極品毒氣室 - 試玩 Rag/Ygg (2016 開年 party, p.19)

Andykong

極品毒氣室 - 復仇の章

講明要復灼，睇住來打就梗架啦！

話說對上一個 Rag/Ygg 大會，某人套 Schiit 大殺三方，總於出現一張 order 三部 Ragnarok 的奇景。大家荷包重傷完，痛定思痛，覺得當日對巨無霸無論外型血統都比當時所有組合高大威猛，所以結果一面倒也是合情合理的！



所以我們再次情商某人再抬一次 Schiit Ragnarok/Yggdrasil 出來，今次我地去到我的損友家中「玩呢 D」！





今次 Ragnarok/Yggdrasil 要面對的兩套 HeadFi 系統是

(1)  Weiss MAN301 (B) + Headamp GS-X2
(2)  Burmester 099 preamp + DIY XLR female to XLR female adapter

GS-X2 號稱最完美的原子耳擴，waiting list 大約 18-24 個月，再配部 Weiss 的 MAN301，仲要 upgrade 埋 DAC-B (即係 Golden MAN301 的解碼)，這套組合應該是不小師兄的 dream headphone system 了。而另一選擇則是以音色瑰麗優雅見稱的 Burmester，099 是其中價前級，內置 DAC 並附 6.3mm 耳機口，所以其實可以當一部 Headfi 一體機來用，機主更重料 DIY 轉接線將 XLR pre-out 轉為 耳機的雙三接頭頭，音色靚成點大家不妨想像下！



當日的接駁方法，是 MAN301 的 analogue out (XLR) 接 GS-X2, AES 接 Yggdrasil, coaxial 接 Burmester 099，即是 MAN301 是所有 setup 的源頭，一 play 就三套機一齊出聲，要比較三部機的分別便非常直接了當了。

線材方面因沒有時間再為一每套器材配線，只能由各位參與者帶經來能調動的材湊合。話雖如此，但當中有唔小精品，例如「掉」在這角落的 kondo acz avocado 電源線 和 self cut 的 Odin RCA 都已令人流晒口水了。



供電方面，屋主的主 HiFi 系統是用 PS Audio 的 P5 電處，而 Headfi system 則用了小不點 LDP_500 電處，當日為平衡公平和便測試， 將 P5 空出了 5 個接頭，讓要比試的 Rag/Ygg, GS-X2, 099 四部機都接上 P5，然後將 MAN301 和其他系統的周邊器材接上 LDP_500，這樣 P5 和 LDP_500 都有空插頭隨時可將器材轉換不同的電處了，方便比較器材在兩部電處的表現。 當時所有機接好後了係咁既局面。



既然呼喚了能人異土來搭起這個比試台，曬冷級的耳機陣自然不可小了。今次這個耳機陣，絕對可以用 breathtaking 來形容了！







係咪有點眼花繚亂目不暇給呢？我明架， HeadFi 人見到呢「檯」野相信會有點 High 的感覺吧！

Sony 三寶： R10, 010, SA5000,  
高阻耳機： T1, HD800, HD700,
低阻耳機： ED5 ltd, ED10, TH900
平版耳機：lcd3, HE6, Oppo PM1,  Alpha Dog
靜電耳機：HE60 (小奧) 和無出鏡的 Stax 009

特別送上一些當時的焦點比試組合：

Sony 這對雙天至專，去到邊都會是焦點吧！





這對兄弟相信都是聚小離多的了！



玩曬冷，又點可以唔預靜電耳機呢? 當日我們除了 HE60 的元配外，還用了一條定制的 HE60 to Stax 轉接線，將 Stax 009 和 HE60 接到一部設成 by-pass 模式的 Stax 727a 上，然後由現場的 Headphone amp 的 pre-out 驅動！





最後加影深海兩位大佬的合照，HE60 + HD800



玩完 Headphone 外，Ragnarok 還是一部 speaker amplifier, 所以今次特別帶了一對 TAD TSM300 書架喇叭來試埋 Ragnarok 的喇叭驅動能力。效果如何？我覺得以當日的急就章兼夾硬來的 setup 來計，真係聽得過喎！可惜小弟太心急兼忙亂，竟然忘了影相，希望有出份去吸毒的兄弟們講多兩句，以補無相之「wok」了！

