逝去感情如何留得住 之 小聾友初試JHA x AK (無圖)

lokkk

是咁的, 事源呢個幾星期睇到76呢度有咁多師兄對JH Audio的新產品Layla同Angie發表聽感同評價
今日(呢個時間計應該叫尋日)終於抽到d時間去朝聖

由於好多師兄都話試呢兩隻野要用AK240先至最夾
但早排又手賤賣左AK240, 手上又得d cheap野出唔到大場面
唯有前一晚入定d想試既歌去TF卡度去鋪用埋人地demo既AK240
原本諗住入d近期常聽o個一兩隻album算, 但入下入下就入左6x首
有44.1/16有192/24有DSD64/128
而類型都由pop, metal, soundtrack, classical乜都有d咁
不過其實都預左唔夠時間聽得晒

今日終於去左某出名樓上店試呢兩隻新野
首先shell做功而言, JHA+carbon shell其實都無得輸, 係靚既!
不過管道位, d導管口始終一如以往既JHA質素 - 做得好唔掂, 好難睇
線材方面, JHA The SIRENS series全都用上8絞原裝線+bass control+4pin接口
由於本身已經有Roxanne, 對條線都唔陌生了
不過睇黎JHA都無特別為新的crossover型號去改善線材的問題 - 就係近耳掛位的線好易散開

正式埋牙, 一黎首先問店員拎左對Layla黎試先
一插落AK240, 習慣play前扭一招望下volume係幾多先
見上一手用係聽vol 5x, 心諗: 條友聾架開咁大聲(p.s. 之前自已用AK240聽開JH16/334都係開3x左右)
到一play就明白了, 我要扭到大約47左右先叫夠聲
由於都知道可能會好多人想試, 都無時間比我玩AB所以都每首聽下d重點位就算
首先自已本身就唔係專業既寫手, o個d咩專業既聽感術語我就唔係太識講啦
Layla比我第一個感覺, 聲音比Roxanne響亮
但得罪講句, 整體質素唔係比Roxanne好幾多
甚至某d地方比Roxanne奇怪, 倒如聽落近mid既range會有d聲消失左咁
聽完好彩中唔到毒(其實都預料之內)

之後就試一試隻Angie, 一聽...
嘩! 呢隻反而仲o岩聽過隻Layla
雖然低頻量真係偏少, 不過我無特別去扭大試, 反正個bass control效果都唔好得去邊
聽落大部份感覺都合理但依然係有d位個涵接有奇怪既感覺
如果真係要焗住2選1, 我應該會揀Angie而唔會係Layla

標題都寫到, 逝去感情如何留得住
JHA自從出左Roxanne都幾失望下
一黎bass control, 二黎表現
Universal fit做到咁大粒真係戴都戴得唔舒服
黎到crossover AK出Layla/Angie都係感覺平平
一黎價錢, 二黎都係表現
真係計雜食表現, 我寧願聽返JH16
真係想focus係vocal/想enjoy下聽歌我寧願聽返334
聽歌, 下下要聽d口水聲, 吸氣, 口型(?), 齒音真係幾累下

分別二萬同一萬的身價, Layla對我黎講就絕對稱不上"值"了
反正Angie相對地叫有驚喜, 但兩對都比唔到感動既感覺我

當然, 聽感既野大家明白啦
不喜勿插呢d廢話我都廢鬼事講, 反正睇到唔鍾意既人點都會搵d野去講
之後就地圖炮幫自已打圓場製造無敵時間

最後: 都係懷念第一次聽JH16既感動

完

SCLEE

情人眼裏出西施；你而家睇佢系東施囉！

patrick@wong

SCLEE 發表於 2015-2-1 05:55
情人眼裏出西施；你而家睇佢系東施囉！

i still keep 13 pro and 16 pro till now for many years...The coherent issue in jh always here but i like 16pro groove...so i still keep them

lokkk

SCLEE 發表於 2015-2-1 05:55
情人眼裏出西施；你而家睇佢系東施囉！

情人眼裡出西施, 鄙语也

from wiki - 字面意思為美色的本身並不會去迷惑人，只是欣賞的人自己的心迷惘了，就像情人眼中的伴侶，都是只看優點而輕忽缺點。/ 指不管對方是醜是美，在情人眼裡都是完美無缺的。

唔知壇上既師兄係咪個心都迷惘了, 定唔知因為咩原因而覺得/要寫一定係好既

在我角度黎睇, 我好鍾意聽JH既聲, 用黎聽metal我都會覺得比我聽過的iem/CM都要好
至於Layla/Angie, 我就覺得好似一幅大拼圖但缺了數塊一樣
只係佢地分別o係唔同既位置有所缺失
感覺上the sirens series真係"東施效顰"

