我的組合: 終極品聽 經典試聽大計!

ghhf

班目一角 發表於 2016-6-9 12:07
師兄好文釆睇得我好入......神

以第一身真人show形式表達的確係最傳神既，戲肉仲係後面噃

ghhf

"耳聽為實" vs "理想預期"

終於來到期待巳久戲肉部份，小弟先介紹既係STAX以純銅線接上Young DSD呢個"一體臨場"組合效果

首先呢個組合效果其實似曾相識，效果非常有"膽味"，既豐滿又包滿，無邊際空間卻同時擁有强大充氣感，係感動狀態下，小弟完全分唔出係STAX還是係WA22既組合，合埋眼盲聽仲以為係一個係WA22上既HD800 + ED5-U + LCD-3 + T1既"一體臨場"效果

小弟先嘗試用對比法進一步詳述組合效果。其實一開始小弟预期組合係用Zendo線效果會更好，因為Young DSD本身表現係比較鬆容(casual)，另一方面，相對WA22既"豪邁大氣"，STAX系統就"斯文淡定"，當STAX加上Young DSD，预期就係"鬆容斯文"

係咁既先設预期下，小弟期望Zendo線可以增強動態效果及緊奏性，及進一步提升音形線條質感，即係唔好一味表現"鬆容斯文"(甚至係出現hei感)，要激既地方就唔該同我放盡d。相信C兄都唔會否定，小弟呢種預期，係make sense好合情理既，所以用Zendo線連接Young DSD及STAX系統，係小弟第一個試既非平衡組合，可惜效果並未如小弟期望

出乎意料，以Zendo線連接既組合效果並無小弟期望既"鮮活"感，亦無"大氣"感。雖然表現均衡，但好似"推唔起，推唔開"，完全揾唔到可欣賞既獨特性，更唔好話感動小弟既韻味元素，只能算交咗行貨去到"舒服"級别。呢個所得效果對小弟既自信唔多唔少有d打擊，係咁正既技術質量背景，及組件配合下，都只係有一個平平無奇效果，小弟猶疑咗好一段時間，仲特意連續比較品聽，確定耳感無誤，最後始終都係"耳聽為實"戰勝咗"理想預期"

講完對比，Zendo線使小弟失望，咁以純銅線連接Young DSD及STAX系統既"一體臨場"效果，"浪漫感性，鬆容奔放" ，詳盡耳感又係點呢?! 保證精彩，高潮疊起

全文: STAX靜電系統到手，猜猜耳擴耳機我是誰?!

ghhf

浪漫感性 一體臨場

警告! 小弟要上堅料，高潮將一浪接一浪，C兄準備好點都要撑到尾，唔好嘔血住!

以純銅線連接Young DSD及STAX系統既效果小弟原先並唔睇好，印象中銅質訊號線係會使整體效果更"鬆"，係"鬆容斯文"預期下，再鬆多一浸，就可能變成"散"同"hel"，失去主體焦點而變得過淡而無味。不過事情既實際發展又係另一回事，接埋之後，"耳聽為實"既結果係出現一個感動效果，而且竟然有小弟熟悉係WA22上經常體驗到既"鮮活大氣"膽味

最使小弟驚喜既係，純銅線連接效果，其實係將Young DSD既"鬆容"擴大，空間無邊際而無空洞散漫感(HD800?!)，另一方面，又顯現出極優分析力及豐富同步多層次感，音色華麗(ED5-U?!)，整體效果既豐且滿，更富彈性(LCD-3?!)，配上協調一氣連成流暢包圍感，奔放自如韻律感(T1?!)，實在一聽難忘

當小弟陶醉係感動境界時(STAX? WA22? Young DSD? Hugo? HD800? ED5-U? LCD-3? T1? 銅線? Zendo線? XLR? RCA? 全部都唔係境界之內)，就完全體驗出"浪漫感性，鬆容奔放"既"一體臨場"效果。仿似熱戀情人，展露鬆容奔放舞姿，迴繞翩翩起舞，含情默默傳遞無盡愛意，臨場只有你和我，融為一體浪漫感動

C兄如果仲未嘔血，請繼續努力再撑多一節，小弟好快會出埋另一個STAX系統配Hugo既"一體臨場"組合效果，同樣激烈，絶無冷場!