總結一下，當日玩了三套非常高班的 Headfi systems, 14 隻旗艦/次旗艦級的動圈和平板耳機，兩隻經典靜電耳機，比較了 P5 和 LDP_500 兩部電處，還試了 Ragnarok 推喇叭，玩夠未呢？

餘興節目一： 屋主套 HiFi 都很吸引哦 - 。訊源是 Esoteric P03/D03 + Trinity Clock，前後級功放是 Pass Labs X-0.2 + X350, 喇叭是 Wilson Audio  Watt+Puppy v5.1，聽完 Ragnarok 推喇叭挑起條癮，當然乘機轟炸返一輪了！

餘興節目二： 它們總於遇上了 - AK240SS vs RWAK240 vs AK380，咁大場面，部 AK120 和 Cayin N6 好艱難先攝到個角落位炸！



終於好表面咁講晒一轉這個 復仇の章 的極品毒氣室了，大家認為夠毒未呢?

呵呵呵，某人快 D 上來講下你的中毒情況啦，.... 如果你仲有一口氣的話！  

補充：Ragnarok 直推 TAD TSM-300

剛收到其他師兄的手機照，可以解釋一下當日玩 Ragnarok 推喇叭的情況。TAD TSM-300 其實是 Pro Studio Monitor, 可以 near field 聆聽, 可以貼牆擺，翻查相片 很多 Studio 在用這喇叭是也會橫放，所以在擺位上非常 flexible, 極之適合香港的聆聽環界境。據說當年 Lucusfilm 的 mixing studio 也是以 TSM-300 作 audio mixing 的。2000 年左右香港燒友開始民用，無論雙聲道或 5.1 AV 也大受好評，現已停產十年以上，但二手價仍然高企，甚至貴過停產前的全新價小小，也算是一個傳奇了！




當日的耹聽空間是寬而淺，所以擺位以 Near Field + Toe in 10 度左右。屋主玩座地喇叭，只有對用來放 surround 的 Ikea 小型喇叭座，在開 party 前兩日才知面版只有 8cm，但卻有 90cm 高，要用這對喇叭座來放 TSM-300 實在有點難度。



平常喇叭腳是 60cm 左右，所以就返喇叭座高度的話便要將 TSM-300  橫放了。所以我依 TSM-300 的側面呎吋鋸定兩塊 6 分板，去到上鑼絲固定在喇叭座上，結果就是上圖的「接近」單點落地的喇叭腳了！單點落地放喇叭的概念源出自 Goldmund Full Epilogue, 據說是最有效將聲箱諧震導地的方法，但人地似有個收你十幾萬既支架傍住，所以是既發燒又安全的，而我地呢次臨危授命的「類」單點落地則是生人勿近險過剃頭的，奉勸各信類似的高難度動何作，非專業搏命人仕請勿模仿！

loadinglove

真係好多夢幻逸品聚首一堂...
如果有機會參加就好啦

edgeyim

補天窗…

傳說中的單點落地出現！

Andykong

edgeyim 發表於 2015-6-16 10:42
補天窗…

傳說中的單點落地出現！

有圖有真相，我地真係有試 Ragnarok 推 TAD 架，仲冒險將將 TAD 橫擺，落毒既野真係小 D guts 都唔好架！

剛剛加了復仇の章的直推喇叭部份，大家請「碌」返上下啦！

edgeyim

Andykong 發表於 2015-6-16 13:39
有圖有真相，我地真係有試 Ragnarok 推 TAD 架，仲冒險將將 TAD 橫擺，落毒既野真係小 D guts 都唔好架！ ...

上個頭盤先~
今次Andy哥出辣招招呼小弟，真係感激不盡

好在小弟天生骨格精奇，幼時得異人傳授抗毒奇經———家徒四壁口袋空空大法。
今次先可以係各種奇毒中逃過三五七劫

PS Audio P5電源處理器
小弟一開始係用Rag/Ygg+TH900(BAL)，主要想知道自己系統加上P5電處後的效果，
結果亦好正路，背境好靜，音樂好出，動態場面都無壓縮，分析力上一台階，
可能係曲目關係亦可能係插太多器材互相有所干擾，
有時會有小小毛刺感 (說明：我第一次用Rag/Ygg/TH900聽陳慧嫻-歸來吧)
P5總結：有$有地方一定要買 (可惜我兩樣都無)

