請問一下各位大大 Fitear 335DW 同 Justear LiSA版 揀邊個好？

MARiA_MAi

兩隻都試過，兩隻嘅聲我都鐘意，即使唔同風格，有budget我都想Why not both，但係要二揀一的話...?
335DW 就鐘意佢嘅分析力
Justear LiSA就鐘意佢嘅動感同動圈嘅通透感
如果計埋換線帶嚟嘅影響 邊款可塑性又會高啲? 始終試Demo只可以試跟機線...

IssWong@FB

Lisa，因為襟聽啲，再講有時限。耳機界會不停出新耳機，budget夠咪再入手下隻，睇手情換住戴。

IvanHung@FB

呢兩隻我前幾日都試過,個人就比較中意335DW,我覺得335個分析力同層次感比just ear LiSA好,不過LiSA版個低音係做得幾好,特別係個鼓聲,不過我個人就會買335,不過如果你係LiSA fans呢隻真係必買

USA2010

一直都有個疑問
到底Justear LiSA聽番LiSA 啲歌係咪好聽啲??

我睇啲報導係話根LiSA既口味調較唔係跟佢啲歌調較??

IssWong@FB

USA2010 發表於 2019-7-23 11:29
一直都有個疑問
到底Justear LiSA聽番LiSA 啲歌係咪好聽啲??

係咪好聽啲就見仁見智，但拎嚟聽啲動態多嘅快歌，rock類。個低頻表現唔會過左人聲，人聲又唔會過份突出，又唔會有種各自為政嘅感覺。
對比金磚調音版，一個暖一個冷，金磚版唔夾金磚就浪費晒，但lisa版夾player會易好多，多左選擇。

個人試嗰陣覺得好正即時落訂，唯一問題係要夾線夾機，考慮升級線時要留意，想玩4.4可能要搵番啲銀味冷身線會好啲，如果唔係人聲會變到好厚，暖過頭。

nanaholic

USA2010 發表於 2019-7-23 11:29
一直都有個疑問
到底Justear LiSA聽番LiSA 啲歌係咪好聽啲??

的確Just ear LiSA係根據LiSA本人對音樂口味嘅要求而調較的，而佢本人口味其實好雜下，由rock到jazz都聽。而因爲佢鍾意聽rock而佢自己唱嘅歌都係rock風，所以間接做成咗用Just ear LiSA聽番LiSA自己嘅歌都會夾，但呢個唔係本意嚟，只可以話係附帶效果。

其實Just ear同d歌手夾嘅耳機個主旨一向都係"歌手跟粉絲分享歌手本人對音樂與音色的喜好"，並唔係對歌手本身嘅歌做加持或特化。你聽Just ear LiSA嘅話其實就係聽緊佢自己本人鍾意咩音色，然後就會有"哦，原來佢鍾意咁嘅調音"，呢個就係買Just ear歌手合作機嘅其中之一個樂趣。只不過作爲歌手唔多唔少佢哋自己喜歡嘅音樂會影響到佢哋自己嘅音樂，所以間接都會令到佢哋調較出嚟嘅音色同佢哋自己嘅歌都會夾嘅現象。

我自己第一次聽Just ear LiSA都好意外佢對耳機其實好平均下。同埋係佢個空間感同分離度真係調得好好。

NGTim@FB

nanaholic 發表於 2019-7-23 20:35
的確Just ear LiSA係根據LiSA本人對音樂口味嘅要求而調較的，而佢本人口味其實好雜下，由rock到jazz都聽 ...

依加D人真係好笑, 竟然一個發燒級玩家, 去追捧一個平時唔玩開耳機, 甚至對耳機一無所知既人音色的耳機

nanaholic

NGTim@FB 發表於 2019-7-23 21:03
依加D人真係好笑, 竟然一個發燒級玩家, 去追捧一個平時唔玩開耳機, 甚至對耳機一無所知既人音色的耳機 ...

此言差矣 (笑

人地係職業歌手，雖然人哋未必一定對儀器玩得純熟，但佢地對音色嘅要求同接觸絕對比一般所謂嘅燒友(特別係連樂器都唔玩嘅人)只有過之而無不及。我同松尾先生傾過佢做呢d合作作品同其他職業歌手調專用MH1時嘅經驗，佢話同職業歌手調音其實非常輕鬆，因爲人哋往往對音色嘅形容比一般人準確到肉，調音工作更加比跟一般人調音快。其實一想絕對唔意外，人地歌手走一場live做嘅現場試音再叫場地嘅PA做調音根本係工作必須嘅一部分，所以呢d調音作業根本係家常便飯，而呢d經驗反而所謂一般嘅燒友係唔會接觸到。而所謂調音一向係主觀喜好，並唔存在所謂嘅所謂客觀的"最好"(只存在客觀"最準確"，但最準確並唔一定係人人喜歡嘅調音)，所以掉轉往往係燒友太注重玩儀器而忽略咗一d其他要素。

而Just ear調音本身有耳機大師松尾先生夾住嚟調，人哋係professional加professional嘅拍擋, 點解你會覺得人哋嘅知識會比只係興趣嘅燒友少呢？(笑)

Elvin_F

個人覺得，先唔好諗換唔換線住，買隻自己聽得舒服既耳機先
因為原裝線本身已經就住耳機既調音黎配，即廠方最想表達既聲
除非你一開始已經諗好換咩線，否則就要先買線再買耳機黎配
始終配線對原有聽感已經有影響

nikfung

其實想講Lisa不嬲都無用Sony的耳機.......不過除非閣下是信眾，否則$19XXX而比Sony好聲的還有很多選擇.....而且人家是用原裝線來調音的，要換線就不如揀第二隻耳機吧！