SP1000 銅版定SS?

heheyuth8700

jaffeinism 發表於 2017-9-13 12:53
銅版聲吾算慢卦? 不過部銅版只會用尼聽人聲, 聽其他野會用番部HUGO 2

個人感覺銅版唔係慢....只不過SS喺音樂感方面快少少....呢方面真係要睇個人喜好....兩兄弟實力相約....價錢一樣.....AK今次除咗要我哋乖乖俾錢之外.....仲要用心諗下究竟自己聽音樂嘅取向......

heheyuth8700

nanaholic 發表於 2017-9-13 13:54
其實可以將低頻維持自然／還原而相反突出提高高頻而做出冷聲（因為相對地低音會變少咗，就會變冷聲），但 ...

小弟個人感覺AK喺音染方面無Sony咁"嚴重"....不過都係嗰句....聽音樂嘅嘢真係好個人.....AK380....SPK同金磚都係好機.....但每部都有佢嘅獨特個性....每部其實都值得擁有.....

nanaholic

heheyuth8700 發表於 2017-9-13 16:03
小弟個人感覺AK喺音染方面無Sony咁"嚴重"....不過都係嗰句....聽音樂嘅嘢真係好個人.....AK380....SPK同 ...

其實我唔係特別講邊部機，而係講上面po果條link對暖=音染／冷=還原嘅呢個解釋係完全錯誤。。。

再講清楚d，暖呢個概念係當低音比高音『相對地』突出時嘅形容，相反冷就係當高音比低音『相對地』突出時嘅形容.  所以其實暖同冷都係音染嚟. 並唔存在冷聲=比較還原呢個說法.

再延伸下去, 點樣調暖聲係有兩種做法 - 因為重點係『相對地』, 即係你可以hold住高音而將低音提高/放大, 但亦可以hold住低音將高音減少/縮細, 都係會做到暖聲呢個結果. 但前者係還原高音但音染低頻, 後者係還原低音音染高頻. 而冷聲嘅調法亦然, 只要你做到高音比低音『相對地』突出就係冷聲. 所以冷=還原呢個說法係完全唔成立. 呢個先係重點.

最後"還原"只有一個客觀嘅解釋,就係入乜出乜, 個聲暖咗或冷咗客觀上都係音染嚟. 當然你自己鍾意邊隻就冇人可以管你, 但總之暖聲=音染/冷聲=還原就唔係一個正確嘅理解.

perrybee

heheyuth8700 發表於 2017-9-13 16:03
小弟個人感覺AK喺音染方面無Sony咁"嚴重"....不過都係嗰句....聽音樂嘅嘢真係好個人.....AK380....SPK同 ...

音色出嚟嘅效果前後左右上下部部機唔同，每部機都有佢地個人特色，哩個係必然必需啦，我非常同意。

但速度方面，例如我聽咗十幾廿年嘅"離開以後"，"傾心"，等自小用CD機聽嘅舊歌，例如我彈咗十幾廿年結他嘅"Smoke On The Water", "Hotel California"，等自小玩到瞓覺都仲識彈嘅音樂。用 CU聽，我覺得佢乜都慢晒，應該唔係我錯覺掛，咁變咗唔係我熟悉嘅"離開以後"或者"SokemOn The Water" 囉。所以，我只會話，CU 係一部好機，但唔係我杯茶。

以上觀點來自自己從小對聽錄音帶，聽CD嘅慣性感覺及記憶，在CU嘅速度上作嘅個人標準或準則。

perrybee

nanaholic 發表於 2017-9-13 16:34
其實我唔係特別講邊部機，而係講上面po果條link對暖=音染／冷=還原嘅呢個解釋係完全錯誤。。。

再講清楚 ...

我都覺得係。

我個人覺得啦，無機係可以還原d 歌嘅。一隻歌係得錄音室，唱片公司有原帶。唔講到咁遠，正係講CD 機播CD，唔同機唔同speaker 都出唔同聲，用Sony 機，Panasonic 機，部部唔同。所以，討論還原其實無乜意義，因為我地都唔知原本係點。所以只會係自己啱唔啱口味。

星喚魂

perrybee 發表於 2017-9-14 10:25
音色出嚟嘅效果前後左右上下部部機唔同，每部機都有佢地個人特色，哩個係必然必需啦，我非常同意。

但速 ...

小第中毒年資尚少. 睇完師兄ge評語, 終於証明左我自己都無聽錯.
我以前就係用2個機去聽歌, 聽到”點解首歌好似慢左甘GE?!” 不過心諗 “應該係錯覺姐, 無理由ge”

另一個問題想問下師兄, PLAYER會唔會有狀態之分尼? 因為我380同 SP1000 有時會聽到 “今日d音 做咩硬係差少少 差少少甘ge ?!” 可能1個星期就會有1日差少少

heheyuth8700

睇完幾位師兄嘅討論小弟又學到嘢喇.....除咗多謝nanaholic兄嘅詳細解說之外......另外如perrybee兄所言.... "每部機都有佢地個人特色......唔同嘅播放器出來嘅聲音都有唔同.....".....小弟非常同意.....就算係SPK兩兄弟都有其個人特色........最重要係自己啱唔啱口味

heheyuth8700

星喚魂 發表於 2017-9-14 16:07
小第中毒年資尚少. 睇完師兄ge評語, 終於証明左我自己都無聽錯.
我以前就係用2個機去聽歌, 聽 ...

魂兄...會唔會關煲機事呀?.....小弟發現SPK真係好似老火湯咁越煲越入味.......人聲越來越甜美.......

perrybee

星喚魂 發表於 2017-9-14 16:07
小第中毒年資尚少. 睇完師兄ge評語, 終於証明左我自己都無聽錯.
我以前就係用2個機去聽歌, 聽 ...

佢地快慢分別明顯好大。但我個人真係聽唔慣慢咗或者唔係CD原來速度嘅歌。

純粹個人習慣同接受度問題，並無否定或吹捧任何機款。

再次，兩部都係好機。

另外，當覺得硬硬地或者音色唔同咗時，會維持幾耐呢？一隻歌時間？幾隻歌？半日？返工放工都會？

perrybee

heheyuth8700 發表於 2017-9-14 16:34
睇完幾位師兄嘅討論小弟又學到嘢喇.....除咗多謝nanaholic兄嘅詳細解說之外......另外如perrybee兄所言.... ...

無錯嗱，只要自己啱口味，玩具只會有買貴無買錯。所以千其唔好太過比較邊個好d，因為真係部部機唔會一樣，科技嘢又真係無得追的，只有啱唔啱口味。

我有時會同時駁兩部結他amp 左右Stereo 咁聽，仲好鬼有力添，無他，自己開心就得。