我的組合: 終極品聽 經典試聽大計!

ghhf

一早就出車去郵局托件嘢返屋企中...... 搬16Kg原來都唔係咁輕鬆

ghhf

比想像中大件

ghhf

千山萬水，搭車搭lift

ghhf

2,000VA超級火牛開箱 電源淨化系統

小弟無嘢揾嘢來做，千辛萬苦，總算集齊呢三件嘢，組成AC電源淨化系統，可以獨立使用浄化街電，亦可配合小弟現有電池補完，進一步提升供電質量

ghhf

STAX系統 5種組合效果 3個"一體臨場"

係正式上高潮之前，小弟又舉出免死金牌，話明唔包生仔，如果有C兄睇完小弟帖文，誤傷荷包，實屬不幸，完全係上帝既錯

利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!

入正题啦，首先小弟又要先讚下自己英明神武，小弟的確有先見之明，係AMP部份一開始就去盡選SRM-007tII(相對006tS)，係動態彈性力量感方面既表現就得到保障，唔會成場得獨孤一味"斯文淡定"，係耳機方面SR-507既可擴展性能力，配合SRM-007tII及其他配件背後技術性質量支持，絶對可以去到小弟要求最極緻效果。高密度連續品聽咗成個月，完全可以肯定呢套STAX SRM-007tII + SR-507系統，對小弟來講係最優選擇

來到報告業績既時候，聽過當前所有可配組合，以Young DSD及Hugo作DAC輸入，並以Zendo及銅線連接，共有5個組合效果，3個Young DSD(1個平衡 + 2個非平衡)，另外2個係Hugo，小弟最終得到3個"一體臨場"及2個"舒服"效果

有咗業績，就可以評一下呢套STAX系統性價比，系統售價相當於當前一對高階旗艦耳機，例如小弟之前入咗既LCD-3及Wonder耳機(Edition 5 Unlimited)，STAX系统雖然未算係小弟巳聽過最感動組合(去到催人落淚效果)，但肯定係最高淨質量既系統(一方面係STAX本身既性能，另外亦係小弟系統基建質量不斷提升)，而且一次過可以比出3個"一體臨場"效果，相對小弟其他耳機，千煲萬試，先揾到一個"一體臨場"，巳經係值回售價。

5種組合效果，3個"一體臨場"，之前已經評介咗STAX系統配Young DSD平衡連接既"一體臨場" - "自然美麗，內涵無染"，仲有兩個組合效果又有咩異同?! 概括定調係"經典韻律，精密控制"及"浪漫感性，鬆容奔放"，但因為有一d效果同小弟預期有出入，小弟要繼續連續品聽多一段時間確定，先比出明細品評

下一節就可以完全交待另外兩個STAX系統"一體臨場"組合細節效果，為求認真，小弟唔想為寫而寫，請C兄久等多一星期

ghhf

Keano 發表於 2016-6-3 21:11
600是好耳機, 但要換線才發揮實力, 我試過用HD800原線，Moon Audio Silver Dragon 和手工8絞銀線, 各有特色 ...

小弟會先用各位C兄熟悉既Hugo先推吓HD600，攞個初聽参考基準，跟住上WA22一路連續比較，直至揾到個HD600"感動"組合為止，雖然仲未開始品聽，小弟傾向覺得唔使換線，都有機會成功!

ghhf

小弟又一巨作, 整理全文: STAX靜電系統到手，猜猜耳擴耳機我是誰?!

ghhf

見到論壇多咗人討論HD600，小弟都唔執輸，整理好"前傳"，HD600 開箱與品聽 (前傳)，準備好玩嘢策略

ghhf

精密控制 vs 鬆容奔放

今日小弟將成套STAX系統重新入番箱，唔係因為想退貨，而係整理下個私Lab，亦表示為期個幾月STAX系統第一階段品聽巳經完成咗。所有品聽效果亦巳經刻印係小弟腦裏面，小弟會續步完成埋係STAX系統上揾到既另外兩個"一體臨場"組合效果品評。C兄準備好未?!  小弟唔客氣來料，小心比小弟d口水浸暈

首先係一個概括性效果品評，STAX系統以非平衡連接Young DSD及Hugo，雖然場感闊度不及平衡連接模式，但主體音形線條及對比性較强，音樂感亦比較重，DAC"個性"更容易突顯出來。事實上，Young DSD同Hugo既風格分别非常明顯，STAX系統既線性表現的確將兩種完全不同韻味演譯盡情發揮出來。小弟用"精密控制"形容Hugo及"鬆容奔放"形容Young DSD效果，C兄唔應該感到奇怪

另外兩個"一體臨場"組合分别係Hugo配Zendo線及Young DSD配純銅線，以RCA非平衡連接STAX系统。呢兩個組合耳聽為實既效果同小弟自己既預測好唔同，的確有d意料之外。所以吹水還吹水，最終都係要過埋自己隻耳先好收貨，真係中毒死都叫甘心情願享受過，因誤會而跳落火坑，死咗都唔知咩事先最無辜

小弟跟住要正式介紹既係STAX以純銅線RCA非平衡接上Young DSD呢個"一體臨場"組合效果，"浪漫感性，鬆容奔放" ......

班目一角

師兄好文釆睇得我好入......神