大家對香港興建高鐵睇法如何?

ahnel

真係關心社會就好啦, 最怕係好多人云亦云, 以為上街抗爭係一件好潮o既事, 自以為被標籤為激進的八十後就係好型~
當年見到大學裡面都總有一班錦o既人, 每逢上街示威逢call必到逢到必早, 但係lee班人好多都係成績一般, 三年課程就讀足四五年先畢到業~
古語有云, 修身齊家治國平天下, d所謂八十後青年都係先做好自己, 讀好書做幾年野了解吓出面個社會係點先上街抗爭啦, 毫無社會經驗最後只會淪為政客o既工具~

阿定

睇野唔夠長遠，唔夠闊，係好多人的通病，由其未出過來社會做野或剛出來社會做野的年青人，高鐵的目標係接駁國內鐵路，鐵路唔係只有比人坐，仲有物流，香港有好多野都係由內地供港，豬牛羊雞、電器、甚至廁紙等，國內的管理開始做得好，價錢又平，當全中國鐵路線起好晒，但唯獨過唔到來香港，黑龍江都可以同香港搶廁紙用，人地高鐵去黑龍江都方便過你香港用大陸車，到時競爭力去左邊？ 調轉頭，大陸出口外國，國內機場平靚正，香港機場本身已經難鬥，第時高鐵直去國內機場，香港又等大陸車車去機場嗎？無論時間、成本，香港亦再無競爭力，你今日反反反，第時睇住香港死你有何感受

香港人好多時只睇眼前利益，領匯上市，炒新股最緊要，邊個反領匯上市就係罪人，今時今日，領匯話晒事，要加租就加租，政府無權管，當日賺新股的錢，對比番原本食個碟頭飯25蚊，變成大X樂38蚊，賺番來的錢，轉眼已經蝕番晒出去，香港人唔睇大圍利益，只睇自己眼前利益，呢d就係香港教育的失敗啦！

juniorx

講真,香港政府太多庸材又好、精英又好,都係俾上面食硬~
ssss41357 發表於 9-1-2010 12:31 AM

Totally Agree!

fansullivan

嘈嘈嘈! 好心班磨碌唔好阻住社會發展

jt24

雖然我未必會搭高鐵，但為咗要同內地連接，保持香港嘅競爭力，係有需要嘅！所以我都贊成起。依家呢單嘢變成政治化，成為一D政黨嘅做show藉口，為反對而反對，真係想搞到香港社會分化為止，確實無謂！唉............

小龍

舉腳贊成...國際都會豈可冇高鐵...但選址可再 discuss

noche

太貴~ 正苦又俾人搵笨~

oo_beebee

好多人誤解反對者的訴求,,,由始至終反對者並不是基於政冶立場為反對而反對.
大多數的香港人並不會抗拒興建一條有利"經商"的高速鐵路,但問題並不是在於興建鐵路本身,而是其昴貴的財務方案,六佰八十億實在太貴了,相等於全香港三年的總開支,羊毛出在羊上,你我也要承擔...今次政府的預算確有違多年的審慎原則!

alzard

起﹐我估大部分人都同意﹐只係太貴嚇親大家。

kkchau

起高鐵就經濟繁榮，唔起就無運行，唔合乎纙輯，而且家下條高鐵有無一地兩檢要到深圳或廣州落車過關(因基本法限制)，加上現有方案大部份隧道關關係政府官員說最快速只能達200km/h，平均理論得百幾km，到廣州只比直通車快大約３個字倒，但要英7百億納稅人錢，唔明大家點解會咁信政府Ｄ宣傳咩咩經濟繁榮邊緣化，唔通唔記得左迪迪尼一起好，香港將會吸引亞洲東南亞中國海量遊客香港成旅遊之都經濟發展無限；數碼港一起好會吸引全球高科技公司進駐，香港成為高科技發展it亞洲矽谷，香港家書我飲香港水流香港血要玩鋪勁既等等等！點解有人不斷比人呃完賴野，重可以盲目信人呢？