幾多個六吋或八吋單元低音效果,等如一個12吋單元?

MDLP

koalaau 發表於 2017-5-2 10:55
我都唔係技術人，只係將已知的和大家分享下，其實上網都睇到，大家亦可自行求證。

「如果係的話香港好多 ...

1瓦1米咁計

呢個係度敏感度


參考吓錄音室錄鼓間房長闊都無十幾米
支咪都係一米距離左右
[youtube]egTcHw7SaLE[/youtube]

MDLP

benwongkk 發表於 2017-5-2 15:13
簡單D講,用拾仔睇戲果D,自己係唔會點感受到隻拾仔既威力,只有樓上,樓下,隔離左右果D,就不停感受到BOM BOM ...

皇帝位感受唔到係因為phase set唔啱
如果個phase同time alignment set得好
各喇到叭能量準確到達皇帝位
就唔會浪費能量去咗樓上樓下

koalaau

MDLP 發表於 2017-5-2 20:56
呢個係度敏感度

「參考吓錄音室錄鼓間房長闊都無十幾米
支咪都係一米距離左右」

咪高風不是人耳，拾音範圍都高過人耳敏感範圍，返錄音室好多時仲要做動態壓縮，最高最低的弱音人耳先聽到。

koalaau

其實有關低頻傳送的話題，不久前剛在隔離台剛討論過。
終於找到有關耳筒的解釋，和大家分享一下。

「聽 Headphone 時，耳筒震膜同人既耳膜係成直接偶合狀態 (Direct Coupling)。耳筒震膜既震動跟耳膜直接交連，在直接偶合狀態下跟本唔需要空間去產生低頻，同係屋企聽喇叭係兩回事。」

koalaau

有關量度低頻：

「1M距離一般只是量度300Hz以上嘅頻率, 300Hz以下係用nearfield measurement, 支咪係差不多貼住嗰低音震膜量度。」

koalaau

其實小弟以前都會對於耳筒及咪高風，聽和錄低頻的問題感到迷惑，但經曾任錄音室工作的師兄解說後便知道箇中原理，與主觀用人耳聽感去想當然完全不同。

不過小弟不是技術人，轉述都會有錯漏，還好總算找到幾段精簡原文轉貼。

其實我都不清楚以上原理，但只要明白關於低頻，儀器量度/拾取/耳筒傳送，不同人耳要靠空氣震動及距離來接收，便不會感到混淆了。

MDLP

koalaau 發表於 2017-5-3 02:31
其實小弟以前都會對於耳筒及咪高風，聽和錄低頻的問題感到迷惑，但經曾任錄音室工作的師兄解說後便知道箇中 ...

其實大家都唔係專家
不過可以從羅輯角度地善意探討吓

咪高風不是人耳，拾音範圍都高過人耳敏感範圍

如果咪高峰拾音敏感範圍比人耳高
係咪應該要把咪再拉遠呢？
另外喇叭如果在細地方出唔到低音
唔..真鼓在細錄音室又有無低音呢？

耳筒震膜同人既耳膜係成直接偶合狀態 (Direct Coupling)

耳塞型可以話係偶合
但開放式耳筒就不是偶合

你行近個低音單元聽下，再離遠個低音單元聽下，睇下是否離遠一點低音更出（唔係大聲）？因為低音傳播要較長距離

1M距離一般只是量度300Hz以上嘅頻率, 300Hz以下係用nearfield measurement, 支咪係差不多貼住嗰低音震膜量度

呢兩個說法又是否有衝突呢？

大家又可換另一個角度諗吓
1. 汽車音響在一個細空間車箱又如何發揮100Hz以下低音?
2. 同一對12"低音播一段30-120Hz鼓聲
在一個10尺x12尺x9尺坐8尺距離地方易發揮
定係在一個全開放室外環境要坐10米遠先發揮到呢?

koalaau

沒錯大家都不是專家，只係一齊探討下^_^

以下都是節錄其他師兄的解釋，且看是否合理？

「點解細地方在短距離聆聽下低音係行唔晒全波，其實當聲波碰上牆壁之後就會以反相形式行返轉頭，而呢種反作用力會將前方波型互相抵消，通常距離越短反作用力就越大，物理上會有反射，由於時間差，通常對速度較慢的低頻影響較大，而1~3米後牆距離最主要抵消低頻部份使Room Acoustic造成Dip的情況。所以在細房近距離聆聽係會出現低音行唔晒全波嘅情況（正相波形被反相波形被抵銷），因此細房通常係好很難出倒靚低音嘅原因!」

koalaau

「唔..真鼓在細錄音室又有無低音呢？」

我以前常去友人的錄音室玩，也有打鼓，這個我諗自己可以嘗試答下。

首先錄音室係有隔音吸音設備，而在細房內打鼓，係嘈到要戴耳筒，至於低音人耳聽到幾多（唔係講音量），情形應該如上解釋。

而鼓的錄音就通常會重視放咪的高度，不過我唔係錄音師，對於擺咪方面就唔敢多講了。

但我們要知道，咪高風收錄頻寬比人耳廣，接收模式亦不能主觀當人耳同樣設定，大家想想鋼琴是頻寬最廣的樂器，錄音時擺一至三四支咪，都可錄下所有訊息，而咪的擺位係貼近琴絃位置。

換轉人耳貼著鋼琴聆聽，相信只會聽到高低音都是十分清楚（甚至吃不消）的大音量，但要聆聽鋼琴全頻音色，還是要隔開一段距離才最適合。

再次舉例是想說明，咪高風不是人耳，它不是和人一樣用「聽」的。

MDLP

koalaau 發表於 2017-5-3 21:51
沒錯大家都不是專家，只係一齊探討下^_^

以下都是節錄其他師兄的解釋，且看是否合理？

我都想知呢篇文章出處
先講原理上嘅錯誤
"通常對速度較慢的低頻影響較大"
雖然唔係專家但都肯定
這句在中學物理科作答
後面唔洗睇落去已經夠攞零分
邏輯上錯誤都已經唔洗再討論