喜見 DC 回勇 !!! 《神奇女俠 Wonder Woman》觀後短評

Ahfour

希特拉在一戰時做過炮兵
差利卓別霊套大獨裁者，在開頭時就是以此為材料諷剌他⋯⋯
我睇全景聲版，音効不錯，似乎係版本問題！
最後打大佬一段，雖然屈機的(兼假假地)
但既然是神同神之間的決鬥，無可能打爛仔交呱！
所以大致處理方式ok，只是真是可以不好咁假囉。

KwongD7689

中段戰壕果段atmos聲效做得唔錯呀, 完全feel到d字彈打埋黎咁

onon4359

imbdcollector 發表於 2017-5-31 18:08
十分認同 CHING 的睇法...  我個人覺得商業片的故事真系大同小異, 可變化既元素唔多,  而美指就好反應到 ...

西片動作場面我反而唔太著重,你揾丹爺度求其一套都好過佢,用盾彈跳佢仲用左兩野,彈完射3箭算係叫好D,用繩飛來飛去直頭係進擊的巨人一樣,連長城都有....佢話唔係抄我都唔信!但整体來說我係滿意既!因為有身世交代、有情義、有動漫feel、冇咩泛駁!反而我以為閃電俠會出來幫拖,可惜沒有,亦冇隱藏人....

guppyguppyguppy

睇左, 唔錯, 大前半認同樓主的分享, 尾段...其實咪又係睇番超人batman+WM...不過女角Gal Gadot真係靚到無野好講, 太萌了

edlsang

睇女角都好滿意！
一般超级英雄橋段……
我就期待正義联盟之作……

ykluk

未睇前⋯⋯諗住睇女。
睇完⋯⋯都係得條女。完。

P.S. 話晒都係希臘戰爭之神，宙斯之子。我接受唔到嗰條Ares囉⋯⋯

cylawsam

啱啱睇完MX4D版，效果超正!

gashapon

今天終於睇了, 我覺得成套電影最好的地方係個"投入感", 覺得似在WW旁邊一路睇住佢成長. 電影某d笑位都借用了漫畫出現過的情節. 壞人方面對ARES時我想起了Harry potter 可能因為ARES(演員)本身有出現在HP電影內, 佢出招又係似佛地魔咁放電 XD

不過少少估錯的地方係由於BVS時, WW佢同bruce講佢放棄了人類一百年, 因此未睇前我係估WW幫steve trevor打敗了敵人, 但原來steve只關心己方是否打勝仗, 而不是想結束戰爭, WW感覺被利用而離開. 不過電影中的結局我都好喜歡. 不過如果我係WW, 我一定會回老家問"王母娘娘":" 你到底仲有幾多野係呃我嫁" 咁~

Stanley5387

星期六院喺ISquare 睇完 IMAX 版，或者未睇前我睇呢個post有太多人激讚所以有太大期望，不過睇完成套戲後就有少少失望但整體嚟講我都覺得還可以。

好睇好笑嘅point我唔再講因為之前好多C Hing 已經up 咗，反而同Luk C Hing 一樣，我完全接受唔到導演會搵一個Uncle去演戰神阿里斯！ 戰神喎，做咩求其搵個甩皮甩骨嘅大叔擔綱呀，一啲威勢都冇?!

ykluk

Stanley5387 發表於 2017-6-5 08:28
星期六院喺ISquare 睇完 IMAX 版，或者未睇前我睇呢個post有太多人激讚所以有太大期望，所以睇完成套戲後就 ...

講真選角既嘢小弟真係識條鐵, 不過套戲裡面好似有提過Ares可以上唔同人既身上, 咁就算係阿伯都好, 到正式打時都可以變人, 或者咪CG做件黑色迷煙神魔乜都得啦~

阿伯仲要大叫放電好似好堅咁, 我驚佢心臟病發或者中風多啲喎, 喺樹底下休息吓先啦阿伯~

本身唔想太多劇透, 不過連結局都講咗出嚟, 咁就講埋... 小弟覺得個故事有啲薄弱同悶場, 當然個故事係唔需要用logic去諗, 亦都可以唔使交待咁多, 咁究竟WW係宙斯喺一戰(or二戰?)前十幾年搞阿女王生出嚟? 定係公元前已經生咗, 不過佢係半人半神所以生長慢啲? 佢咁多年未見過世界, 去到英國會有趣料係正常, 但又太多囉, 其實中段有粒幾鐘無嘢打, 呢套又係擺明係打打爆爆戲, 會悶架嘛....{:9_436:}

anyway, 小弟係好有期望入去既, 如果預咗好似BVS咁有件又肥又小器既batman出現咁, 我諗我唔會有咁大反應~