hifi 平民區

一斤花生@G

kl122002 發表於 2021-4-8 13:20
銀插係易氧化的
上年幫手買 AQ 的銀插造喇叭線都係差唔多甘樣的， 散插一樣係無套。 ...

  咁就好了....我幾驚係二手,你知我新手,乜都唔識,   換左條喇叭線同RCA線, 真係聽唔習慣

第一下感覺真係慢左 冇之前淘寶喇叭線 咁快咁豪放高音偏尖聲, AQ偏向輕鬆型,冇以前咁緊湊.但細節方面放大左,  最大感覺係樂器聲,聽得好清楚,聲音好出~

低音結實左好多!!  


可能之前條喇叭線重口味左,所以一下子聽中性唔習慣      佢喇叭線有送二塊布比我  一黑一白賣家都叫我抹下佢,我都唔敢太用力!! 的確偏啞色 而且有D位置黑黑地

一斤花生@G

kl122002 發表於 2021-4-8 13:20
正式銀插係易氧化的
上年幫手買 AQ 的銀插造喇叭線都係差唔多甘樣的， 散插一樣係無套。
可以用 ...

聽左20首歌，聽感如下，一下子真係聽唔習慣，有d歌節奏慢左，但就鬆容好多，相比以前有太對比，原來以前快得黎好雜亂就帶過左，而家慢左 聽得清楚好多，但聽快歌就冇咁爽快，低音原來係改變最大……多左好多好實正，換左線之後，我都唔敢再輕易搞電線，電處方邊，因為真係一下子聽唔習慣

kl122002

一斤花生@G 發表於 2021-4-8 14:36
聽左20首歌，聽感如下，一下子真係聽唔習慣，有d歌節奏慢左，但就鬆容好多，相比以前有太對比，原來以前 ...

你的形容好似我當年有第一套正式的hifi,
我仲好記得當時聽返同一張黑膠時都一樣嘩嘩聲， “乜多左甘多野我之前無留意？” ， “乜d 聲原來係甘架？”

如是說， 你原本的淘寶線都應偏聲的幾嚴重
特別是係你講聽歌的速度慢左果個形容的果點， 不只快，似乎偏晒高音而無左低音的地方？


這線材在AQ是入門， 還算是近中性。
低音多D都已是這牌子的特色。 高階一些會有特色聲。

新線就慢慢用下先， 講的如果是慢慢burn in都要用2-3個月 .
一路用聲音一路會再有聽得出的少少變化。
想快少少 可以搵煲線/機的soundtrack試下。

但你話過一排真係唔合口味就唔好太勉強自己。 線材和機器的牌子仲有好多，  日後再考慮點升級都未遲。
也由此我諗你大概都可以明白為什麼我找CAS 都好慢熱的樣子，
我所在意的不只是音質， 而是機器各配合上的口味。

一斤花生@G

kl122002 發表於 2021-4-8 15:51
你的形容好似我當年有第一套正式的hifi,
我仲好記得當時聽返同一張黑膠時都一樣嘩嘩聲， “乜多左甘多野 ...

真係當初應該用番,買機送個條雲吞河喇叭線算......我見佢係裸線以為唔係咁好,

經過聽左2個小時,發覺對比番以前條淘寶線,一聽大棚野,或者複雜少少音樂,會好嘈好亂,但因為快,所以就帶過左唔多覺,

因為我就唔偏好低音,我偏向人聲為主,所以一直冇發覺,今次聽番原本首歌應該有的低音出番黎,  原身首歌低音多的歌曲目,感覺更強

因為我一向對電源線材,能夠有改變或提升音質,抱住半信半疑態度, 今日一試的確輕易聽得出提升及分別, 好不好就真係個人口味, 暫時先聽住

煲線就我想慢慢煲下先, 再慢慢聽出分別感覺, 我總算明白點解你仲困擾 在轉換器材方面, 首先音色味道真係好個人, 再貴唔係你鍾意,都係唔岩聽


就好似一道菜煮好左,  食落唔岩口味,  好難再倒落個鑊到,    重新煮過, 即使加味精 調味, 都好難改變,

所以我都係建議你,係原有系統基礎上加部串流連DAC   會比較容易撐握口味,

kl122002

一斤花生@G 發表於 2021-4-8 16:39
真係當初應該用番,買機送個條雲吞河喇叭線算......我見佢係裸線以為唔係咁好,

經過聽左2個小時,發覺對 ...

