其實煩唔煩都未必可以話係見人見智, 而係你究竟有"幾鍾意"或"幾想"去搞件事, 搵部devialet一件過乜都搞掂有file佢就全包既又得; 搞到一屋幾廿件嘢又自己整線整電整嚟試去搞餐死既又有(即係小弟)~~ 咁結果係咪叫"最好"呢?? 唔知, 但如果覺得呢啲係樂趣, 咁件事就係值得, 除咗結果, 過程都係玩樂~~!! {:9_407:}
玩膠膠又要洗碟擺位執呢樣搞呢樣又係咁換碟好似好忙, 但enjoy既又係樂趣, 唔enjoy覺得係件苦事, 咁就真係無謂搞~~ 至於搞唔搞值唔值, 就係自己去衡量, 最重要都係開心~~!!
講返正題, 小弟前年入膠門, 當時乜春都唔識, 為咗幫自己去認識件事, 就去買隻入門全包盤TEAC TN-300: {:9_428:}
http://post76.hk/forum.php?mod=viewthread&tid=207888
玩膠膠其實都有好多嘢要學習要認識, 問咗幾多人睇咗幾多post, 到最後都係要靠自己落手落腳去吸收呢啲經驗. 當然作為入門全包盤既TEAC TN-300, 以其價位的確係交到貨仔~~ 新手入門的確係好路數~~!! {:9_423:}
之後小弟身痕, 喺唔同地方都見識過玩膠老手, 當然膠盤係有好多選擇好多轉動方法同牌子, 問題就係要揀啱自己既~~ 之前有諗過跟毒峰玩軟盤帶動既LP12, 但論經驗論心機真係唔及佢, 玩LP12有太多野要學可換可試可轉, 自問新手上路都係先搞掂個頭先.....
有睇過其他帶動或者好似Lenco L75用其他方法轉動既, 感覺上唔係太難玩就驚會太嘈~~ 最後將茅頭諗返最簡單直接既直驅盤~~!! 
直驅盤其實算係最耐用, 但最大問題係震, 所以有玩膠老手話, 如果乜都唔識去揀直驅, 就揀部有咁重得咁重既盤. 最後試過幾部有二三四十年歷史既日本二手直驅盤之後, 小弟就用咗幾千蚊入咗部Kenwood KD-750, 一直用到宜家~~!! 
當然, 玩膠膠唔少得既係洗碟, 有洗同無洗既碟分別係好好好好好大既, 所以玩膠既, 點都要諗吓部洗碟機點入屋: 
http://post76.hk/forum.php?mod=viewthread&tid=214339
但樓主唔係新手, 以小弟個人行過既路去諗, 如唔想太煩(當然係少啲煩, 但唔會唔煩), 咁就搵返部二三四十年歷史既日本二手直驅盤, 其實去試機時睇吓嗰位賣家就幾熟機, 大約都會知部機值唔值買同會唔會易壞, so far小弟部機用咗大半年都係非常正常, 而賣家(佢本身時不時都會收集名盤)都會時不時問吓小弟隻盤有無事, 如有事打搵佢搞~~ 
純係個人分享, 希望幫到樓主~~!!  |
[複製鏈接]
發表於 2016-1-12 23:27
但phono又千奇八怪好難話可以去試晒咁多隻, 唯有問吓啲朋友, 之後有位老友唔知點解入咗手部YS Audio既二手前旗艦phono, 最好笑係佢仲未有膠盤, 所以就把心一橫借佢返屋企玩咗2-3個月~~ 
