【1376醒醒你】Dolby Atmos Demo Disc (Sept 2015) 非賣品有獎遊戲

nippon

晚晚向身邊果個發開口夢-Atmos 呀Atmos 呀，身邊果個實擔心你發生咩事!係咪識左個女仔叫Atmos!她實問你發生咩事,等她連問你幾天,你回應她都話無野!等她擔心幾日且胡思亂想!直到她忍無可忍再問你,你先憂心緊緊告訴她你的Atmos 心結!她知道不關别的女生事,就會放低對atmos戒心,而且又為了解開愛人的心結,一定比批文!而她在你背口鬆一口涼氣!
(Post76 Android 手機版送出)

Sun811

我認為對另一半講出心底話是應該的，所以我的開場白會咁講：老婆，我因為尊重妳，所以想同你商量一下，你唔應承我都無問題的（記住用你的真心打動佢），我都玩咗影音咁多年，無乜特別我都唔會隨便換嘢，但因為近年來的影音界有了很大改變，我其實想計劃在未來一兩年內換一部支援atmos音效的擴音機，但都比個心理準備妳，個天花會多咗對喇叭，而我會想盡方法整得佢好好睇睇，到時我會話比妳聽怎樣整，請妳放心，至於錢方面，我會賣走部舊機，再補番個差價買新機，相信唔會補好多錢，而且我會每月自己慳Ｄ洗去儲定錢購買，希望妳明白這是我嗜好。

ricky0324

黎一個霸王硬上弓!

av玩家

前日同老婆去朋友屋企食飯朋友話不如食完飯欣賞吓sammi演唱會 老婆比我朋友毒完之後...嘩.嘩.嘩三個字 ...之後起我耳邊講點解屋企無咁樣聲效嘅 ......我同老婆講要升級鴨毛擴音機和一隻獨一無二嘅鴨毛試機碟先做到 ...講到咁版主你識做啦 !!!!!!!!

~bone~

有咩好方法可以攞到「鴨毛入屋」既批文

老婆: 老公....老公 ! 我睇中左個 飛甩雞毛 呀 !!
老公: 老婆....老婆 ! 我都睇中左個 鴨毛 呀 !!
老婆: 咩叫 鴨毛 呀?
老公: 雞毛 for Ladies , 鴨毛 for Men !
你用 雞毛 , 我用 鴨毛
老婆: 好呀 ! 好呀 ! (心心眼)

wantai288

老婆大人,如果比我抽到呢隻碟,甘就好啦,因為佢係專試鴨毛機GA碟同可以升級屋企舊機,然後我就可以係POST76果到,曬命自己買左新玩具,求下你啦!老婆大人

tommychan1972

有咩好方法可以攞到「鴨毛入屋」既批文

1.臨近聖誕節,{:9_427:}最簡單當然係自己公司抽獎
2.再唔係話同事抽到佢又唔識用,出面兩萬元一部,而家$8000讓俾我,我可以轉手賣出去,攞到返黎又拆開試吓,支支座座又話好聲又盛,試吓試吓張自己果部賣左去,唔覺唔覺就唔記得啦
3.咁都唔得恭喜晒,你可以換咩都得喇,包括你老細

apple1711

有咩好方法可以攞到「鴨毛入屋」既批文:

女人唔呃得，遇著我老婆仲係做傳媒精甩邊，單係拋出「Dolby Atmos」兩隻字來，佢就識得上網自己摷料摷價錢…..(假如佢對此係有好奇心或興趣的話@,@)。

所以我覺得要用：
1)講嘢講重點、2)以佢利益為依歸 呢兩個points來游說佢，拎批文應該十拿九穩﹗

我既計劃係用佢偶像Sammi隻碟(全球首張經Dolby Atmos混音果隻Touch Mi)嚟“吸佢眼球”先，兼且要買埋隻碟響手(唔好得個講，仲要有實物﹗)，然後同佢講：「老婆呀，我買咗Sammi隻碟畀你翻煲喎，包你響屋企都聽到響紅館一樣震撼既音響效果囉﹗不過呢，大前題係要有(係“有”，唔係“買”，千祈唔好講個“買”字，個“買”字係由你氹佢開口講既﹗XD)果兩隻喇叭，先玩到藏響隻碟入面既杜比呃毛聲效架，如果唔係就嘥咗隻靚碟架喇﹗」

其實一向唔多理我買乜既老婆，佢最concern既係間屋擺多舊嘢﹗抹塵要佢抹多舊嘢﹗但係於佢而言有佢著數的話，大概准奏無誤~XD
加埋佢想睇又miss咗戲院上畫的加州大地震都有杜比呃毛，夠晒牙力拎批文

moji_ji0

同老婆講話post76玩緊有奬遊戲，影張天花有四隻喇叭嘅相同有鴨毛機嘅相send返去，同寫埋篇鴨毛點樣入屋嘅文章，就有免費聖誕雙人來回北海道滑雪加温泉，機票連酒店十天，加五萬蚊現金購物禮卷，吟咪得攞^^

Amen

快到結婚記念日前同老闆講 : (老婆，某牌子Atmos AV Amp為鼓勵影音愛好者與伴侶增進感情，分享歌曲，電影，演唱會等，更加甜蜜，如出示結婚證書便可獲得折扣，結婚一年有九折，結婚二年有八折，如此類推，結婚九年以上可獲一折超荀折扣外更獲增天花喇叭一對，寓意天生一對！像我們一樣！特惠只限結婚記念日當天，我們合晒條件，你不要花心思買禮物俾我，您讓我買便已是最佳禮物！我也不想買一些不合您心之禮物，與您一起選購，乜都得！銀碼不限！)仲唔霖！實無拒絕！