點解？點解《星戰7》有《復聯4》冇？

陳傑龍@FB

jc2ssych 發表於 2019-4-24 21:41
你可以考慮寄信到國家電影局，建議佢搵全班華語演員再拍一次。

咁就冇癮了，我凈係想睇外國演員但聽到粵語配音，而唔係搵香港演員拍
性質唔同，可能我鐘意配音多於原聲，原聲聽唔落去

陳傑龍@FB

kk1999 發表於 2019-4-24 22:41
真係大開眼界原來星戰7當時有中文語音,等我以為自已係星戰迷,每次都請假睇頭場,有中文都吾知.
又好彩當時無 ...

身為香港人都唔支持自己嘅語言，呢個世界真係荒謬

Hugo Fok

《星戰7》有粵配係因為《星戰前傳 1-2》上映有粵配 （出碟時連《星戰前傳3》都追加返粵配），所以《星戰7》上映/出碟有粵配係延續返呢個傳統...但其後《俠盜一號》、《最後的絕地武士》同《韓索羅》都無再 KEEP 住粵配既習慣...  香港有粵配既真人外語片很多時都只限幼兒片種如《貓狗鬥一番》或非英語類電影如韓、日、印度電影等，所以 MCU 系列電影無呢個安排其實都出於過往市場傳統考量...

jc2ssych

陳傑龍@FB 發表於 2019-4-25 10:23
身為香港人都唔支持自己嘅語言，呢個世界真係荒謬

對於師兄的講法, 我有兩種回應。

師兄有提過「聽英文要追字幕, 令到你無mood」, 這我是能夠理解的。學生時候, 有幸到過韓國參加釜山電影節。當時放映的作品並非每部都有字幕, 僅有的都是英文字幕。小弟於香港土生土長, 不諳韓語, 眼球追到字幕, 但又miss咗攝影和燈光的細節, 都幾辛苦。所以我是明白師兄你不諳外語的苦處。

後來師兄又提到, 「我淨係想睇外國演員」而「唔想聽到英語原聲呢一種語言 」這是一種歧視、排斥, 而且有點奇怪。師兄會否想去到外國旅遊而不願見到有外國人? 住香港但唔想見到香港人? 荷理活電影是美國文化作品, 要其刻意脫去英文, 硬配粵語, 這反而是文化霸權的表徵。要審慎處理。

一路以來, 有粵語配音外語作品, 一般較兒童取向。小孩子不諳外語是正常吧。「上面內地齣齣幾乎有佢地語言嘅版本（國語配音）」也是事實。皆因國內人均教育水平不高, 電影院有本土配音也是可以理解的。

我上文提到可考慮去信國家電影局, 我是真心的。又分享另一則經歷：事沿十年前寒東遊北京, 三里屯晚餐後, 到電影院看姜文的《讓子彈飛》。小弟北方話麻麻地, 想選擇有中文字幕的場次。誰知現實係：

普通話場次 – 無字幕  ；  中文字幕 – 配四川話

我唯有硬食普通話無字幕。我問朋友, 他說：北京市有大量流動人口。市政廳文化部的確有機制, 會按人口普查建議市內文化項目該選用哪兩/三項方言。當時完全無字幕, 雖然 get 唔晒對白講乜, 但電影節奏流暢, 演員演技超班, 觀感依然相當爽皮！

會追看 Star Wars, 看來師兄都有一段戲齡。自身不諳外語, 可以自強啊, 就是為了觀看製作認真的電影。在港上映的外語電影有無粵語配音, 跟「身為香港人是否支持粵語」沒半點何關系。

SonSon

kk1999 發表於 2019-4-24 22:41
真係大開眼界原來星戰7當時有中文語音,等我以為自已係星戰迷,每次都請假睇頭場,有中文都吾知.
又好彩當時無 ...

據聞當時全港每日有7XX幾場, 只有3X場係粵配, 可想而知粵配星戰幾咁受歡迎

陳傑龍@FB

jc2ssych 發表於 2019-4-25 13:08
對於師兄的講法, 我有兩種回應。

師兄有提過「聽英文要追字幕, 令到你無mood」, 這我是能夠理解的。學生 ...

多謝呢位師兄嘅詳細回答，只不過師兄你可能有小小誤解我了。
『去到外國旅遊而不願見到有外國人? 住香港但唔想見到香港人?』睇來我係講錯嘢了，我其實凈係想自己想睇或者未睇嘅戲，有粵語版本，并唔係話“只聞其聲而不想見其人”
『要其刻意脫去英文, 硬配粵語, 這反而是文化霸權的表徵』又冇話霸權咁嚴重，係可以有多個選擇而已，唔知係咪因為咁，所以無線明珠台就不再為西片電影配廣東話版本了。
『自身不諳外語, 可以自強啊, 就是為了觀看製作認真的電影』我只是個鐘意睇電影嘅人，做到啲乜啊，啲人唔係成日話“現實做唔到啲乜，所以先來網絡到發洩”咩。
反正我開個貼，發洩一下不滿嘅情緒，冇話講到歧視某部分人咁大單嘢。咁如果上面啲人肯接受民眾需求，我梗係拍晒手掌啦，但如果唔接受，就算咬爛晒啲手指都冇用啦。

陳傑龍@FB

Hugo Fok 發表於 2019-4-25 11:39
《星戰7》有粵配係因為《星戰前傳 1-2》上映有粵配 （出碟時連《星戰前傳3》都追加返粵配），所以《星戰7》 ...

咁英文電影的確好少出粵語配音，話就話以前西片睇明珠台有粵語，而家冇呢句嘢講啦。
非英文嘅日、韓、印度電影，以前真係好多日韓片DVD有粵語，但近幾年，少減咗好多，一年可能凈係出一、兩部粵語配音嘅日韓片。

SonSon

陳傑龍@FB 發表於 2019-4-25 10:23
身為香港人都唔支持自己嘅語言，呢個世界真係荒謬

對外語片有冇廣東話配音都唔覺得重要既=唔支持自己嘅語言?? 粵語配音唯一優點除咗方便唔駛追字幕外, 對一D鍾情原汁原味既真係睇唔到有乜優點............

P.S. 阿仔睇動畫/老媽子煲劇絕對要有廣東話配音

陳傑龍@FB

SonSon 發表於 2019-4-25 14:46
對外語片有冇廣東話配音都唔覺得重要既=唔支持自己嘅語言?? 粵語配音唯一優點除咗方便唔駛追字幕外, 對一 ...

原來你係原聲fans，咁對於我呢挺鐘意粵語配音嘅人嚟講
就真係冇咩嘢可以講，都唔啱嘴型嘅

kk1999

其實冇乜大問題,好似睇 2D 或 3D 咁, 各有喜好,只要係真心買飛入場支持的,就係好人.
市場有多選擇係好事,自己要小心Ｄ去買,如果吾係就好似帶錯3D眼鏡般捉虫.