SP1000 銅版定SS?

nanaholic

perrybee 發表於 2017-9-14 19:21
佢地快慢分別明顯好大。但我個人真係聽唔慣慢咗或者唔係CD原來速度嘅歌。

純粹個人習慣同接受度問題，並 ...

我啱啱開始玩head-fi時都係盲冲冲學人話要鍾意聽快同偏冷嘅聲同唔鍾意聽低音先叫識聽hi-fi，但近幾年開始覺得聽呢種聲唔耐聽同耳仔好快會攰，變下變下依家鍾意偏向少少暖同音樂感重d嘅調音。口味真係會變。

追求原音？學識咗自己推斷d人講嘅嘢未必正確個結解咗就冇再在意了。剛剛就係開始轉口味果個時間解咗。

perrybee

nanaholic 發表於 2017-9-14 20:10
我啱啱開始玩head-fi時都係盲冲冲學人話要鍾意聽快同偏冷嘅聲同唔鍾意聽低音先叫識聽hi-fi，但近幾年開始 ...

原音真係係一個心魔。

小弟細時，屋企有黑膠機黑膠碟，聽老牌歌。因搬屋，全部扔了，但仲有黑膠聲嘅記憶。由小學買錄音帶，到中學買CD...Player/ Walkman/ Discman/ MD-man，插小型電腦 speaker, 瞓喺床，speaker 放枕頭兩邊聽歌，有stereo 效果己經好開心。嗰陣單純想聽好d，會自創一d 方法令d 音樂播得入耳d，好聲d。雖然好無聊，但會經自己思考去諗辦法，解決到，會好開心。

到大咗開始玩音樂，先發現原來我哩d 一般玩家用家係無辦法將cd以一般或更高級嘅播放器(cd player/ PC)還原音色，因為我哩d 一般玩家係唔會知個原音係點，只有唱片公司或錄音室先會有答案。最關鍵係部部機都唔同聲，咁無啦。最後，我放棄追求原音，同時，過程中亦學識咗搵啱自己嘅口味。所以，我好多年前已經有屬於自己啱自己嘅口味(答案)。哩個心態喺日後對我嚟講會容易咗簡單咗，有cd有player有output device 已經夠，只欠fix and match嘅效果。心魔從此遠離我。雖然唔再追求原音，但唔會唔追口味嘅。

如果唔計 iPod+MP3 嘅話(懶有口味嘅小弟自認以前唔識嘢，正係想有得聽歌，為咗慳位會將CD轉MP3入 iPod)，其實小弟唔係無要求，只係小弟三四年前先知有dap哩樣嘢，亦係嗰時先知原來有"無損"哩件事(cd 轉flac/ wav)。第一部dap 係二手 120，因跌壞咗個mon，轉240，當時金銀銅黑鋼試晒，我聽咗十幾秒鋼已經知我要嘅係佢，240ss。從無後悔。今次都係因為240跌壞咗個memory card 位(黑仔)先諗轉機。我有認真地open minded 地聽 Sony, Cowon，但AK 嘅分析同調音最啱我，比到我自己要嘅嘢。我有聽過380(+-amp)，但我唔鍾意。有聽kern，更加唔鍾意。聽咗SPKss，一隻歌時間，"就係你嗱，買!"，事後再聽埋cu，更加無後悔買咗ss。

以上太多個人廢話，重點係，聽歌嘅人係自己，只有自己知自己要乜。除非自己仲未搵到屬於自己嘅"答案"啦！

最後，聽歌只係一樣好簡單好快樂嘅事，唔好諗得太複離。心態好緊要，永遠勿忘初衷。

jaffeinism

買cu好簡單, 人聲正, 好聽過金磚

星喚魂

perrybee 發表於 2017-9-14 19:21
佢地快慢分別明顯好大。但我個人真係聽唔慣慢咗或者唔係CD原來速度嘅歌。

純粹個人習慣同接受度問題，並 ...

有時可能頭幾首歌, 有時就全程都會有~~ 但係出現ge情況唔多ge~~

星喚魂

琴日用SP1000SS聽 GEM "你把我灌醉" (雖然好多人都唔LIKE佢),
果個高音爆發音真係好肯正!! 不停返聽果個高音位~~ 真係入曬骨

perrybee

星喚魂 發表於 2017-9-15 09:23
有時可能頭幾首歌, 有時就全程都會有~~ 但係出現ge情況唔多ge~~

我自己知自己朝早返工, 頭一兩首歌音量開60以下都夠, 之後就會升返上65-68...咁哩個好明顯係我本身問題啦.

至於部機本身有變化, 可能有, 但我真心聽唔出同埋無留意...始終有關聯到部機, 耳機, 線, 耳膠, 耳道油份, 自身狀態等因素~!

jaffeinism

又吾覺得CU慢...,

heheyuth8700

jaffeinism 發表於 2017-9-15 18:10
又吾覺得CU慢...,

me2.......

JimizTang@FB

ss好快累 隻耳仔 試左成日 最後買走銅cu cu慢慢聽隻歌 當然ss 都係好正 不過以聽一小時來說 ss真的很累
而且單獨 聽某d野 ss會比較爽 如用7線電結他的歌金屬野
坦白講各有各好
cu 人聲 係好好多 甜美厚純
ss 樂器會突出好多 彈好多行好多 不過真係很快累 好似係你耳邊 狂彈金屬riff 開頭好爽 之後頭暈
不過我都想兩部同時有 錢係重點 有沒有朋友想交換玩一排 cu換ss

JimizTang@FB

jaffeinism 發表於 2017-9-15 18:10
又吾覺得CU慢...,

慢左係個中音中頻 長左 沒慢到
cu係 中音中頻 拉長左 低頻軟彈左 高音平均左 咪感到慢了 特別係ab 比較後

如果玩 樂器的人都會明 兩者分別 fender vs gibson 既道理 看你喜歡什麼 但相信 大多數都是喜歡銅

兩部機都正 不過cu 真心正dd

我都想玩下ss 不過買一部cu算了