SP1000CU氧化問題

jaffeinism

耳仔同記憶@ 其實試機個一刻聲音好吾好聽影響好重要... 1Z都聽過好幾次... 但係都係感受吾到

17年都玩過國磚, 又係個種廠方吹噓點樣點樣用咩物料, 點樣調音.... 吾知算吾算透明, 入手買過3部, 最後有2部賣鬼左....

講真, 如果部機的聲係吾得, 自己用家吾會Keep得耐.... 1A我都賣鬼左....

t1174

Ss 同 cu 音色唔同，換成 ss 好像比較不實在 wor

我自己用 ss 也是因為自己冇咁鍾意 cu 音色。

antony1104

nanaholic 發表於 2018-1-20 17:26
因爲耳仔同記憶係唔可靠。所以可以去除d不確定要素就盡量去除。
同埋如果佢表明咗話部機嘅機殼係會影響音 ...

洗乜諗咁多呀，好似你咁聽歌幾辛苦，又要做晒報告research咁，聽歌原本係一件輕鬆既事，搞到又乜理論又乜原理真係好無謂，自己走去試機最實際啦，好聽咪buy唔啱聽咪放低，連自己耳仔都唔可靠我真係唔知可以信乜野啦，自己意見，唔啱聽既可以隨時X9我

nanaholic

antony1104 發表於 2018-1-21 08:41
洗乜諗咁多呀，好似你咁聽歌幾辛苦，又要做晒報告research咁，聽歌原本係一件輕鬆既事，搞到又乜理論又乜 ...

你咁講唔通果d換線煲機就諗得少？如果真係剩係聽得開心咁點解d人又要追最新嘅DAC或者乜乜型號嘅膽？
點解又要換插頭甚至試藥水同貼貼紙？或者連電乾唔乾淨都要玩？唔通呢d就唔辛苦唔係做research?
如果玩head-fi係連少少research都唔做咁其實你係唔係真係玩緊定係比d廠玩你？
都係果句，好多人都話換線煲機係會變聲嘅，而AK佢自己亦都打開門話因爲唔同機殼嘅SP1000係唔同聲，
咁作位一個消費者當然要知道氧化呢個咁實在咁明顯嘅變化會唔會將來影響到部機嘅聲啦。

依家事實就係AK係銅身機呢方面有幾個地方係做得唔夠好。一來就係防氧化，二來就係對本來話會決定
音質嘅機殼嘅氧化(即係劣化)對音質有乜影響就隻字不提，我唔覺得指出佢做得唔好係一件辛苦事。反而
係希望佢會有改善可以做一個更加好嘅後續機。

shitwong

nanaholic 發表於 2018-1-23 15:40
你咁講唔通果d換線煲機就諗得少？如果真係剩係聽得開心咁點解d人又要追最新嘅DAC或者乜乜型號嘅膽？
點解 ...

如果咁擔心銅機身氧化會影響音色，唔係你玩機，亦唔係廠玩你，係你自己玩自己。
突然想起以前有D發燒友話氣温會影響音色喎，真係信者得救。

t1174

溫度有影響唔奇，但點都唔及濕度易影響，至少太濕會聽得出會厚淋一點。但氧化銅問題，主要是不可能停止的，其實聽已經氧化了的銅版不就至穩妥囉，而且外壳地多層唔多過電的銅綠保護不是靜一點嗎？

jaffeinism

鼻涕同耳垢影響聽歌就真, 的聲好濛....  感冒中

jaffeinism

一來就係防氧化@我覺得氧化對聲音既影響, AK廠方內部應該有做過評估.... 而由一開始第一台380CU到現在SP1000CU, 亦都未試過有用家會因為部機氧化而令到部機聲音會劣化, 從而對廠方要求換機....

其實有玩開大機, 的喇叭線都係就甘放係地下, 亦都係一路用一路氧化.... 除非間房做到24X7濕度控制....


我覺得擔心銅殼氧化會影響, 不如諗下聽多一個鐘入耳, 會對耳內神經聽覺單元損耗會有幾多, 從而減少對聲音既靈敏度....

jaffeinism

另外有一個想法, 點解AK吾學似SONY甘係個銅殼度鍍一層野? 你覺得呢的諗法AK廠方既人會諗吾到? 佢地吾做一定會有佢地既原因 ...

kawee

AK就係考慮到因為AK嘅機大家唔會長Keep 所以無謂做太多加工

講下笑啫！