你同佢有仇，你都會小心搬，何況搬電視，最少2個人，做運輸都係打工，唔會專（登）拋你站部電視，然後被公司照肺。我見我集運送來的運輸，都好小心送上門（我心急落樓等）見到佢地慢慢推入電梯。老實講，我見有Ching 75寸唔打木架，照送來香港，都冇事，反而細部的mon就有機會，因為部機細，快手就會拋，大電視一個人拋唔到。

當然如果擔心的網友，建議比多$1000-$2000給水貨佬，或幫淘寶全球天猫買。如果仲擔心，建議買行貨，畢竟部電視都好大部。

louis127

amdwii 發表於 2020-4-4 01:33
題外話，點樣改水貨機做行貨，最重要有部紅外線的手機，我家中有6部手機，竟然冇一部有紅外線，最後問朋 ...

多謝師兄分享

Smallkids

louis127 發表於 2020-4-4 12:12
多謝師兄分享

樓主。
比個你。
多謝分享

manlad760

真心謝謝師兄無私分享。

amdwii

manlad760 發表於 2020-4-4 13:58
真心謝謝師兄無私分享。

部機可直播4K 影片mkv 格式，不過唔支援字幕，另外用佢個browser 可以支持線上看電影，好過冇。我自己都係睇netflix。

familyguys

平6000, 咁梗係買水貨

同埋三星好耐用, 我部曲面49寸用左6年仲未壞....唉, 無得換