完全新手

TokyoFans0617

大家好，自從有朋友開始成日都話要聽靚聲，又話啲歌會好聽啲，之後有次無啦啦佢夾硬俾左一隻佢聽緊既shure.... 唔記得咩=_= 既機我，之後我又覺得真係好似ok woo... 想開始接觸呢啲野，但係又完全唔識... 其實一路都只係用開iPhone 聽歌，都唔知由邊到開始好，朋友又話咩player ar,耳機呀，啲歌又要點點點=_= 完全外星語咁，好想請教大家，如果以初初開始嚟講，最最最最最基本應該係咩先同有咩可以指教一下卜

nikfung

當然先定自身"口袋深度"....

Doefting104

Welcome to the Hell！

唔使擔心，呢度好多國際大毒梟

首先，最基本要有高質音源，例：flac，wav先

TokyoFans0617

咁最初階其實預幾錢開頭先.....咁我估唔會一兩個月就巳經要大出血掛

TokyoFans0617

Doefting104 發表於 2016-9-28 00:23
Welcome to the Hell！

唔使擔心，呢度好多國際大毒梟

呢兩樣野係可以直接買到？定係好似我朋友話咁整嗰樣整呢樣? 係咪都可以直接用iTunes 係iPhone 聽？

WallerHomie

初燒第一步就係要改變聽歌習慣，有無損聽無損，學習分辨音色、音場、三頻，盡量試聽多唔同款既耳機同音樂種類，優化自己對音質既鑑賞能力及深化經驗世界，了解自己既喜好。

第二步，就係學下少少音響既基礎概念，例知：認下D檔案格式、簡單了解下Digital同Analogue既分別、動圈動鐵既物理性質、學下睇SPEC（靈敏度、輸入/輸出阻抗、訊噪比）。

第三步，準備定一張MicroSD Card，入好哂歌，帶定係身，準備去試機，買你第一套既入門機。

建議唔好大量投資係Portable，近幾年便攜市場漲價好幾倍；
與其係度兜圈，我寧願你單刀直入玩枱機大耳牛；
講真，同價錢買家用機，包你聽完感動十倍；出街聽歌無須過份認真。

量力而為，睇荷包做人，唔一定要有貴買貴，可以平有平玩。
但唔會有「一步到位」依樣野，耳機沒有最毒、只有更毒，想慳錢既話，第一套機唔好買太雞，變左升級都隔耐些少先升嘛。

利申：玩左4年隨身，發覺哂_氣，準備退出。

dibroth

5年耳牛窮燒分享一下

音響係一個系統,買耳機只係因,買到成枱都係嘢就係果.萬事起頭難,首先的確係買耳機先.

買d咩呢?
咁就先分享下自己有幾多畢直,想係邊度聽,聽開咩歌,之前比咩毒,有咩令你中毒.例如鼓聲又爆又彈?小提琴聽到上腦又唔刺耳?人聲又甜又潤?聽多左好多野,面場又大左?講完會更容易得到推薦list.

係邊度買?
灣電,旺角星際,旺角某d樓上舖等等(仲有好多唔講)當然有d品牌要海外訂購.到舖唔好急買,試晒d目標先,佢地唔會走架,只會等你慢慢試到岩再磅水.

最後小弟推薦用player/cas/cd機等毒物聽歌,某d手機(或可接駁手機的裝置)壇內亦有聽感分享,看樓主取向如何.而各種線材,電路零件等個人唔建議新手咁快試.....除非樓主想破產(大誤)

terencelaw

回头是岸

vicentk

音響依家野，唔好玩啦，用iPhone聽歌算吧

想入毒海，你來對了地方，依到最公平，沒打手。

正給之前的師兄講，你個 friend 比在件咩毒品你玩先，當時你聽緊咩歌？

第一步找一或幾只你最熟悉的歌（以後試機最好用返同一或幾首歌去試），用同一配件去聽 MP3 320K，WAV，AAC等等，先測試一下自己分別唔分別到，慢慢地去記得依幾首歌的旋律。

第二步可以先入手1000樓下耳機，當你用返果幾首去聽，你會分別到差別及你喜歡什麼要什麼。

第三步可以睇下你想去第幾層 hell 了，再決定點玩。

神舟~五號

當然先定自身"口袋深度"....  +1