早過香港，今日我上左內地睇左 《水行俠》 ...

alleelarry

7排6座，好有意思……

Yuen220

我好多時都覺得香港既譯名好差，同本身個名有好大分別

audia

Yuen220 發表於 2018-12-10 14:03
我好多時都覺得香港既譯名好差，同本身個名有好大分別

以大陸嘅維護保養風格，好快會變殘

所以想享受新院要快啦

光與曝光

alleelarry 發表於 2018-12-10 13:14
7排6座，好有意思……

佩服 佩服

光與曝光

audia 發表於 2018-12-10 14:29
以大陸嘅維護保養風格，好快會變殘

所以想享受新院要快啦 ...

無錯, 情況就好似大陸啲新洒店咁, 頭兩年硬件無敵,
但好快就慘不忍睹...

所以我都建議大家有新睇新, 大陸野都係趁早玩着數

kowkow

剛剛看完⋯⋯，我絕對可以說，比wonder woman 好看好多好多，同埋一定一定要去imax cinema 看，海底世界好漂亮，打鬥及動作埸面極度精彩，唔去IMAX 不如唔好睇，絕對是DC 最出色的一套作品

仲有仲有，若果去呢度，記得要先上網買票先會便宜，現場買要210人仔，我就是去到才知道，好彩出路遇貴人，當時附近有同胞係會員，捉佢幫忙先可以84人仔買到

小瑟

竟然有國內版友？？

kowkow

小瑟 發表於 2018-12-10 20:11
竟然有國內版友？？

係戲院的會員，有discount ，見佢買飛，即刻飛身攔下盤查先可以平到咋

Hon

Hugo Fok 發表於 2018-12-10 12:51
Hon 兄，"D位麻麻地" 既意思係？？？ 太窄？前面個頭阻住字幕？？？可否講多少少呢... 因爲我都未返過内地 ...

我之前聽朋友講話大陸IMAX至係正宗所以上去睇, 雖然我唔知係咪真係正宗LA, 但佢用晒成個幕黎播我又真係覺得佢同香港好唔同.

佢幾得意, 我唔知有無記錯, 如果你去過ISQUARE 睇IMAX坐位同個幕都係橫行平面咁, 但佢地係曲幕同曲位排列, 有種入左去個波睇戲既感覺.

先講個幕曲面, 我認係大鄉里出城, 睇戲睇咁耐除左知TV有曲面外, 原來戲院幕都可以咁做.
初頭諗住會唔會差既, 但睇落又真係無問題WOR, 又或者我朋友買位買得好, 坐正中間可以一野睇晒, 其實都幾舒服.
場內望入去座位同個幕其實都幾近, 唔似isquare imax咁好似一個hall咁有距離, 但都唔差既.

至於D位就本人覺得窄好逼左D, 可能近年轉左去METROPLEX睇戲, 俾佢既坐位好鬆動而影響左, 有時個人想郁多小小都覺得困難(又或者可能我肥LA...HAHA)
坐低左前面絕對唔會阻到自己既視線, 呢樣真係要讚既.

總括黎講, 如果套戲... 尤其是呢類英雄片我都會盡量揀返IMAX黎睇, 因為佢個價其實都唔叫好貴, 當係去其他戲院睇戲感受下都好既.


補充: 我初初以為其他觀眾會同香港好唔同, 但... 咁啱我睇嗰場... 至小我見唔到有人吹水/瞓覺同玩手機, 真係算係咁la.

Hon

阿定 發表於 2018-12-10 12:56
係咪得簡中字，繁中唔駛旨意架啦，係咪英文都無？有無教學點買飛？

得簡中架咋, 如果你試過睇某d不明網站online咁播戲你就明我講咩, 完全係一模一樣...haha

有個app.叫美團, 依家大陸都多數買戲睇戲都係用佢, 因為有得平d, 例如上網買飛咁, 如果你即場買飛既話會貴過用呢個app買, 因為我見過呢套戲如果睇普通2d版係可以平到20蚊人仔都有一張飛.

當然, 佢地俾錢就梗係用佢地最引以為傲既網上俾錢方式la, 所以我都係靠朋友幫忙...