我們的電視劇主題曲撈飯回憶！

thomasl211

多謝cfh21兄的分享……

thomasl211

神探猛龍(Magnum P.I)......湯瑪士密林

夏威夷豪華別墅、法拉尼跑車、每集都有靚女、

私家偵探、點44密林手槍......

由於要去一間美式快餐店做兼職，

朋友說:您必需有個英文名！

打開電視，剛剛就播緊神探猛龍，

順理成章......

我有英文名架......叫湯瑪士呀！



PS:下面珍貴的香港電視雜誌圖片

向oldcake.net 網友hongkongman借用！

thomasl211

上回講到老媽第一餅卡帶是圓月彎刀……聽的是三洋單聲道卡式機，幾年後，有了升級的機會！舅父換機割愛，我們也能擁有愛華立體聲雙卡式機！那時真的十分興奮！約弟弟跑出去廟街買了两餅帶，真真正正屬於自已的卡帶！一餅是林子祥莫再悲另一餅是今次的主角，張国榮……風繼續吹！(呢部機後來也伴著我和朋友於各海灘中戰鬥，雖然,同其他大哥哥的小露寶或777 不能相比！但也足令我們樂在其中！這是後話！)

我的卡帶老早已不知所踪，但內埋每一首歌

都包含不同的記憶……今次"介紹的是一首插曲叫緣份有幾多！香港電台一套名為:
臨歧之女人三十三。每集不同故事的單元劇這一集由哥哥及鄭佩佩主演！戲名也知故事說什麼吧？是 姐弟戀……首歌好好聽

上星期是哥哥生日,

永遠懷念哥哥………

以下就係套劇的原整版

http://archive1.rthk.hk/mp4/tv/2015/201501262130_h.mp4

tlsk

thomasl211 發表於 2016-9-20 12:01
上回講到老媽第一餅卡帶是圓月彎刀……聽的是三洋單聲道卡式機，幾年後，有了升級的機會！舅父換機割愛，我 ...

湯瑪仕兄提到廟街,我才想起這一張當年在老廟發記買的一張當時銷量不錯的電視金唱片音樂,唱片封底有呀羊咩兄做model的才是正貨。

tlsk

tlsk 發表於 2016-9-20 19:34
湯瑪仕兄提到廟街,我才想起這一張當年在老廟發記買的一張當時銷量不錯的電視金唱片音樂,唱片封底有呀羊咩 ...

湯瑪仕兄,尼輪呀羊咩兄小亮相,我來介紹這位就是人見人愛的羊咩兄...

thomasl211

tlsk 發表於 2016-9-20 23:20
湯瑪仕兄,尼輪呀羊咩兄小亮相,我來介紹這位就是人見人愛的羊咩兄...  ...

我以前係隔離數字台都聽聞過一個奇人

又係叫羊兄……唔知係咪同-個人！

thomasl211

TIsk兄：我正正係幫廟街發記買的！
            
            (呢間發記同我一陣講旺角果間原來唔同老細，

             只係同名，我好後來先知！

文兄：以下呢隻碟係啟蒙我咩係靚錄音！

Enrie：謝謝，其實地板好一般架乍......

thomasl211

可能有師兄話：亞湯，呢隻碟關電視主題曲勿叉樹呀？

thomasl211

File of justice

thomasl211

呢隻碟叫飛天結他，我都有段故仔，

係我第一隻發燒碟......

話說果日出左糧！走去女人街買特價黑膠！

比我搵到隻柏原芳惠盛惠特價十八蚊！開心到爆啦！

呢間唱片鋪鋪尾有個專賣古典音樂的角落，

時常有客係角落仔同

個店員高談闊論，咩指揮、咩曲目呀！呢個

角落係我覺得好神聖的地方......

突然間有一把色士風響起，哇！唔知點解，我覺得好好聽！

有一種迷一般的魔力！我鼓起勇氣問店員：

『哥哥，頭先播緊邊隻碟！好正啊！』少年湯問。

『下！飛天結他甘出名都唔識......』4眼店員哥哥答。

問左價錢要38蚊定42蚊......總之係好那貴，都照買啦！太好聽喇！

後來知道甘好聽的色士風係the last trick的前奏！

後來知道無線一號皇庭用左佢做主題配樂！

後來知道個位哥哥叫做阿偉，係發記唱片太子爺！

後來知道個位神聖的古典店員叫做蔡健威，係上兩個月亞偉哥話我知！

呢個故事發生於1986-1987年左右！哈哈！多謝收看！