喜見 DC 回勇 !!! 《神奇女俠 Wonder Woman》觀後短評

mike384

onon4359 發表於 2017-5-30 22:25
係一戰！希特拉都唔知出世未

當然出左世, 佢有份打的, 當時係伍長.

mike384

HugoTheReporter 發表於 2017-5-30 22:33
無錯, 應該系 WWI 一戰, 希特拉已出世, 而且都二十幾歲. 不過, 戲裡面德軍 D 裝備真系太過先進, 令大家好 ...

其實比起第一集美國隊長, 入面的裝備叫做考究過, 唔知有冇人會記得美國隊長一幫人準備途中跳入火車時, 用的通訊裝備, 係英國的BOWMAN PTT HEADSET, 從90年代起先開始服役, 比九頭蛇重要黑科技XD
WW中, 如英國的MK IV戰車, 德國的裝甲車, 最後登場的齊柏林轟炸機等, 都係一戰偏後期的武器, 二戰的我冇印象, C兄請指教.

onon4359

臨尾女俠俾人打到耳鳴，聽唔到男主角臨終遣言，然後再自己誝番佢講咩，我覺得好特別，都有D感動

imbdcollector

onon4359 發表於 2017-5-31 11:28
臨尾女俠俾人打到耳鳴，聽唔到男主角臨終遣言，然後再自己誝番佢講咩，我覺得好特別，都有D感動 ...

交低遣言後去就義的場景幾乎每套英雄片都有, 但今次用遣言回閃去交代返男主角對 WW 表白, 又真系莫名其妙的感動, 完全無老土同肉麻感... 又帶出 "心中有愛" 既主題,個幕戲既鋪排真系相當用心... 算是散場前一點妙筆. (PS: WW 的打鬥真系非常一般,但全片 D 細眉細眼感情位的確到位, 情緒觸動位頗多)

imbdcollector

mike384 發表於 2017-5-31 11:10
其實比起第一集美國隊長, 入面的裝備叫做考究過, 唔知有冇人會記得美國隊長一幫人準備途中跳入火車時, 用 ...

CHING 果然心水清, 邊專注劇情 + 聲畫效果, 仲可分神留意埋周邊道具 / 環境佈置是否與時代背景相符，真系堅勁

onon4359

imbdcollector 發表於 2017-5-31 12:41
交低遣言後去就義的場景幾乎每套英雄片都有, 但今次用遣言回閃去交代返男主角對 WW 表白, 又真系莫名其妙 ...

係呀!如果平鋪直述就冇呢個效果了,仲有之前裸体時介紹過果隻「無用既錶」,變成女角珍重既遺物

imbdcollector

onon4359 發表於 2017-5-31 12:56
係呀!如果平鋪直述就冇呢個效果了,仲有之前裸体時介紹過果隻「無用既錶」,變成女角珍重既遺物  ...

浴場一幕對手戲除左是全片最大笑點之餘, 亦簡潔地交代了 "天堂島" 亞馬遜新米西亞 (女兒國) 原住民 及 WW 對性 (或男性) 的睇法, 亦鋪排好中段男女主角互生情愫的契機. 而 Gal Gadot 亦演活了 WW 的 高貴 / 純情 / 機智 / 英勇特質，將虛無的角色特質變得有血有肉。至於演技時好時壞的 Chris Pine 在 WW 中亦搵返其演繹暖男的 "手感", 與 Gal Gadot 鬥戲時也製造出不少張力 / 喜劇感覺, 單論兩人的對手戲已值得一讚。

onon4359

imbdcollector 發表於 2017-5-31 13:17
浴場一幕對手戲除左是全片最大笑點之餘, 亦簡潔地交代了 "天堂島" 亞馬遜新米西亞 (女兒國) 原住民 及 WW ...

係呀仲有船上尷尬一齊瞓果幕！純情到有D攪笑

mike384

imbdcollector 發表於 2017-5-31 12:47
CHING 果然心水清, 邊專注劇情 + 聲畫效果, 仲可分神留意埋周邊道具 / 環境佈置是否與時代背景相符，真系 ...

其實聲畫效果我唔係太留意...亦唔太重視, 電影嘛, 我最睇重故事, 美術, 演釋(包括導, 演)

WW又好, 美國隊長又好, 呢D故事其實都唔複雜, 唔需要太留神, 所以會留意多D係特技, 動作同美術.

服裝同道具呢D我會列入美術啦, 一套好的電影, 尤其係有歷史背景的, 呢D好緊要.

而動作, 頭先冇提的, 阿馬遜女大戰德軍個一場的動作其實比之後的更好睇....

imbdcollector

mike384 發表於 2017-5-31 14:21
其實聲畫效果我唔係太留意...亦唔太重視, 電影嘛, 我最睇重故事, 美術, 演釋(包括導, 演)

WW又好, 美國 ...

十分認同 CHING 的睇法...  我個人覺得商業片的故事真系大同小異, 可變化既元素唔多,  而美指就好反應到一套電影製作班底既認真程度。 之前我入場睇了 "異形 :聖約" 兩次, 第一次是嚐鮮,想知道故事點樣續寫落去 (主要是睇班編劇點樣兜返之前個爛攤子), 而第二次入場 (專登睇 IMAX) 就系為了去細睇佢地既故事鋪排、美指 (燈光、構圖及服飾設計等)... 所以買碟重溫電影時都已慣性第一時間睇晒 D 所有幕後花絮, 先再次重溫正片... (PS : 阿馬遜女 VS 德軍一幕真系設計得幾奇特, 熱血程度絕對比片末決戰 "宿敵" 一幕好上好多倍...)