索尼雙煞 (R10/010)
兩隻機一個open一個close，絕對攞你命3000…
010+GSX2 天空海闊，無遠忽屆，高頻空氣感絕對超卓，演譯樂器一試難忘。
另外機身輕巧，佩戴感絕對前列但唔易鬆脫，不禁想#@%現代做耳機的設計師…
R10+Rag/Ygg，相比我心愛的TH900，三頻除左低頻重有些許優勢，
其它都輸，TH900輸比一隻二十幾年的老機…
又再一次掛念耳機設計師了…

真男人HE6
其實上次都有聽過，可能時間關係印象並唔太深。
今次可以聽清楚可以講印象好好，三頻平均，低頻比Alpha Dog延伸更好更多層次。
人聲棉密自然，有air唔焗聲，讚~亦明白為何Andy哥睇住佢黎換Amp(大咬)。
如果有多一隻"同樣貨色"，我要o架，Andy哥你懂的

未完待續

chowyeung

這帖很毒!!!!!

johnmo

終於聽到傳聞中的GS-X2,其聲音中性率直,面面俱到,又有3個gain可調較,推各大旗艦如HD800/T1/K812/LCD3/R10/010/PM 1都有模有樣,除了訂貨期頗長外,在其價位是首選之一


新貴Schiit Ragnarok穩如泰山的外表下,埋藏了一浸浸細膩推力,一掃Schiit給人力大聲粗的感覺,平衡口的表現更是超水準,HE6也推得遊刃有餘,不會有高沒低,又有喇叭AMP,加個adptor,連靜電都玩埋,CP值非常高,在線材花些少心思吊味已夠玩幾年了


小不點LDP 500電處也比想像中堅,唔cut頻又無怪味,幾千元的再生電源,當拖板來用都抵

t1174

真是如夢境一般. 這一次真是一次過聽到十分多想聽的東西. 本來, 我只知道有RAG+YGG, 也想過會有咁多想聽到的東西, 而且是有SETUP, 有建立的系統上, 真是花開世界一樣, 相就大家影了, 我去搶更多時間聽~

AK240...大家也好易聽得到, 不過 RWAK240 呢? 說真, 有240 想上380, 不如考慮一下改成 RWAK240~

Rag+YGG, 我現在只得一起睇, 因為我只是一起聽沒有分開過. 如何說呢, 是平凡中見經典~Schiit 其他的機我不記得自己有聽過, 真的是之前是力大聲粗嗎? 力 RAG 是有的, 而且推動板也好輕鬆, 不過粗呢.....真是粗不起來, 反而見也見得到美感, 它們聲音和機體外觀一樣的美. 也耐聽無比. 就是, 不是格鬥形, 沒有用甚麼好突出點用來突顯自己存在, 去話比人聽我那方面強那方面好. 它們, 就是好在一點, 出來的聲音會留住你的心.

MAN301+GS-X2, 自己早年訂過 GS-X(1代), 不過等了13個月(OR 更長)等不了放棄退錢. 之後雖然聽過入門的另一台 GS, 不過印象是零, 已經太耐了. 我在這之前也不知有二代. 不知是誰說 GS-X 好力, GS-X2 有MAN301 加持, 出多一點細膩和貴氣, BHSE 把 009 推得像動圈, GS-X2 有 MAN301 就吧動板推得像靜電去. MAN301 也治好了 DAC202 的病態 HEA. 也有好好處理 FILE 音樂感的問題. 可能有人說MAN301 用冇 DAC 版, 另加DAC 先好, 不過聽了後我可以說, MAN301有DAC 版就夠了.

打住咁多先, 明晚繼續.

Andykong

loadinglove 發表於 2015-6-16 06:59
真係好多夢幻逸品聚首一堂...
如果有機會參加就好啦

師兄，惡夢來架，有排提唔起興趣聽返自已套野，入呢 D 毒品室前真係三思啊！

Andykong

edgeyim 發表於 2015-6-16 16:59
上個頭盤先~
今次Andy哥出辣招招呼小弟，真係感激不盡

knock, knock, anybody home? 個頭盤 consume 左好耐，快 D 上主菜啦！

今次個陣， PS Audio P5 係獨贏，然後小不點 LDP 補埋位置飛，無理由咁都唔中喎！

成台耳機竟然揀中真男人? 同樣貨色就難求了，不過米飯慣性貨尾回饋，執住靚價全新玩下開箱無難度， GoGoGo 啦！

Sony 雙寶確是獨步江湖，我自已就鐘情 R10 的聲音，但又對 010 的外觀和設計愛不惜手，就來精神分裂啦！