我的組合: 終極品聽 經典試聽大計!

ghhf

由於得到一粒WE 274B, 小弟既經典試聽大計決定等埋佢, 會先聽一次WE 274B再決定試聽序次同參照組合 .....

係等WE 274B既同時, 小弟不忘繼續玩嘢, 推煲HD800, 用Marconi推完, 又轉番用GEC推, 交叉推煲的確有作用 ..... 巳經感覺唔到哨齒尾音, 出聲和喛, 宻度, 動量提升, 再配合HD800獨有既"鬆透", HD800真係已經進入狀態, 同開箱時比, 直頭可以用"脫胎換骨"形容都唔算誇張 .....

小弟再做咗一個對比, 將金銀升級耳機線換番原廠線, 試聽再對比升級耳機線作用, 好明顯換番原廠線之後出聲拆咗, 薄咗, 小咗動彈力量, 哨齒尾音又走番出來 ..... 其實小弟心中有數, 不過係將原廠線打包封印之前, 親耳最後再確定一次, 以後應該再無咩機會接番原廠線了 .....

ghhf

小弟有幸，今日入到多一粒珍藏級蝕刻版WE274B，而且測驗係NOS，好有霸氣，真係一代古董膽王!

ghhf

既然得到WE 274B膽王光臨, 小弟既大計就要作出適當調整, 絕對唔可以馬馬虎虎咁迎接膽王. 今日特別重金禮聘, 請來一身銀光閃閃, 靚仔到極Zendo Ag Au RCA訊號線坐陣(有C兄話會一插即愛上咁話, 等小弟認真體驗下, 聽完會唔會真係墮入愛河, 不能自拔 ..... ), 係未來1-2星期同HD800, D7100力煲磨合進入狀態迎接WE 274B .....

剛剛換上Zendo訊號線(未煲全新開箱), 開始試聽(頭一個鐘唔詳細聽住, 比佢熱下身).....

初步試聽咗一個鐘, 最明顯係深度場感, 人聲開揚清晰度提升咗, 高音"叮叮", "鈴鈴"竟然可以聽到小弟有d毛管動, 最意外既係, 高音清甜咗, 不但唔覺飄浮, 密度反而提升, 動態彈性反應更快, 低音更重更深厚實(HD800都出到咁有動量音場, 利害!) ..... 所以相對於原來既單晶銅訊號線, 其實又係全面性音質升級(+30%) ..... 不過哨齒尾音係惡化咗, 當然要一段時間煲開, 繼續磨合進步迎接WE 274B .....

johnmo

一入膽門深似海

Zendo線停左產,都仲買到

黑翼菜鳥

30年代刻字版WE274B!?
出面個價完全無人性架...

ghhf

johnmo 發表於 2014-7-11 00:26
一入膽門深似海

Zendo線停左產,都仲買到

小弟有幸，係短暫有限人生中，可以曾經經歷浩瀚膽音世界，寶劍赠英雄，名膽赠知音，小弟好希望自己係知音客

ghhf

黑翼菜鳥 發表於 2014-7-11 10:27
30年代刻字版WE274B!?
出面個價完全無人性架...

"Etched Base"應該係蝕刻，用化學方法。

我覺得係有收藏家捨愛, 小弟先有機會入到成為自己珍藏，小弟既經典試聽大計就更加完滿。一隻品相性能咁好既膽王，出價低係一種侮辱，唯一可能只會係流嘢，個價位我覺得合理(其實我覺得好似平咗比我，無論如何，完成到小弟心願，點都要講聲多謝!)，實數就唔講了。

黑翼菜鳥

ghhf 發表於 2014-7-11 11:22
"Etched Base"應該係蝕刻，用化學方法。

我覺得係有收藏家捨愛, 小弟先有機會入到成為自己珍藏，小弟既 ...

個實數我明的放心

ghhf

黑翼菜鳥 發表於 2014-7-12 00:16
個實數我明的放心

C兄係過來人心照好啦, 唔好咁揚個價 ...... 總之大家知道係"筍中筍"嘢就得啦 .....

小弟開始時特登話唔玩西電(住!), 唔想做儍仔入貴貨云云, 其實係一路玩5U4G, 一路等機會 .....   

今日打倒作日的我, 一口氣入咗三粒唔同版本WE 274B, 1946印字版, 刻字版(Engraved), 蝕刻版(Etched), 無他, 毒癮發作, 就會越吸越深 ......

除咗比較5U4G持性, 亦會比較三粒唔同版WE 274B既異同, 小弟真係有幸, 心滿意足, 夫復何求?! ......

ghhf

小弟唔係淨係玩物喪志, 一路有做功課的, 講開西電, 佢個date code system真係極有玩味性(定係玩死人?!), 小弟將之前搜集到資料供同好參照.