內容相片更新 - 老麥 McIntosh 前級 C50 後級 MC252 Focal Micro Utopia

pierokwong · 發表於 2016-11-18 18:14

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 pierokwong 於 2016-11-20 13:32 編輯

鍾意嘅話，就慷慨加分啦。多謝大家。

之前經歷咗一輪嘅升級。終於完成咗一個兒時夢想。就係McIntosh麥景圖老麥嘅前後級，加Utopia啦

前級：McIntosh C50
後級：McIntosh MC252
喇叭：Focal JM Lab Micro Utopia

真係好靚聲。任何朋友聽到開聲，第一句都係話，難以想像只係由一對書架喇叭出聲。

話時話，呢個擺位絕對唔係最理想，但係無辦法啦，喺Office可以有咁樣嘅組合，又可以聽歌，算唔錯。

難得今日時間許可，就更新一吓之前嘅HiFi更新心路歷程。

其實由初初細細個接觸音響，可能已經超過15年。一開始，當然係由電腦音響開始玩。由Logitech嗰啲THX 5.1，以為低音炸到樓上樓下都聽到就係過癮。但係好快就脫離咗呢個階段。

跟住喺澳洲生活，好快就玩真正嘅Home Theater。最後嘅滿意組合亦都跟我一齊回流香港。至於用乜嘢，遲啲先知再搵機會分享。

好快喺澳洲過咗17年，回流香港。返到嚟，喺公司時間長過喺屋企。當然就開始喺公司玩音響嘅念頭。

經歷咗好多次器材嘅轉變。由最初KEF X300A Wireless，轉Dynaudio BM5A mkiii，轉KEF LS50，轉Monitor Audio Silver 2，轉Dynaudio S1.4 le到而家嘅Focal JM Lab Micro Utopia。

喇叭每次升級，中間都學到一啲嘢。當然亦都有品牌令我好驚喜，另一啲就非常憤怒。基本上每次都非常滿意升級，除咗KEF兩次都非常失敗。亦都應承自己，以後一定唔會再係KEF。過程裡面，已經非常肯定自己對喇叭要求係乜嘢。

至於點解會用齊老麥前後級，咪就係因為對Utopia，佢對於系統要求真係幾高。而家呢套組合，可以話係啱啱好，前級比到我完美嘅控制力，好靚嘅音場定位，分析力好好。後級重來唔會腳軟。聽Jazz，尤其係現場錄音，真係好爽。啲酒杯聲，觀眾聲，歌手，樂器，根本我就係喺現場咁樣享受。

非常滿意。相信有排都唔會再換呢個組合。