希望下次撥到時間去試下用其他player聽下佢地
睇下可唔可以幻想到佢地做西施先

多謝師兄既回覆

oo923

同意Lokkk的講法，可能大家聽感相同，我自己是ak240用家，上個月好開心以為找到一隻自己好喜歡的耳機Earsonic Velvet,隻野真幾好，但我帶了幾日每日帶4小時左右(發覺耳仔好痛)可能隻Velvet是4方形所以帶得不好，最後好快放了！前幾日出去尋找另一隻，剛好Angie,AKR03兩隻都可以一齊試，咁就試下， (Layla太貴無試了)
在3.5mm非平衡頭
AKR03 聲音低中高頻都好平穩,人聲厚度，口形都好正常！
Angie 聲音好厚，我覺得太濃了，低音都上了高頻到！
在2.5mm平衡頭
AKR03 聲音好簿，有小小刺耳，音塲雖闊，低音也深了，連人聲拉闊了好似不在中間唱咁！
Angie 聲音剛好，低中高頻都好平穩，人聲厚度都好正常，感覺就係AKR03在3.5mm闊一個圈以上而人聲位置在中間唱咁！
最後AKR03，Angie相同價錢下，放棄了12單元，買入了8單元的Angie回家，現在聽了幾日，帶了幾日，聲還是自己鐘意的，帶得也舒服，在MTR內隔音也幾好！

以上只是個人感覺


(Post76 Android 手機版送出)

lokkk

oo923 發表於 2015-2-1 09:28
同意Lokkk的講法，可能大家聽感相同，我自己是ak240用家，上個月好開心以為找到一隻自己好喜歡的耳機Earson ...

師兄戴得舒服既話其實都係一件好事
咁鬼大粒真係唔係個個戴到, 就好似尋日跟我機o個位師兄
o係佢同意下影左張相, 真係好似就咁掛o係對耳度咁



師兄手上仲有無其他野試過Angie?
我仲諗緊下次可以帶d咩DAP去試下好
下次應該會主力試Angie算了, Layla就

講起平衡頭: 之前仲有240時, 我成日都身痕想d cm線/fitear線都搞去2.5mm平衡頭
同以前玩RSA年代成日想改d線做4pin RSA balance頭一樣
而家諗返好彩無咁做到

我覺得始終唔用standard野會焗限左自已可用既器材
當然可能會有發燒友會話"為音質, 你可以去幾盡?", "那怕為o個5-10%提升, 死都換線/加多隻amp"
我都試過為音質玩三文治, 玩portable全數碼/全balance
不過自已最後都係會揀返一套輕便隨身用
AK240對我黎講已成過去, 原因就係缺點其實都唔少
而家用住iPhone粗粗地聽住先, 期待一下黎緊唔同廠出既DAP

斯路

有幾位師兄朋友講到非常之毒令我對JHAK合作新品好有興趣，所以先段時間都專登走左去試聽。同lokkk師兄相近，我比較喜歡Angie。

有一點我比較奇怪無咩師兄有提及到既係Layla聲音在於音質以音量之間改變既非線性。當日我用iBasso DX90+Just Audio AHA120，0db增益試聽。將音量扭至8至9點位置時，Layla低頻失控而中高頻彷如失蹤，但當我將音量較至11至12點時Layla聲音完整不少。以入耳耳機黎講聲音密度非當高，要籠統一個大印象黎形容的話Layla質素亦屬高水平。個人對於音量Scalability既特點既睇法係因為單元數量較多，需要返一定輸出先可以正常驅動到呢對耳塞。

可惜我聽音樂習慣用較細音量，Layla聲音得以發揮既音量已超出我平時用慣既範圍。但係整體黎講呢對耳機特色明顯，而且都唔似易玩，期待更多師兄分享交流啦。

lokkk

斯路 發表於 2015-2-1 15:07
師兄朋友講到非常之毒令我對JHAK合作新品好有皈贅，所以先段時間都專登走左去試聽。同lokkk師兄相近，我比 ...

簡單d講AK240本來就drive唔起Layla, Roxanne, even Angie?
如上文我用240開到vol 4x先有正常音量, 平時其他耳機都係聽開3x

經師兄講"以入耳耳機黎講聲音密度非常高", "需要返一定輸出先可以正常驅動到呢對耳塞。" 我非常認同
用240直出去聽其實, 會有吃力既感覺(音量夠大但音場填充感弱)
下次拖隻amp仔去聽就一清二楚了

斯路

lokkk 發表於 2015-2-1 15:37
簡單d講AK240本來就drive唔起Layla, Roxanne, even Angie?
如上文我用240開到vol 4x先有正常音量, 平時其 ...

哎呀太可惜我改唔切，原回覆錯別字非常多真係唔好意思。

Angie/Layla都係相當有趣既耳塞，而我唔了解AK240無得拎住去試都未能夠好好體會所以無法好正面同師兄直接交流聽感；下次得閑有時間再試一於問店員借埋黎玩下先得。

lokkk師兄會打算拎咩野amp過去試呀?

SCLEE

lokkk 發表於 2015-2-1 08:53
情人眼裡出西施, 鄙语也

from wiki - 字面意思為美色的本身並不會去迷惑人，只是欣賞的人自己的心迷惘了 ...

聽音樂有人要原音，有人要聽自己喜歡的聲音；有人喜歡Layla，其實從原音角度，Layla有缺點，但個人聽聲喜好，冇話對錯，所以喜歡Layla的師兄，從自己喜歡的聲音出發，看Layla是西施；不過對其他人來說，覺得缺點不接受，那它就是東施了。
另外，我其實頗木耳，有師兄提到JH的coherant問題，我就分唔到。我聽過Roxanne,聲音頗吸引，但考慮到價格、size、聲音質素，就衝了10A，好彩冇令我失望。