有闗AVR-X2400H update firmware後出現問題

rl0497

您好！

我家中嘅X2400H早兩晚喺使用途中突然熄機，前面板顯示正在更新固件，行完後佢再着機，我繼續睇戲，好奇心驅使下我走去撳吓更新固件後嘅版本係邊個，點知一撳，我發現所有有關網絡嘅選項全部dim晒，完全撳唔到，連我想撳firmware嘅選項都係撳唔到，畫面下會顯示”Not available until the network is connected and active...”, 我已經排除咗並非router同Ethernet cable嘅問題，另外我亦做過restart同factory restore，情況都係一樣。另外最困擾係，現在佢久唔久又會突然熄機，又行一次update，之後着機但係問題依舊，唔知仲有乜嘢可以解決方案嘅，定係要送修呢？希望有方法提供，唔該晒先。

2400-1

2400-2

2400-3

2400-4

rl0497

仲有提一提，我喺network diagnostic項撳入去，佢長期係please wait嘅，開HEOS Music都一樣係please wait嘅，麻煩晒！

DenonI

rl0497 發表於 2019-5-11 10:50
仲有提一提，我喺network diagnostic項撳入去，佢長期係please wait嘅，開HEOS Music都一樣係please wait嘅 ...

rl0497 師兄 ,

按你的情況 , 可把 AVR-X2400H 先關機然後拔去電源線再插上。
等多五分鐘再進入菜單查看網絡情況。

如果情況依舊就要 Reset 部機，
在關機之時，按住機面  ZONE 2 SOURCE 和 DIMMER 不放手再開機，
面板顯示屏全亮後可放手。
用家須要重新做過設定。

Denon1

rl0497

DenonI 發表於 2019-5-14 14:09
rl0497 師兄 ,

按你的情況 , 可把 AVR-X2400H 先關機然後拔去電源線再插上。

你好！

其實我曾經試過將接駁X2400H個拖板嘅大掣熄過，之後再開都無效，係唔係一定要拔去電源線先得呢？另外我亦試過撳實個Power掣幾秒，佢會出現Restart嘅字，結果都一樣嘅，我今晚返屋企會再嘗試你所講嘅方法，有結果後再回覆你，唔該晒先。

rl0497

DenonI 發表於 2019-5-14 14:09
rl0497 師兄 ,

按你的情況 , 可把 AVR-X2400H 先關機然後拔去電源線再插上。

你好，已經依照你嘅建議去做，不過情況依舊一樣都係所有有關network嘅都唔郁到，清機後重啟set up時畫面停喺Network setup，只係得畫面中間有個圈不停轉，等半個鐘都係一樣停留同一個畫面，請問仲有冇方法呢？唔該你先。

DenonI

rl0497 發表於 2019-5-14 23:58
你好，已經依照你嘅建議去做，不過情況依舊一樣都係所有有關network嘅都唔郁到，清機後重啟set up時畫面 ...

rl0497 師兄 ,

這是最後的方案，先關機，在同時按住機面“TUNER PRESET CH  - ”和“DIMMER”按鈕，按電源按鈕打開電源。
然後你會看見機面顯示屏出現 " Restoring FW... " 和完成百份比/剩餘時間。
等大約十五分鐘，AVR-X2400H 會還原出廠設定。

如果還是無效則要交維修部檢查。

特約維修服務中心

地址：九龍長沙湾長順街 11 號長城工廠大厦 9 樓A - (F室)
電話：3900 0101
辦公時間：逢星期一至五，上午九時至中午十二時三十分，下午一時三十分至六時；
逢星期六，上午九時至下午一時； （星期日及公眾假期休息）

Denon1

rl0497

DenonI 發表於 2019-5-15 10:14
rl0497 師兄 ,

這是最後的方案，先關機，在同時按住機面“TUNER PRESET CH  - ”和“DIMMER”按鈕，按電 ...

明白，今晚會返去再試，想問問如要帶機維修，需要帶同買機嘅單嗎？保用證我之前已郵寄到貴公司㗎喇，唔該晒先。

DenonI

rl0497 發表於 2019-5-15 11:16
明白，今晚會返去再試，想問問如要帶機維修，需要帶同買機嘅單嗎？保用證我之前已郵寄到貴公司㗎喇，唔該 ...

rl0497 師兄 ,

如果真的須要維修，最好帶埋買機單去維修部。

Denon1

rl0497

DenonI 發表於 2019-5-15 16:45
rl0497 師兄 ,

如果真的須要維修，最好帶埋買機單去維修部。

好嘅，唔該晒先，希望今晚試到冇事，拎機去整都幾頭痛！哈哈哈！

rl0497

你好！

好開心，尋晚返去已依照你所指示去做，部機回復正常喇！所有有關network嘅嘢都着返晒，另外佢開返機後再見到網上有firmware update，我再update多次都冇事喇，非常感謝！

現在唯一要做嘅就係set過部機同埋再cal過啲喇叭啫，唔駛拎去整安樂晒！

由於我部機要重新嚟過，我想搭單多問幾個問題，希望你能夠指點一下。

第一個問題係關於cal喇叭嘅，我家中行5.1.2嘅，頭頂行兩隻天花喇叭，由於梳化貼牆嘅關係，我後置係如下圖咁放法嘅：

sofa

想請教一下，如cal後置，咪嘅擺法應該點樣先最正確呢？因為cal開頭六點我唔覺得有問題，但係當cal後置嘅時候，我冇乜頭緒，當時就將測量咪放到梳化頭枕位置大約耳平去測，我覺得有啲怪嘅，所以想請教請教。


第二個問題係關於接駁Power amp嘅，因為我朋友放咗一部兩聲道Power amp喺我屋企，佢話如果將部X2400H駁過去部Power amp，用部Power amp去推兩隻前置，聲會再明顯好好多，我都想嘗試一下咁駁法，我睇過說明書講過可以喺X2400H嘅後面"Pre-out"嗰度用條RCA線接過去Power amp嘅相應位置就可以，但係說明書只係簡單幾句冇再詳細講解，我想請教一下，X2400H入面有冇一啲設定需要作調校呢？如果我咁駁法，兩隻前置嘅大細聲係靠邊一邊去控制呢？如果係靠power amp控制嘅話，點樣確保到前置同其他喇叭聲壓一致呢？同埋如果我咁駁法，係唔係要喺cal喇叭前先駁好power amp先好做calibration呢？

唔好意思，問題比較多，希望唔會太麻煩你，多謝晒你一直嘅幫忙！！