全文: STAX靜電系統到手，猜猜耳擴耳機我是誰?!

ghhf

經典韻律 精密控制

又來到另一個高潮，請C兄回顧一下STAX系統上既"一體臨場"組合:

1. "自然美麗 內涵無染" = STAX系統 + XLR(絧線) + Young DSD
2. "浪漫感性 鬆容奔放" = STAX系統 + RCA(絧線) + Young DSD
3. "經典韻律 精密控制" = STAX系統 + RCA(Zendo線) + Hugo

如果"內涵無染"成就咗第一個"一體臨場"，"自然美麗" ; "鬆容奔放"成就咗第二個"浪漫感性"效果 ; 咁"精密控制"又如何成就第三個係Hugo上既"經典韻律"效果?!

小弟想先品評一下Hugo既概括特性，其實未入手試聽就已經發現佢幾乎係有完滿既技術性效果，由入手Hugo開箱配接AK100，WA22，到而家既STAX系統，相對於小弟熟悉既"鮮活大氣"，Hugo既表現都係咁獨特"悠密甘甜"，完全唔係小弟聽慣既果種風格。小弟或者應該以當今主流經典代表效果來看待Hugo風格，用"經典韻律"形容應該亦不為過! 事實上，Hugo背後有一股强大既"精密控制"力量，無處不在發揮作用，使輸出達到極緻技術性完滿效果! 小弟有充分耳感體驗去支持呢個貼切比喻!

不過事情並無咁簡單，小弟又講番轉頭，細心既C兄可能巳發現"經典韻律"相對於"自然美麗"及"浪漫感性"其實仍未完全脱離音形肢體，"精密控制"亦未脱離技術性既表達層面。以小弟既標準，Hugo效果極其量只能達到"享受"級别，因為仍有可被欣賞既對象"經典韻律"，並未真正進入小弟追求既"一體臨場"感動境界。

有趣既係，小弟最後又話Hugo"經典韻律，精密控制"效果係一個"一體臨場"組合，點解小弟咁講?! 其實仲有一個更深既體驗層次，高潮中既高潮，請C兄耐心繼續追帖，下回自有分解 .....


全文: STAX靜電系統到手，猜猜耳擴耳機我是誰?!

ghhf

清甘甜 細膩悠

小弟d口水有如滔滔長江，一發不可收拾，繼續展述Hugo個性，嘗試比出較詳盡既品聽歷程。

係STAX系統既線性及可擴展能力下，首先吸引小弟既係充份體驗到Hugo非常强勁既力量感，除咗質感仲有重量感，事實上Hugo既動態及音形線條相對要比Young DSD既效果突出好多，立體玲瓏，高低得宜，進退有度，準繩感表現極盡控制之能事，係小弟聽過最富韻律感既效果。

另一方面，Hugo擁有小弟品聽過既最强密度感，密而生甜，係一種"清甘甜"，再配上STAX系統既"斯文淡定"，就産生咗一種"細膩悠"(相對小弟試聽過一d當今主流高端系統，就有不太自然既"糖精甜"及造作既"驕媚騷", 所謂既"音染"?!)。係場感方面，雖然闊廣度未如Young DSD組合，但多層次同步響應效果要更勝一籌，而且富深度感及連貫伸延性，配上"清甘甜"及"細膩悠"質感，效果獨特，極具感染力。

小弟又做下效果對比，上述一切既描述係配合Zendo線連接既效果，相比之下，銅線效果就出現咗預期既"散漫"感，雖然仍有"細悠"，但已缺乏"甘甜"，並非因為技術性方面密度不足，而係演譯風格異同，場感被壓平，失去深度連貫多層次感，動態及韻律感亦相對失色，只能算係一個"舒服"效果。

來到呢度，相信C兄已經可以體會到Hugo既"經典韻律 精密控制"，不過呢個只係一個"享受"級别效果，進一步深度體驗，去到"境界"層次又係咩一回事呢?!

ghhf

小弟一輪連珠炮發, C兄可能未來得切消化, 小弟介紹一輯STAX系統圖片集, 比C兄放鬆散下神 ......