低音係需要的, 猶其人聲會豐厚左 , 問題是有沒有過多定過少 . 過多的低音會隆隆聲, 少的會令聲音聽落薄左 .

經過聽左2個小時,發覺對比番以前條淘寶線,一聽大棚野,或者複雜少少音樂,會好嘈好亂,但因為快,所以就帶過左唔多覺,

反而甘講,
我的睇法係對audiovector 喇叭 在AQ線的出現下幫手出盡左所有原本hidden 的details. 是好事.
問題係"好嘈好亂" 的地方...係好多聲迫成一舊舊分唔開果種"矇亂", 還是百家爭鳴果種 "各樣搶聲"?

我覺得"好嘈好亂" 係有點關於擺位, 避震方面的事. 喇叭擺闊少少, 兩隻之間4-5尺距起, 再扭入tone-in看看?
另外也可以試下取走釘腳, 直接放喇叭上腳架試試.

一斤花生@G

kl122002 發表於 2021-4-8 19:29
低音係需要的, 猶其人聲會豐厚左 , 問題是有沒有過多定過少 . 過多的低音會隆隆聲, 少的會令聲音聽落薄左 ...

好嘈好亂  係以前未換線前會出現 現在冇黎個問題 , 反而我放上網問, 有師兄話條AQ RCA線 係慢些少,

因為一下子換RCA 同喇叭線 我都唔知係邊條聲底影響慢左,  等我煲番,一兩個月線, 再換線舊RCA線試試先

LouisTam@FB

大家好，我最近搵緊一隻Amp推KEF LS50 meta.  Musical fidelity M3si / M5si.  一隻就85W, 另一隻就150W.  問題係，我有冇必要去到150W?

一斤花生@G

LouisTam@FB 發表於 2021-4-9 00:31
大家好，我最近搵緊一隻Amp推KEF LS50 meta.  Musical fidelity M3si / M5si.  一隻就85W, 另一隻就150W.   ...

LS50 過往大部分用家都建議唔好用太入門AMP推, 最好係大約喇叭價錢二倍的AMP去推, 因為黎對喇叭愈推愈有, 150W就未必須要, 主要如果真係堅實有力7,80W都已經推得好

LS50 都係比較有個性味道的喇叭  都有唔少人用日本soulnote a1(17K$左右)  或luxman 505uxii推 因為日系機比較通清 味道比較淡口 , 喇叭如果個性強更容易出到自身口味,

仲有部新鮮滾熱辣cambridge audio evo 150   (24K左右)      Evo 75 大約(20K)


我見你Musical fidelity M3si 同5SI都係  10K出頭,  如果真係要連DAC 相近價錢應該唔多選擇,   預算範圍內連DAC  CYRUS ONE HD   CXA81      Rotel  A14或1572型號

不如你講講預算幾多, 有咩要求? 用咩系統做訊源播歌




                                                                     

kl122002

一斤花生@G 發表於 2021-4-9 00:04
好嘈好亂  係以前未換線前會出現 現在冇黎個問題 , 反而我放上網問, 有師兄話條AQ RCA線 係慢些少,

因為 ...

原來如此,  
AQ 的RCA線慢不慢聲...? 我又唔太覺, 反而佢比起QED,  Cardas 已好好多了.  

一斤花生@G

kl122002 發表於 2021-4-9 07:16
原來如此,   
AQ 的RCA線慢不慢聲...? 我又唔太覺, 反而佢比起QED,  Cardas 已好好多了.   ...

可能慣左之前條線速度.....但整體評價係絕對正面, 唯獨速度上有D唔習慣~ 玩住先囉, 因為近期搞間房D櫃  機架 腳架, 加線材  都洗左D錢

  下一次應該會買部機 RIP CD 連音樂資料庫, 果然同大部分用户講法一樣, 當玩器材 玩到一段時間, 最後就係比較偏向係訊源音樂方面做投資!!