我的組合: 終極品聽 經典試聽大計!

moliu

我都係t1用家，我隻仲係超早的舊版（sn: 11xx)，對佢非常滿意。但我聽過友人的改了線的平衡版，更加滿意。

另，請問90年紀念T1平衡版$$???邊度有貨？

sennbeyer

moliu 發表於 2014-11-23 15:47
我都係t1用家，我隻仲係超早的舊版（sn: 11xx)，對佢非常滿意。但我聽過友人的改了線的平衡版，更加滿意。
...

師兄,地庫見到有貨,可以去睇下

ghhf

moliu 發表於 2014-11-23 15:47
我都係t1用家，我隻仲係超早的舊版（sn: 11xx)，對佢非常滿意。但我聽過友人的改了線的平衡版，更加滿意。
...

紀念版T1我係旺角鋪見到有貨, 不過買唔落手(唔係價位問題), 暫時無意玩平衡住, 將來如果要改, 可能自己動手改舊版 ..... 唔知小弟隻T1會去到咩序號 .....  

ghhf

雖然"電池補完"巳經定案, 今日幫充電電源線及後端電池組加上保險膽, 做埋最後測試, 評估後端電池組接線及保險膽對音質影響, 將電池組保險膽短路, 返覆試聽, 對動態響應爆發力係有可察覺分別, 既然聽到分別, 來到呢個地步, 就唔偷懶得, 準備將所有原來紅籃電源線, 與前端電池組一樣, 改用單晶銅線及直接焊接升級10A保險膽, 減少接點得到最好效果.

世界係無免費午餐, 所謂優化, 就係咁樣, 續d儲返來的, 問題係, 聽唔聽到分別, 同有幾執著 ....

ghhf

Head fi上面講T1改缐，睇落唔係好難拆開T1，好大機會好似HD800同D7100換做金銀缐，不過未必會玩平衡。

http://www.head-fi.org/t/485340/ ... ditecu29-zeus-cable

ghhf

T1到手, 第一時間接上巳恭侯多時WA6 SE/ WE 274B, 一開聲 ..... 嘩嘩嘩!!!

Beyerdynamic Tesla T1開箱試聽與品評
http://post76.hk/forum.php?mod=r ... 7&fromuid=87952

ghhf

斯路 發表於 2014-11-23 08:29
原來係森海官放，非常唔錯。

未知師兄覺得T1新機落地同埋Demo相差遠唔遠呀? 我同師兄睇黎相當有緣，我都 ...

斯路C兄，針對你既問題，報告如下:

昨晚攞機我對新T1係店內同樣試接HDVD800，结果感覺比之前demo機(店員話開咗幾星期)亮麗。返到屋企T1配WA6 SE，出聲明顕比係HDVD800上效果要好得多，最驚奇係，T1既音場空間感都非常特出，完全唔會覺得係呢方面有缺失，用同樣比喻，如果HD800係無邊宇宙，咁T1就系接近銀河系規模小宇宙。

當然T1略嫌拘緊未夠放，如果勉强要比一個量化比較，可能巳有HD800既7成效果。新機T1跟原廠銅質耳機缐對比HD800已升级金銀耳機線，真係表現非常出色。

不過説話又要兩邊講，幾個月前開始煲HD800時係未升级Young DSD，亦未有"電池補完"，所以相對來講，而家推煲T1係係"高起點"開始，效果可能完全係兩回事。

斯路

ghhf 發表於 2014-11-26 14:07
斯路C兄，針對你既問題，報告如下:

昨晚攞機我對新T1係店內同樣試接HDVD800，结果感覺比之前demo機(店員 ...

師兄既分享以及分析的相當詳盡易明，意想不到岩岩落地聲音表現得到師兄如此高既評價。雖然量化比較我未必真係了解個程度既差距，不過見到師兄睇黎都相當滿意真係開心。

我自己對T1煲左兩三日機先開始可以聽聽，感覺上我對T1要走既會係漫漫長路，前端始終無師兄既咁好，睇怕要比師兄走得更耐呢。

ghhf

T1第一日試聽

今日先講下T1外表質感, 非常高品質量, 啞鈦金屬色樸實之中顯現自信剛毅力. 雖然不及HD800舒服, 戴上頭亦好穩妥舒適. 行咗十個鐘, T1一路進步緊, 越來越放, 不過小弟都決定聽多幾日, 確定T1既獨特性, 先再分享聽感. 而家可以肯定既係無買錯嘢, 煲熟之後T1絕對係會獨當一面, 與HD800並駕齊駒, 成為小弟另一超級打手 .....

ghhf

T1第五日試聽

首先要對T1第一感再作補充, 要讚下自己套Head Fi系統, 真係唔聽唔比較, 唔知自己勁. 小弟對T1第一感咁有驚喜係因為T1係WA6 SE既表現相對於試耳時既HDVD800完全係差幾個級數, 當然小弟唔會咁武斷就咁話HDVD800系統表現差 , 其實我之前有考慮過HDVD800配HD800造個完美配搭, 可借佢未有DSD, 所以當時無入, 改入Young DSD.  HDVD800係兼容性上, 就唔可以同小弟既WA6 SE相提並論, T1搭上WA6 SE應該係一個非常好既組合.

T1初試表現現象亦帶出另一個有趣反思, 好明顯T1, HD800呢類耳機係"非常有性格", 唔係被設計出來"遷就"其他部件, 而係要互相配套, 甚至升級其他部件(DAC及AMP)去配合得到最好效果. 相比時下流行新耳機, 設計上就唔係單純以耳機自身最優化考量, 亦為咗贏得普及性, 變得所謂"百搭"及"易推", 成為新賣點, 無他, 市場力量及經濟環境條件變化的現象. 當然科技不停進步, "百搭"及"易推"亦可以有好表現, 不過T1, HD800既"經典"個性味道可能續步被人淡忘.


優化平衡(Managed Balance)

好啦, 言歸正題, 一連幾曰試聽T1之後, 覺得T1特性係在於佢既均衡及連貫性, 小弟會用係一種優化平衡(Managed Balance)來形容. 相對HD800及D7100就對膽管及音源比較敏感, 如果佢地狂野, 咁HD800(中高音域)及D7100(低音域)亦會狂野, 甚至瘋狂表現太過火. T1表現就相對有節制得多, 但又唔係生硬咁封殺, 而係收得好順暢自然. T1呢幾日配上不同膽管既效果表現出有呢種均衡及連貫性.

另外小弟未入T1之前亦做過功課, 參考網上討論品評, 小弟暫時未搵到T1既"缺點", 唔知係小弟耳感未到聽唔出"缺點"? 定係小弟咁好彩入到隻"完美"T1? 最有可能係: T1同WA6 SE係一個絕配!