STAX SRM-007tII 靜電耳機放大器拆解圖集
STAX SR-407 頭戴式靜電耳機拆解 圖集
STAX SR-009 頭戴式靜電耳機 圖集
STAX 公司簡介 漫步者收購

ghhf

華麗殿堂 天工藝術

係"精密控制"下，Hugo表現得一絲不苟，精確無誤，加上強大密度感，凝造獨特感染力，"經典韻律"，小弟會以Hugo呢種效果作為當前Head-Fi主流風格基準。

當Hugo呢種"精密控制"達到極緻效果，就好似巧匠天工，本身就已經昇華到美感既層次，成為一種藝術，"精密控制"演化為"天工藝術"，凝造出來就係一種令人讃嘆既華麗，建構出懾人心神既"華麗殿堂"場感。如果Young DSD係熱情奔放姑娘，與小弟浪漫鬆容翩翩起舞，咁Hugo就係端莊賢秀，係殿堂為小弟施展華麗舞曲。C兄是否可以意會到小弟描述既"臨場"感動?!

值得注意既係，兩種感動效果不盡相同，前者有"一體"效果，小弟參與其中，與浪漫姑娘鬆容共舞; 相對後者，雖然深受感動，但小弟仍然係一個欣賞者個體，並未參與其中。Young DSD組合比出既就係"一體臨場"境界，嚴格來講，Hugo組合效果係一個係"享受"與"感動"之間既"臨界"狀態。

小弟用咗咁大篇幅描述，就係想將品聽歷程比較有系統化，配以參考實例記錄下來。係呢次品聽中既結論，並不代表Young DSD與Hugo優劣之分，只係表示係小弟當前STAX系統及其他配置下所得綜合效果。畢竟小弟仍然未為STAX系統换保險膽及6CG7輸出膽管，亦未完成升級超級電池補完。當Young DSD及Hugo配上WA22，變化就更大，又完全係另一個故事。

STAX系統配合DAC及線材連接組合既分享暫時要告一段落。小弟跟住就會為今次STAX系統既體驗做一個開箱與品聽小結，同樣歡迎C兄參考及意見。

ghhf

STAX系統 開箱與品聽 小結

總算來到結局篇，寫埋呢個小結，小弟就完成STAX系統既開箱品聽，小弟其實都估唔到自己有咁多口水可以噴井而出，整個過程係難得經驗，小弟自己亦受益非淺。見到呢個私帖期間反應平穩，並無一擁窩蜂急流，睇來STAX系統仍然未普及化，但亦證明有穩定興趣者。

無容置疑既係，STAX系統的確係提供咗非凡音質效果，係品聽期間，小弟確定咗佢既線性效果(预期之內)，發現佢强大可擴展能力(驚喜發現)。如果以整個STAX系統作為一個單元來睇，線性加上可擴展力，就係非常既適配性! 雖然STAX系統相對封閉，基於佢既特性，小弟絶對會用STAX系統去監賞品聽各種前端及音源系統異同效果。

最後想指出，以而家小弟所得效果，呢套STAX SRM-007tII + SR-507唔只係物有所值，其實係有極優性價比，咁當然，大前題係，要配上一個好似小弟咁堅料既玩家! 故事未完，仲有排玩 ......

全文: STAX靜電系統到手，猜猜耳擴耳機我是誰?!

ghhf

挑戰耳感 音源格式 WAV，FLAC，DSD

小弟想揾一套音源檔，同時有3種格式WAV，FLAC及DSD，作為煲煉耳機HD600(對比HD800)及ED5-U。另一方面，亦會以STAX系統直接比較，邊種格式小弟最受落。各位C兄有無樣板檔，或者邊度可以揾到一套3種格式，可比小弟品聽參考?!

ghhf

小弟暫時揾到一套:

Demo Tracks by DSD Pioneer Musician David Elias
https://www.oppodigital.com/hra/dsd-by-davidelias.aspx

Audio encoded formats for "Vision of Her":

DSF - DSD64 - Original Pure DSD recording and mix at 1-bit, 2.8MHz sampling rate (206.6MB)

WAV - 24-bit, 88.2kHz Sampling - HRA (HD) format without metadata (tags) downsample using Korg AudioGate software (154.9MB)

FLAC - 24-bit, 88.2kHz Sampling - HRA (HD) lossless compression format with metadata (tags) (109.3MB)